You'll laugh - You'll cry - You'll hurl

2005-09-13T02:17:00.000-12:00

Jæja þá..

Mér þykir það afskaplega leitt að tilkynna ykkur fáu lesendum sem enn eru að kíkja hingað, að Gefmerfive hefur framlengt sumarfríið sitt um eitt ár..og jafnvel til eilífðarnóns...nema okkur verði sendur undirskrifarlisti að ári.

Bryndís er farin til Kanödu og verður þar með rauðhærðum manni næsta árið og Gefmerfivegellan er farin í barneignarfrí ásamt eiginmanni sínum, Hugh Hefner.
Svala er byrjuð að læra listir og er of mikill aumingi til þess að halda uppi stórkostlegum vef Gefmerfive alein næsta árið.
Bryndís verður þó með útlandablogg ásamt kæró: erlendarfrjettir.blogspot.com sem ég hvet alla til að setja á listann sinn.

En jæja, þá kveðjum við og eins og skáldið sagði forðum;

Takk fyrir matinn,
hann var góður!

Svala.

2005-06-01T12:32:00.000-12:00

Það er orðið ljóst að gefmérfiveliðar eru annars hugar þessa dagana.
Voða mikið að gera: vakna, borða, vinna smá, hugsa, tala og svona, mikið um pappírsvinnu og yfirvinnu. Stundum borða gefmérfiveliðar á nóttunni og sofa jafnvel fram yfir hádegi.
Af þessu má sjá að enginn tími gefst til skrifa á þessa síðu, aðeins til annarskonar skrifa, skrifa undir LÍN seðla og kvittanir ýmsar, svo eru sumir jafnvel að skrifa BA-ritgerð um blóðdrykkju og villimennsku ýmiskonar. De Sade, Dracula, Axlar Björn og nokkrir Tyrkir eru einmitt hér uppi á borðum.

Svalan flaug ekki aðeins inn í grafíska hönnun heldur einnig inn í myndlist, þannig að við megum búast við mörgum myndum á næstunni því myndlistin varð jú fyrir valinu, enda Svalan heilluð af verkum Giottos, Raphaels og Villa Vill.

Hitt skrípið býður eftir svörum um skólavist í Kanada-landi þar sem hún skráði sig til náms í rúsnesku, arabísku og mannfræði, skynsemi er hennar millinafn. Þar á eftir er stefnan tekinn á einskonar húga búga fræði, a.k.a. þróunar-mannfræði, eða kannski meira þjóðfræði/þróunarfræði/mannfræði/atvinnuleysi.

Hér ætla ég koma því að að (?) það er hægt að fá Durum með Shawarma á the Purple Onion þar sem Nonni var forðum, nú undir nafninu Shawarma samloka. Shalam Aleikum, shawarmaið hjá þessum gæjum er mjög gott, enda talar kokkurinn bara arabísku og er "nýinnfluttur" frá Dubai þar sem shawarmaið vex á trjánum.

Sem sagt, hér með er það tilkynnt opinberlega að höfuðstöðvar GFM eru í hýði komnar, þangað til seinna, kannski síðsumars, eftir nokkra duruma. Kannski kannski en þangað til, cheers og njótið sumarsins.

Brad und Sad
aka
Bryndís&Svala

2005-05-16T04:50:00.000-12:00

Það er orðið ljóst að ég mun ekki iðjuleysingi vera næsta haust. Ég fékk inn í Grafíska hönnun við Listaháskóla Íslands en ekki í myndlist sem ég sótti líka um, er reyndar nr. 2 á biðlista en nenni varla að púkka upp á það. En það er mjög gott að vita að allt erfiðið hafi skilað sér í einhverju...

Annars hef ég verið mikið letidýr síðustu vikur, það eina sem ég geri að vinna, sofa og borða laufblöð. Allt þar til að ég var orðin leið á letilífinu og ákvað að gera e-ð. Svo ég keypti mér hjól. Mjög fallegt svart frúarhjól með körfu og allt. Svo varð ég aftur löt og brá því á það ráð að drekka mjög mikið og dansa á laugardaginn og sunnudaginn ásamt góðum vinum, verða svo löt vegna drykkju dagana eftir.

Svona var líf mitt í hnetuskel þessa vikuna.

Annars hef ég uppgötvað leiðina til þess að eignast dýra og fallega hluti; gifta sig. Það er ótrúlegt hversu mörg tilvonandi brúðhjón koma í dýru húsgagnabúðina sem ég vinn í, tyggja tyggjóið sitt í stereo og gera brúðkaupsgjafalista með ótrúlega dýrum hlutum. Og gestirnir actually kaupa þetta dýra dót. Ótrúlegt....... Atli, viltu giftast mér?

Svahílí.

p.s. Langar í íbúð.. má gefa mér.

2005-05-08T08:21:00.000-12:00

Fyrir rúmri viku eignaðist ég svartan bardagafisk með glæsilegu bláu sporði til að setja í kúlu sem ég á. Ég sá fram á sæludaga með okkur fiskinum sem ég nefndi Pesci....... Eftir 3 daga kom ég að honum þar sem hann lá hreyfingarlaus og þakinn hvítri loðinni slykju sem reyndist vera sveppasýking. Ekki leið að löngu áður en greyið Pesci minn dó. Mér þótti það mjög miður því ég var búin að ákveða það að hann ætti að lifa löngu, heilbrigðu lífi því ég hef áður á gullfiska með dræmum árangri.
Ég synti einn kílómetra það kvöld í minningu Pesci.

Miðvikudagskvöldið drakk ég svo sorgum mínum, og drakk þeim reyndar svo vel að ég varð alveg eiturhress enda spöruðum ég og Frk. Joensen ei vorn skó. Mér var dröslað upp í leigubíl eins og blautri tusku kl. að verða 6.
Daginn eftir var ég ekki upp á mitt besta en reyndi að vera fersk með því að setjast úti í góða veðrið við Austurvöll, hvít, kappklædd með kryppu, sólgleraugu og vígtennur. Fékk mér reyndar nammi góðar supernachos sem voru alveg -super fantastisch-... mmm nachos (styrkt af doritos)

Í fyrrakvöld, hins vegar, gerði ég dálítið nýtt. Ég fór ein í bíó. Og það í sambíó í Mjóddinni á nýja mynd, nánar tiltekið á "The hitchikers guide to the galaxy". Mér fannst það merkileg og dálítið skrítið því salurinn var nánast fullur og ég fann að manneskjurnar við hliðina á mér vissu að ég væri ein, og fólk sem fer eitt í bíó er skrítið. Ég var því frekar meðvituð um mig og í byrjun læddist paranoian að mér, fannst öll augu vera að gjóa á mig fyrirlitslega. En það er bara af því að ég er geðveik og komst fljótt yfir það.
En aftur á móti naut ég myndarinnar ábyggilega betur ein því þannig sér maður myndir algerlega á eigin forsendum. Og mér fannst myndin þar að auki mjög skemmtileg.

Niðurstaðan er s.s. Þessi:

a) Ég gæti farið aftur ein í bíó en samt ekki.
b) Þegar ég drekk mjög mikið verð ég stundum þunn daginn eftir
c) Fiskar virðast frekar vilja drepast en að vera í minni umsjá
d) Það var col. Mustard sem framdi morðið með kertastjaka í eldhúsinu....

-Svalbarði-

2005-05-01T22:24:00.000-12:00

Í desember og maímánuði hverjum átta ég mig á því hvað það var erfitt að vera uppi á miðöldum...
"Ohh bömmer, af hverju þurfti ég að fæðast inn í miðaldir..ohhh jæja þá.."
Ef það eru svona líf eftir dauðann þar sem maður er sendur aftur niður, kannski bara niður á einhvern tíma, þá segir Guð örugglega:
"Þú ert vond stúlka, ef þú hættir ekki að líkja englunum við hænur þá sendi ég þig til MIÐALDA" (sound effect: DAA DAA DAAAAA úúúúú).

Mér tókst samt að skrifa ritgerð um daginn sem hrakti þetta allt saman og var niðurstaða hennar að miðaldir hafi verið mjög fínar, þær séu einungis mjög miskildar af yngri kynslóðum. Riddarasögur, lútuleikur, streingleikar, Tídægra. Ég væri alveg til að vera hefðarmær uppí rúmi að lesa Tídægru. Frammi er systir mín að æfa sig á lútu fyrir streingleikakeppnina (IDOL) og svo er einhver svona gæi í sokkabuxnum fyrir utan gluggan hjá mér að raula:
"ó mín fagra fíkatú, ó ljúfa þú, I miss jú... dú dú dú".
Pabbi hellur yfir hann vatni úr fati og segir honum að snauta sér, svona eins og maður gerir við breimandi fressketti. Ég ligg bara áfram upp í rúmi og læt eins og ekkert hafi í skorist, glotti kannski lítið eitt yfir aðförunum að trúbadornum.
Svo fæ ég svarta dauða og drukkna í veikindum mínum ofaní bæjarbrunninum, eða eitthvað svona álíka miðaldalegt.

Góðar stundir í síð-nútímanum
Brunelleschi og Boccaccio

2005-04-26T08:24:00.000-12:00

Þær gerast varla súrari pabba-helgarnar en sú síðasta. Sperrtir pabbar, eldri konur með smáhunda og fjöldinn allur af börnum á leikskólaaldri standa við tjarnarbakkann og stara á stokksandarstegginn koma vilja sínum fram við stokksandarkollu.
Og það er enginn unaðsstund né rómantík, nei slíkar stundir og tíkur viku sér frá tjarnarbakkanum í þann mund sem steggurinn beit kolluna í hausinn og kaffærði henni hvað eftir annað.
Ég horfði á hörmungarnar, hálf vandræðaleg, fannst eins og hugsanlega gæti þetta verið mér að kenna. Pabbar, gamlar konur og leikskólabörn geta varla borið ábyrgð á öðru eins líferni saklausra anda sem segja venjulega bara "bra" og borða svo brauð.
En nú var ekki kvæði kvakað né brauð borðað, því nú kom að hóp-nauðgunaratriði miklu þar sem þrír grænhöfðar kepptust við að stúta, og njóta, kollunnar með barsmíðum ýmsum.
Undir brú hélt reiðingin og síðan sást ekki til kollunar meir, þetta minnti á smækkaða útgáfu af skertustu myndum stríðsmisþyrminga, með öndum í aðalhlutverkum.
"Hvert fór öndin?"" Spurði einn drengur út í loftið, hin börnin tóku undir.
Enginn þorði að segja neitt.
Ég var þá löngu hætt að fylgjast með blettinum þar sem kollan hvarf, svona eins og hún væri bara að hafa það náðugt á botni tjarnarinnar og enginn hafi hugsanlega kannski dáið.
Fljótlega byrjaði fólk aftur að tala og gjamma.
Þögnin, sem nú hafði verið rofinn, minnti á "þaðerveriðaðtalaumhungursneyðinaíDarfur" þögnina sem myndast gjarnan þegar maður borðar með fjölskyldunni fyrir framan kvöldfréttirnar.

"Þessir fokking sætu dúnhnoðrar sem andarungar eru" hugsaði ég "...þeir verða líklegast til við svona aðfarir, þ.e.a.s. ef kollan lifir þær af...þeir eru samt svo sætir að ég gæti étið þá."
Ég er fegin að hafa ekki verið foreldri við tjörnina í fyrradag.
Mig langar samt ekki að éta andarunga í alvöru, en mig langar mjög mikið að eiga einn þannig í baðkarinu. Og þegar hann ætlar að fara að sýna tilhneigingar til óknyttisláta þá verður hann siðaður til, hann endar sem fyrirmyndarönd tjarnarinnar, og það verður bylting.

Bra bra guðmóðir

2005-04-23T09:34:00.000-12:00

Mikið sem það er gaman að sumarið er komið... eða næstum því komið...það er ábyggilega að læðast fyrir hornið í síðum frakka með hatt og sólgleraugu en í bikiní undir! Þið skiljið.
Ég er allavega búin í skólanum og sumarið því byrjað hjá mér, ég bíð bara eftir alvöru svölunum sem koma fljúgandi frá heitu löndunum, ég a.m.k held að fuglasvölur sé að finna hér á fróni. En ég er byrjuð að vinna, og missi væntalega af öllu feita dótinu, hangsi á austurvelli og svoleiðis sökum vinnutíma, en hey! ég kvarta ekki, sumarið er fínt, þótt maður missi af því...
Sumardagurinn fyrsti var allavega mjög fínn, ég fór í fyrsta skipti á línuskauta sem var mjög gaman enda mikil morðtól þar á ferð og hver hefur ekki gaman af morðtólum. Atli slóst með í för á hlaupahjóli og renndum við okkur niður í bæ á kaffi hljómalind sem er mjög indæll staður og það var gaman.

---
En að allt öðrum málum

það er eitt umræðuefni sem hefur legið á mér í þó nokkurn tíma. Síðustu föstudagskvöld hefur stöð 2 var verið að sýna þættina Reykjavíkurnætur sem Baltasar Kormákur leikstýrði. Ég hef sá nokkra þætti með öðru auganu, sem var alveg nóg því hefði ég séð þá með báðum hefði illa farið. Þessir þættir eru algjör hörmung. Ég gat allavega ekki séð meira en 3 mínútur af honum (og það með öðru auganu!), enda persónusköpun og samtöl vægast sagt í verri kantinum. Ég er auk þess orðin mjög þreytt á þemanu "Við-erum-geðveikt-full-og-í-ruglinu-iðjuleysingja-miðbæjarrottur-með-komplexa-og-illa-skapaðir-karakterar-ohh-æli-æl-en-eigum-samt-að-vera-meinfyndin" í íslenskum bíómyndum og dagskrárgerð því engin önnur mynd af ungu íslensku fólki virðist vera dregin upp. Fyrir utan kannski myndina Dís þar sem ég var mjög ánægð að sjá ekki atriði inni á skemmtistað með berbrjósta stelpum og fólki að ríða á klósettinu og allir ógeðslegir.
... Eða hvað finnst ykkur?

SumarSvala

2005-04-21T08:52:00.001-12:00

Loksins kom TOEFL-ið til bæjar og það var vel. Skoraði hærra en björtustu og fríðustu menn þorðu að vona og martraðir ýmsar höfðu tjáð.
Skráði mig í MA nám um daginn, ég viðurkenni það þá bara, mér finnst mun skemmtilegra að læra í HÍ heldur en að vinna.
Í HÍ er nefnilega gott stuff í gangi. Maður getur tekið sér frí þegar maður þarf en unnið síðan þegar vont veður er úti og enginn í stemmara. Maður er aldrei að glápa á klukkuna og kennararnir eru dásemd ein, allavega þessa önnina.

Jæja, helvítis nördið á manni,sem minnir mig á það að mér finnst Hr. Mac-aula-y Culkin vera mjög sætur þessa dagana, alveg mun sætari en þegar maður var skotinn í honum í 10 ára bekk.
Hann er mjög... fagur.. að sjá... karlanginn. Já, svona þessa dagana, eins og ég sé eitthvað að sjá hann þessa dagana, meiri vitleysan, væri samt til í að sjá hann einn daginn.
Byrjaði í fyrradag á því að sjá Hr. Bobby Fisher, hann stóð mjög nálægt Fischer-sundi, mig langaði til að benda honum á þessa skemmtilegu tilviljun en ég kunni ekki við það. "You are standing real close to the sund of yours Mr. Fisher", já þetta er sko TOEFL enska upp á allmarga tugi, þótt ótrúlegt sé.

Er búin að gera 27 greinagerðir á 1 viku, hver greinagerð er 1-3 blaðsíður.
Þær eftirminnilegustu fjölluðu um afskorna fingur í skyndibitamat, djöfladýrkendur í Þýskalandi, konu í Afríku sem var étinn af innan af banana-lirfu og stúlkukindur að eiga unaðsstundir með kókflöskum og humarhölum. Mmmm unaðsstund með humarhala.
Þess á milli hef ég átt notalegar stundir með villikisum og harðfiski, drukkið bjór, reykt mikið í óbeinum reykingum, dottið niður stiga, rústað coke-vélinni á Subway. Var s.s. að koma af skemmtistað þar sem reykt var mikið, með villikött í hægri og harðfisk í vinstri, og með svona bjórhatt og rör frá honum og upp í túlann, fór á Subway og ætlaði að fá áfyllingu á bjór úr coke vélinni en eftir hróp og læti sagði konan mér að fara upp á efri hæðina að tala við útibússtjórann en þegar ég var hálfnuð upp stigann þá rann ég í bleytu og beint ofaná kókvélina og Coka-Cola fór á hausinn í kjölfarið.
...nei, þetta gerðist allt í ótengdri atburðarás, því miður.

Næstu dagarnir verða lagðir undir námskeið eitt í HÍ sem ég hef aldrei getað mætt í, ég veit ekkert um það nema nafnið. Þess á milli er unaðslegt að vera úti í þessu yndislega veðri sem búið er að vera síðustu daga, ekkert er betra í heiminum, verst hvað ég sakna sauðburðarins á vorin.

Fékk þessa eins og þrumu í hausinn í kjölfarið af síðustu færslu:

Bambaríma hin fyrsta:

Litli ljóti Bambi
Lá í Never-landi
af áfengisins-þambi
varð hann ó-alandi

B-vítamín

2005-04-18T21:45:00.000-12:00

Athyglisverðar upplýsingar til barna og velgjörðarmanna þeirra:

Síðustu daga hefur hugsanleg kynferðisleg spenna á milli Rauðhettu og úlfsins átt hug minn allan. Enda samtöl þeirra, í mörgum heimildum, mun flóknari þeim sem við erum vön.

Úlfurinn við Rauðhettu: "Ég er með svolítið í vasanum sem þú getur haft gaman af".
Rauðhetta: "Ertu alltaf með það í vasanum?"
Úlfurinn: "Já það fylgir mér alltaf, hvert sem ég fer".
Rauðhetta: "Alltaf þegar þú ert þá í buxum?"
Úlfurinn glottir: "Langar þig til að sjá hann? Þú hefur örugglega aldrei séð neitt þessu líkt áður?"
Rauðhetta: "Mig langar til þess að sjá það sem þú ert með í vasanum".
Úlfurinn: "Þú mátt samt ekki verða gráðug, þú vilt örugglega fá hann".
Rauðhetta: "Hann? Hvað er þetta sem þú ert með í buxunum! Lofaðu mér að sjá!"
Úlfurinn stingur hönd sinni ofaní buxnavasa og tekur upp áttavita: "Það er þessi áttaviti, hann er frábær og með hans hjálp veit ég alltaf hvar ég er staddur í skóginum!"
Rauðhetta dæsir: "Jæja, þessi áttaviti kemur svo sem að gagni líka..."

Og þess má geta að í upprunanlega útgáfunum af Rauðhettu lúllar hún hjá úlfinum (VARÚÐ SKELFING - má einnig lesa: er nauðgað af úlfinum).

Og þess má geta að prinsinn barnaði Þyrnirósu á meðan hún var enn sofandi (VARÚÐ SKELFING - má einnig lesa: nauðgaði)en þegar Þyrnirós ól tvíbura, vegna þessa, þá fyrst vaknaði hún.

Og þess má geta að Mjallhvít þurfti hér áður fyrr meira en koss til að vakna. (VARÚÐ ENN MEIRI SKELFING- má lesa: þurfti nauðgun).. er nauðgun kannski réttlætanleg ef dásvefn liggur við? Sem betur fer er þessi spurning of steikt fyrir raunveruleikann.

Jæja, þá er það næst að lesa sannleikann á bakvið Bamba litla, skamm Bambi...

Yðar
Bambaníðingur

2005-04-08T08:24:00.000-12:00

Það verður að segjast að síðustu vikur hafa verið ansi öfgakenndar í lífi lítils svöluunga sem segir venjulega bara bíbíbí.
New York var.... og er...... punktur. Þetta er bara ótrúlegur staður og ég veit betur en að lýsa honum því það verður bara klisjukennt. Eina sem ég veit er að ég á eftir að búa þar, sjáiði til.
Meðal seinni hápunkta var að sjá eina celeb ferðarinnar- Hank Azaria, simpsons stjörnu með meiru. Svo fórum við í mikið partý í höfuðstöðvum GMF á Park avenue, Manhattan......en það var einmitt þar sem við hittum fyrrnefnan Hank Azaria sem var að tala inn á seríu 15 af "Gefmerfive toony cartoon".

Heimferðin var tregablandin enda beið mín hið erfiða verkefni að setja saman möppu fyrir grafíska hönnun í LHÍ á 5 dögum. Og svo fór að ég eyddi öllum mínum tíma eftir heimkomu við gerð möppuræksnisins og svaf að jafnaði 5 tíma á nóttu og loks 1 & 1/2 tíma nóttina fyrir skil.
En mappan sem átti að verða stórkostleg endaði í hreinskilni sagt í stórkostlegasta klúðri sem ég hef lent í. Mikil blótsyrði og tár féllu þegar mér varð ljóst að það var no turning back og allt mitt erfiði ýmislegur kostnaður hafði farið fyrir lítið. Atli var þó mér við hlið til að hugga mig í taugaáfallinu og á endanum setti ég mjög óhátíðlega saman það sem var ekki ónýtt og henti inn um bréfalúguna hjá Listaháskólanum..svona til að vera með. Um kvöldið var ég orðin svo þreytt að allt í hliðarsjón var með stropeljósa-effekti og það eina sem ég sagði var á barnamáli.
En ég hef jafnað mig eftir öll lætin og er núna spræk sem læk....ur og horfi björtum augum til framtíðar í ræsinu.

Swinger swallow.

2005-04-06T08:07:00.000-12:00

Einn Svíi sagði eitt sinn: "Hús eru vélar fyrir fólk til að búa í."
Þá er mín vél eitthvað biluð. Ég myndi helst vilja líkja henni við hárblásara sem gæddur er þeirri ótrúlegu tækni að blása köldu lofti. Eins og er þá festist blái takkinn inni og það blæs mjög köldu, suðaustan 18 Austurland að Glettingi, það er íbúðin mín. Það var svell inn á rúðunum í morgun.

Svo voru einhverjar lóu-píur að spígspora fyrir utan HÍ í gær, alveg að miskilja veðrið, kannski voru þær í einhverjum öðrum erindagjörðum en að boða blíðveðri. Eitthvað lóu-gang að hanga í reykingarhorninu hjá Árnagarði, djös... vitleysa er þetta í þeim, flautandi og spriklandi.

Það var svo kalt þegar ég labbaði heim úr Háskólanum í dag að ég varð að stela mér trefli úr Guðfræðideildinni, annars hefði ég ekki lifað gönguna löngu af. Hann var úr flísi og á honum stóð FH sem er nokkuð gott mál fyrir mig.
Lofa að skila honum aftur á morgun. Það sá þetta hvort eð er enginn, allir guðfræðinemarnir lágu á bæn á meðan, páfinn dáinn og svona, nóg að gera.

Rapplag af þessu tilefni:

A: Hvar er páfinn
B: Hann er dáinn.
A: Hvar er lóan?
B: Hún er dáinn.

Chorus: Þau eru frá þolraun laus.
Þau vakna aftur í Paradís.
Lóan þó öfug, með stél á haus.
Páfan ei úr holdi heldur úr flís.

Jæja já. Þetta var nú ekki alveg kristilegt en það er nú miðvikudagur og svona.

Þá er ég búin að setja þær stórglæsilegu myndir sem bárust í keppnina inn á Photo Moto. Þeir sem að sentu mér fleiri en 4 myndir verða e.t.v. leiðir en ég varð að velja úr þær 4 sem mér þótti bestar. Ef það er einhver óánægja með það þá vitið þið hvert á að leita.
Hefst þá sýningin.

Belinda Burry

ATH: Enn má senda inn myndir

2005-03-30T09:15:00.000-12:00

Elsa átti afmæli um daginn og var mikið þönder partý á Njallanum í tilefni þess (fyrir þá sem nenna ekki að lesa: "Stína stuð, Kata keila og Magni Mega" ógeðslega gaman";)" færslu, vinsamlegast lítið undan).
Já einmitt, þönder partý. Elsa hefur þann skemmtilega sið að kasta hressilega upp á afmælisdag sinn, eftir slík köst og fleira á Kaffi Kúltur varð að koma stúlkunni upp í leigubíl til þess að færa hana frá Kúlturinu og alla leið upp á Njálsgötu (sem sagt: hægri vinstri stopp).
Þegar þetta var að gerast voru Stína stuð (lesist: Rut) og Kata keila (lesist: Bryndís)á Kaffibarnum og var það ógeðslega mega sega 2000 gaman (lesist: frekar fine).
Stína var í sálusorg mikilli og varð margur maðurinn hryggur aðeins við það eitt að sjá angurvært andlit hennar. Nema hvað, kemur ekki maður einn, frægur og fagur, svo fagur að sólin myrkvast er hann rís úr rekkju og smellir kossi á kinn okkar stúlknanna svo að undrunaróp mikil upphöfðust. Þegar Stína og Kata komu síðan heim til sín og sáu Elsu velta út úr leigubílnum með 450 króna skuld vegna þessarar miklu keyrslu þá sögðu þær Elsu tíðindin og kastaði hún fagurlega upp að því tilefni. "Öfund" sagði Stína þá.

Af deginum í dag:
Í dag er miðvikudagur en þegar ég vaknaði í morgun hélt ég að það væri sko dagurinn þarna á undan, þriðjudagur. Vaknaði þess vegna "snemma" og bölvaði rækilega Páli háskólarektor, töflusmiðum háskólans og "mjá mjá mjá" nætur-kisunni í garðinum. Labbaði svo í skólann og settist inn í listasögutíma sem fjallaði nú um barnasálfræði.
Ég fattaði þá að ég væri í vitlausri stofu og fór þess vegna í hina stofuna sem hýsir gjarnan listasögu en þar var ég komin inn í miðja Fyrri heimstyrjöld (1916).
Báðir þessir tímar voru mjög fræðilegir.
Eftir mikið vagg og vangaveltur fattaði ég að það hlyti að vera mánudagur en eftir að hafa reynt að fylgja mánudagsprógramminu eftir kom í ljós að það var miðvikudagur og þá fór ég bara á brott og þvertók fyrir það að vera að hanga í þessum bévítans háskóla sem veit ekki neitt.
Þannig að ég fór í IKEA og fékk mér eina pullu beint í munninn eins og maður gerir þegar háskólinn er með einhvern skeyting:
"Já komdu bara með hana beint í munnopið! Svona, bara eins og hún leggur sig!"
Og konan í pulsudeild IKEA hitti beint í munn-aumingjan eins og heimsmeistari í pílukasti væri. Það japplaði á mér hver tuska og að lokum þurfti Auður að koma á "rauðu steikinni" og bjarga mér frá því að kaupa 4 sturtuhengi sem hétu álíka IKEA-legum nöfnum og "Ripa" "Sveppa" "Inera" og "Prumpa" og voru þau öll eftir miðaldra gráhærðan mann með bros á vör sem heitir Sven Aage Madegaard.

Daginn í dag gerði drottinn guð og var hann sérdeilis prýðilegur þessi guð.

Boris og Bobby

2005-03-28T14:43:00.000-12:00

Ég hef aldrei lent í annarri eins rigningu á annars óstórkostlegri ævi minni eins og í dag. Orðið úrhelli öðlaðist nýja merkingu fyrir mér þegar allar götur borgarinnar urðu að árfarvegi. En sem betur fer keypti ég mér mjög flotta glæra regnhlíf svo ég gat allavega verið pínu stylish þó að allur neðri hlutinn minn væri eins og blaut tuska. Við Atli vorum mjög iðin við fatakaup í dag og ég get loksins stolt sagt að ég hafi eytt mjög drjúgum pening í óþarfa flíkur, húrra fyrir því.

Vikan er búin að vera mjög góð og mig hryllir hreinlega við tilhugsuninni að koma heim í hræðilegt stress.... mikið hr-...
Við erum búin að gera ýmislegt túristalegt síðustu daga, fara upp í Empire state, sigla á ferju um manhattan, rölta á Times square-sem gjörsamlega blew my mind- og fara á stórskemmtilegan Broadway söngleik ofl. Í gær fórum við svo á tónleika með crazy japönskum pönk-rokk/hevy metal hljómsveitum og sem endranær voru japanirnir með mikið gaman og mikið grín.
......þetta er allavega það sem er efst í huga þessa stundina og er hentugast að matreiða ofan í ykkur, kæru lesendur, á stuttum tíma því núna þarf ég að pakka og fleira skemmtilegt.

Svala, frá höfuðstöðvum GMF í New York.

2005-03-24T03:14:00.000-12:00

Bryndís á afmæli í dag! Vei og Húrra fyrir því, lyftum glösum af e-u tagi og gleðjumst því nú er hún orðin gömul kona. Höfuðstöðvar GMF í New York óska henni hjartanlega til hamingju með afmælið einhvern vegin svona: hjartanlega til hamingju með afmælið! BB lengi lifi húrrahúrrahúrraogalltaðverðavitlaustbrjótibraml!

----

Já New York er mjööög feit og hefur staðist allar mínar væntingar hingað til. Í fyrradag var mjög gott veður og röltum við Atli um lower Manhattan eins og í rómantískri gamanmynd. Gærdagurinn kom hins vegar skyndilega með ógeðslegt veður á hvaða mælikvarða sem er; slydda, rok og slabb. Svo við flúðum inn í Moma, hrikalega stórt nýlistasafn og það var mjög gaman svo gjörla en tók hressilega á. Gærkvöldið fórum við á tónleika með The go! team sem var allt gott og blessað os.frv.
Ég gæti alveg hugsað mér að búa hérna í Williamsburg í Brooklyn, ég hef hvorki verið mugguð né drepin sem er góður plús, en það er mjög góður indie local stemmari hérna sem ég mæli með.
Jæja, út vil ek!

Til hamingju aftur Bryndís og værið þið bless.

2005-03-23T14:55:00.000-12:00

Lífið liður allt of hratt, í gær byrjaði ég að fylla út umsókn í masters-nám, frekar sveitt. Ég sem hef ekki einu sinni alveg ákveðið hvað ég vil læra í BA en svo er ég bara að verða BA sjálf og, ég veit ekki, kannski maður verði bara BABA ef ég meika ekki MA strax og fer bara í eitthvað annað í BA og svo get ég farið í MA seinna og orðið BABAMA og...og...BA BA BA..

Keppnin gekk fram úr björtustu vonum er þriðji keppandinn skráði sig í dag til þátttöku (mörg -t) en múgur og margmenni hafa stoppað mig af víðsvegar um bæ og ból og sagst hafa áhuga og ánægju af. Ein stúlka dró mig áðan heim til að sýna mér allar myndirnar sínar og krafðist aðstoðar við valið en ég skellti fartölvunni á fingur hennar og sagðist frekar lífið láta. Þá fór hún að spila Careless Whisper og einhver lög með Roxette og Bonnie Tyler og ég fór að gráta, en segjum ei meir.

Keppendurnir 3 eru:
Ásta hin skásta - sem keppir fyrir hönd Esbjergs DK.
Kung Fu Keli - sem er nýráðinn til starfa í Tokyo.
ManHallan - sem er fyrrverandi útibússtjóri í New York.

Við bíðum m.a. spennt eftir sendingum frá La France, Færeyingafélaginu fráa og Njallanum. Aldrei að vita nema möltumærin og femíniski gubbu- og aðsvifasjúklingurinn láti sjá sig.
Allir mega vera með, sjá auglýsingu hér neðar.

En talandi um gubbusjúklinga, það var einn ástvinur minn sem varð mjög lasinn í dag vegna gubbu og tek ég það mjög nærri mér vegna aðsvífandi áfalls sem ég býst við í morgunsárið. Þú gubbusjúklingur! Ef þú lest þetta þá er þín saknað, heyriru það Gubbi Gubbason?

Af Svölu í Jórvík er víst allt illa gott og feitt og allt það að frétta. Fékk sms sem var einhvernveginn svona:
Argh! illa feitt, geeeeeðveikt...OMG vá vá vá...vúhhh
framhald:
hhhvúhhhvú...allright.. fette fed og fat,djí vá vá v

Ég á í miklum vandræðum með einn mann sem ég kannast við úr HÍ. Í HÍ hef ég löngum séð hann og þá er hann ekki með gleraugu. En svo þegar ég sé hann að næturþeli í bænum þá er hann alltaf með mjög stór gleraugu, og ég hef sko séð hann oft. Þegar hann er með þessi gleraugu þá þori ég ekki að kinka til hans kolli, því kannski er þetta ekki sami gaurinn, samt er hann eins, nema bara ekki með gleraugu. Lois Lane vandamálið fræga og mér sem fannst þessi gleraugnapæling fáranleg. Ég hef því undanfarið alltaf látið eins og ég taki ekki eftir honum, sem er samt erfitt af því að hann er með svo fáránlega stór gleraugu. Og af hverju ætti hann að vera með gleraugu á djamminu en ekki á nebbanum í skólanum? Er hann með einglyrni í skólanum? Er þetta dulargervi? Er hann kannski bara eitthvað ba ba ba?

Sure-minator
Bring on the Beer

2005-03-22T02:04:00.000-12:00

Þar sem GMF á ekki nógu brúklega digital myndavél þá er GMF fús til þess að opna myndaalbúm Gefmérfive fyrir þá sem vilja birta hressandi myndir. Því segi ég:

Gefmérfive efnir til samkenndar um söfnun á hressandi myndum af sjálfum ykkur eða hverju sem er. Áhugasamir senda GMF myndirnar á maili á gefmerfive@hotmail.com
Verðlaunatitlar ýmsir eru í boði, t.d.

Ungfrú/Herra Útsýn - fyrir þá mynd sem er með besta útsýnið
Ungfrú/Herra Pottréttur - Fyrir bestu Portrait myndina
Ungfrú/Herra Augu - Fyrir þann sem hefur næmt auga fyrir góðu myndefni
Ungfrú/Herra Transdans - Fyrir Bestu dansmyndina

Þetta voru bara örfáir titlar af mörgum,
Hámarksfjöldi innsendra mynda eru: 4 myndir.
Senda verður myndirnar inn undir nafni en óska má eftir nafnaleynd við birtingu.

Ykkar,
hinn háttvirti hálfatvinnulausi ljósmyndari GMF og Spiderman

2005-03-18T07:16:00.000-12:00

Af því að Svala er að fara til New York ætlar Spiderman að dansa ofan á ...aha... á meðan. Spiderman þessi er fagurlega vaxinn frá stafni aftur í skut.
Minnir kannski svolítið á minn eigin líkamsvöxt!
Það eru nú annað er margir lesendur Gefmérfive sem eru mun feitari nú í ár en það síðasta, þið ættuð að fylgja mínu fordæmi og borða bara á laugardögum, því laugardagar eru "borðidagar".

Kv. Birta Mónika
--------------------------------

Við þökkum fyrir skrif Birtu Móniku, ungfrú Pepsi Max.

Ég öðlaðist þann heiður að fá að heyra í Eurovision laginu hennar Selmu sem verður frumflutt á morgun og djíí, það byrjar alveg eins og Toxic með Britney, sko 90% alveg eins byrjun. Toxic er nú frekar gott lag að mér finnst og því ekki leiðum að líkjast, mér finnst bara fínt að hafa lögin svona lík, já já bara fínt, hér er ekkert nema jákvæðnin í gangi, svo finnst mér lagið yfir höfuð bara fínt líka, svo finnst mér fínt að þessi Spiderman-kall sé að dansa ofan á könnuninni okkar, allir mega dansa ofan á henni sem vilja, og oná mér bara líka... já já...

Nú vil ég biðja alla lesendur að taka að ofan og leiða hugan til Auðar sem liggur á banabeðinu. Vegna bana hennar og þar ofaná bættri gubbupest verður lítið úr flutningum á næstunni.
Það verður flutt þá bara í næstu viku, og þá mun Auður og ástkona hennar búa mitt á milli Loga Bergmanns og Kaffi Austurstrætis, mitt á milli frægðar og feigðar.

..sem minnir mig á að við Svala sáum bíl keyra á miklum hraða á unga konu um daginn á Hringbrautinni og það var hrikaleg sjón í alla staði. Sem betur fer stóð stelpan/konan upp því að við héldum í fúlustu alvöru að eitthvað mjög alvarlegt hafi átt sér stað. Ég veit ekki hvernig þetta fór en djí, eins og algengt er í svona slysum þá var þetta einn bíll sem var að hleypa vegfaranda yfir á tvöfaldri akrein og sá bíll sem er fjær vegfarandanum sér það auðvitað ekki og keyrir áfram, á miklum hraða...o.s.frv.

Þetta minnir mig síðan á það að þegar ég og Auður voru saman í enskuskóla árið 1998 þá gekk sú kjaftasaga fjöllum hærra á milli Þjóðverjanna að ég héti Brumm dushhh en Auður Auto. En það er allt önnur saga og hún á hvergi heima nema í koddahjali mínu Auðar. Þegar við komum heim fórum við síðan á Armageddon í bíó og það er sko mun leiðilegri saga, en umdrædd mynd leiðinlegasta mynd sem ég hef á ævi minni séð.

Vil að lokum að minna fólk á að Toffy Pops er mjög gott, hef tekið eftir því undanfarið að fólk sé farið að gleyma því, en nei, það er enn mjög gott.

Mr. Bingu

2005-03-12T08:04:00.000-12:00

djí djei maður,
þetta TOEFL (enskupróf sem maður verður víst að taka ef maður sækir um í háskólum utan Evrópu) próf í gær stóð yfir í meira en 4 klukkutíma.
Það mátti ekki hafa neitt að drekka eða snæða með, og ekki mátti fara á klósettið, og það var nú leiðinlegt fyrir mig því vegna þessa gat ég hvorki drekkt mér í svalafernu né klósettskál. Þetta var löng setning en samt ekkert á við þessa rúmu 4 tíma. Fólk sem segir að þetta próf sé létt getur bara... þótt það létt... í friði...fyrir mér.
Mér fannst það ekkert létt, spurningarnar voru í sjálfu sér ekki erfiðar en það var farið svo hratt í allt, ég var sko í mestu vandræðum með að hlusta á "the supervisor" áður en prófið byrjaði. Ég átti að skrifa nafn mitt á prófið, en ekki þess sem ég sat við hliðiná, ég átti líka að athuga hvort að allar blaðsíðurnar væru þarna, en ég vissi ekkert hvað þær áttu að vera margar og... já það voru svona ýmisleg vandræði í gangi. En.. ég veit ekki hvernig gekk, það verður bara að koma í ljós, sem rímar við drós, en þannig líður mér núna, ég er lélegíenskudrós.

Mig langar mjög mikið í digital myndavél en nú eru góð ráð dýr, ég hef ekkert til að taka myndir af, sérstaklega ef þetta TOEFL próf fokkast upp. Ég sem hélt að ég væri bara á leið á eitthvað kóralarif í Eyjálfu. Jæja ég get svo sem tekið myndir af kisu og pabba og svona, þetta venjulega dót, sem er samt mjög gott dót.
Ef einhver sem les þetta hefur einhverjar hugmyndir um digital myndavélar sem gætu nýst 22 ára stúlku með takmarkaða ljósmyndahæfileika, þá má sá og hin sami láta ljós sitt skína í commentakerfinu. Þar sem afmæli nálgast, gæti nefnilega verið að maður fari að P.L.Ö.G.G.A, ef þið skiljið hvert ég er að fara....

Pabbi og kisa, hversdagslíf mitt í hnotskurn

Elsa er farin til Washington CD, eins og Rut heldur alltaf að borgin heiti, og ég og Auður M. flytjum á mölina 101 í næstu viku.
Nýja herbergið mitt er mjög stórt, stórt sem salur sé. Ég ætla kannski að fara að gera það út til myndlistarsýninga, sem minnir okkur á það að:

Svala og félagar eru að sýna verk sín í Gallerý Tukt - Hinu Húsinu, á næstu dögum. Stuttmynd hennar um egg sem fer í ferðalag og kynnist hörmungum heimsins getur eflaust kennt okkur ýmislegt um það hvað útlönd eru ömurleg og að það sé bara fínt að falla á TOEFL prófi, Testing of english as fucking li...lipstick..eða eitthvað.. verra...sem byrjar á -l.. en mér dettur ekkert annað í hug núna.

Aukaefni: Jesús á asnanum og þjáði hesturinn með þvottaklemmuna (Mos11:45)

Ba ba ba Barbara Ann

P.s. Ég samhryggist þeim vinkonum mínum sem hugsuðu sér gott til glóðarinnar í gær með því að sameinast yfir rugluðu Idoli en þó með tali. Frétti að partýið hafi endað á því að horfa á Disney myndina á RÚV. Sá reyndar eina góða um daginn um einhvern svissneskan drengjakór. Þeir ríku sungu en hinir fátæku fóru alltaf óvart að jóðla. Hún var mjög skemmtileg.

2005-03-01T10:05:00.000-12:00

Ég, Svala, hér með slæ á allar sögusagnir um að ég hafi verið étin af hákarli í Karabíahafinu og þar með ófær um að blogga. Ennfremur vísa ég því á bug að Bryndís hafi eitrað fyrir mér til þess að ná meirihlutaeign í heimsveldi GMF og Dj-Ömmu og þar með ná heimsyfirráðum. Þetta er allt lýgi og gróusögur.
Ástæðan fyrir fjarveru minni í bloggheimum er sú að ég lá á sjúkrahúsi eftir að hafa verið bitin af grimmum hárkarli.

Fyrir viku síðan mætti ég mjög þreytt í skólann eftir að hafa vakið til 7 deginum áður við að klippa stuttmynd um egg. Við tók þrotlaus verkefnavinna svo að Svala fékk næstum enga hvíld, ónei, ónei. Næstu dagar eru ekki kræsilegir á að líta því bráðum þarf að skila möppum í listaháskóla sem er ekkert grín, ekkert til að hlægja að, nó djók.
Þeir sem vilja senda mér samúðar- & vorkunnare-mail geta sent það á svöluvæl@pepsivæl.is eða á svalar@gmail.com.

En nú er það að vinna, það dugar ekkert minna, trallallalllallallalllallallalllalllalllaltrallallall trallalalallala.......ræræ.

(Og með þessum orðum kvaddi Svala þennan heim)

2005-02-26T03:05:00.000-12:00

Þegar ég kom til vinnu á nýju höfuðstöðvar GMF í Asíu fyrir viku síðan, þá var búið að eitra fyrir starfsmönnum GFM með MSG kryddi. Sumir sprungu í loft upp og aðrir lippuðust niður ofaná lyklaborð sín sem sofandi væru (lesist: Ég er löt, mig vantar vinnu (kvöld- og helgarvinnu) og ég spila svo mikið af tölvuleikjum að þegar ég reyni að blogga er ég svo þreytt í hausnum að ég lippast niður á gólf). Vegna þessa höfum við ekki skrifað neitt mjög lengi, megi sálir starfsmanna okkar hafa það frekar nice (lesist: mig langar í nýkreistan appelsínusafa, hann ku vera orkuríkur).

Þótt að BB sé löt þá er Dj-amma ekki löt. Hún er nýkomin frá Póllandi þar sem hún tók þátt í alþjóðlegu dj-móti ungra letingja.
Síðan var ferðinni heitið til Þýskalands þar sem Dieter nokkur tók Dj-ömmu cover gig, hér má sjá Dieter, fínn gæi hann Dieter. Í Þýskalandi rifjuðum við upp gamlar minningar frá því á sokkabandsárum Ömmu (svipuðum og sokkabandsárum Bítlanna í Hamborg) en þá var árið 1997 og þetta var dagskráin:

Boom Boom Club "Brazil Night"
Freitag, 31. Oktober 1997

Nachtwerk Club in München

Beginn : 22.30 - 4.00 Uhr
Eintritt : 15,-DM
DJ AMMA (Boom Boom Club - Iceland)
DJ MERLIN (Boom Boom Club - Germany)
DJ PABLO (Boom Boom Club - Germany)
(nánari upplýsingar hér)

Já,nú eru víst bloggfærslunar búnar að vera í lakari kantinum. Það er ágætt, fólk getur bara hringt í GMF ef það vill eitthvað vera að tala við okkur. Það getur líka komið upp í rúm til okkar þar sem við eyðum drjúgum tíma, reyndar er rúmið á undanhaldi, því nú ber bráðum til að tilkynning komi frá Háskóla Íslands að skrásetja skuli margar ritgerðir, er það er gert er önnin er hálfnuð. Fer þá hver úr sínu rúmi til heimatölvu sinnar og lætur skrásetjast. Eins og svo oft áður verð ég þá stödd á miðöldum og þigg því einungis boð þar sem mjöður eða blóðugir bardagar koma við sögu (undantekningar ná vissulega í gegn).

Kláraði einhvern risavaxinn belg af hvítvíni á föstudaginn og er enn með svo mikinn hausverk að ég held enn þá í þá kunnu grillu að ætla aldrei að drekka aftur. Það var samt gaman, sérstaklega þar sem Auður Magga gerðist mjög vinstri sinnuð á nikkuna.

Bingó Bjössi

2005-02-10T21:08:00.000-12:00

Dem It und Die Hard
Nú er góssentíðin í Háskólanum búin, ekki meir í gogg gefið. Vaka og Röskva eru hætt að gefa manni að borða. Ég veit ekki hvað ég át ekki, maður var alltaf svona eins og gráðug gæs á vappi í kringum borðin hjá þeim. Kom svona að þeim og þóttist vera að skoða framboðslistann eða einhverja dreifimiða. Stundum, þegar vel lá á manni þá gat maður spurt spurninga, og alltaf var tekið vel í þær, sama hversu asnalegar þær voru:
"Afsakið en er Andri Heiðar ættaður að vestan eins og ég?"
Svar: "Já já hann er alveg pottþétt ættaður þaðan, hann er alveg áreiðanlega frændi þinn!".
Þegar maður var búin að spyrja svona um alla framboðsmenn og orðin heltekinn mikilli áfergjan þá var maður orðin eins og gæsin á tjörninni, farin að éta umbúðir og dreifimiða, allir skyldir manni bara og fullt af djúsí shitt í boði. Einhver vökuliðinn kom barasta með tyggjókarton og þegar maður var búin að ropa upp úr sér dreifimiðunum og einum og einum lykli gat maður fengið sér heilu pakkana af blessaða jórturleðrinu.

Ég hef aldrei, svo ég muni, kosið fólk sem hefur náð meirihluta, fyrr en núna. Mér finnst mjög skrýtið að Röskva hafi náð meirihluta en samt kaus ég hana, ég veit ekki alveg hvað ég á að halda. Mér er farið að líða frekar illa, er ég farin að styðja ríkjandi stjórn? Verð ég núna að hætta að vera reiður stjórnarandstöðuliði? Ég verð kannski bara að skipta um lífstíl. Verða snúðug og kjósa bara þá sem eiga mestu möguleikana á því að vinna. Ég hef aldrei áður í lífinu fengið vilja mínum framgengt í kosningum (nema í einhverjum kosningum í fótboltalið í grunnskóla, og því sambærilegt), mér finnst eins og ég sé að taka völdin.
Jæja best að reyna að samgleðjast sjálfum sér.... mmmm þetta er fíhíhíhínt! Best að dansa smá...

Nú eru næstum öll gögn komin til grafar varðandi umsókn mína til Trallalíu. Köngulærnar þar eru víst á stærð við Auði Möggu en það má víst leggja fyrir þær gildrur og eitur. Svo er það þetta með þessa hákarla, ég er sko mjög hrædd við hákarla, og ekki lagaðist það um daginn þegar einn brimbrettkappinn var étinn eins og smarties. Já eins og smarties segi ég. Það var reyndar á vesturströndinni, en þessi hákarl getur nú alveg synt hvert sem er. Einu sinni var Jóakim Aðalönd í Trallalíu (í Don Rosa sögu) og það ringdi svo mikið að hákarlarnir syntu upp á land og bara út um allt. En nú veit enginn um hvað ég er að tala.

Bless.

In God we Trust
Die B-girl

2005-02-07T09:20:00.000-12:00

Dj-amma var sveitt um helgina og spilaði á svitaballi Röskvu á Grand rokk á föstudaginn. Það þurfti eiginlega enga stimmungsmache eða stemmningsuppbyggingu því fólkið var svo húrrandi sveitt frá fyrstu mínútu að það hefði dansað við atti katti nóa til að svitinn lifði. En fólkið var ánægt með ömmu því hún var mikið sveitt og með grín og glens.
Ég varð mjög stolt af honum kæró mínum sem vann titilinn sviti kvöldsins enda frekar sveittur gaur þar á ferð.
En ég mæli með þemanu "sviti" fyrir öll böll því hver vill ekki dansa í joggingalla með svitaband?

Orð færslunnar: sviti
Færslumúsíkin: atti katti nóa, gamli nói remix.

-------
5 hlutir sem ég hlakka til:
-Að vera búin með möppu til að skila í listaháskóla
-Að borða páskaegg og gera allt í heimi í New York um Páskana
-Að vita nákvæmlega hvað ég ætlar að verða þegar ég verð stór...og verða rík og fræg eftir það..
-Að kaupa feita og fallega 15" combo Powerbook
-Að sofa út næsta laugardag.

5 hlutir sem ég kvíði fyrir:
-Að klára og skila inn möppu í listaháskóla
-Að komast ekki inn í listaháskóla
-Að eiga engann pening eftir New york um Páskana
-Gróðurhúsaáhrifunum
-Að verða gömul

Skitsó Swallow

2005-01-25T07:46:00.000-12:00

Gamli kirkjugarðurinn Í Reykjavík er byggður á gamallri mýri, eðju og aur. Líkin færast um að mig minnir 0,5 metra á ári. Þegar búið er að grafa þar í jörðu er komið niður á iðandi drullusvað. Gamli kirkjugarðurinn er byggður í brekku sem hallast niður að Reykjavíkurtjörn, þess vegna eru líkkisturnar í raun á brunandi fart niður brekkuna. Því er það nú þannig að hún Sólveig Guðmundsdóttir húsmóðir á Brúsarstað er í raun komin í grafreit Tryggva Emilssonar fyrrverandi bankastjóra en sjálfur dúsir Tryggvi í leiði Hrefnu Aradóttur söngkonu. Eftirlifendur Sólveigar þurfa að bakka um eitt lítið skref niður brekkuna fyrir hvert ár sem liðið er frá fráfalli hennar, til að leggja blómsveiga sína hjá henni en ekki Óla Páls.
Af þessu má leiða að þeir sem að voru grafnir þarna fyrst, fyrir hvað...svona 150 árum, þeir eru beinlínis á fartinni niður kirkjugarðinn, undir húsin sem þar standa (Tjarnargatan og fl) og sumir eru e.t.v. komnir með tærnar oní tjörn.
Þeir sem að búa á Tjarnagötunni geta stytt sér stundir við það að reikna hvenær von sé á Benedikti Gröndal undir kjallarann og hvenær Jón Sigurðsson sigldi hjá.

Mér gæti þótt þetta vera fyndið en mér finnst þetta samt sorglegt á einhvern hátt, þetta er eitthvað svo glatað. Glatað að allt þetta merkilega fólk sé bara á kafi þarna í eðju og aur og sumir bara komnir út í tjörn. Aðrir eru undir kjallaraíbúðinni hjá Óla og Siggu og svo eru einhverjir undir götunum og við keyrum bara ofaná þeim. Svo klessa allir á alla og einhverjir sem að þekktust aldrei eru búnir að flækjast saman og mynda óvart stíflu einhversstaðar þarna við tjarnarbakkann, svo hrannast fleira ókunnugt fólk á það... og.. en jú vissulega er nú ekki mikið af jarðneskum leifum eftir þegar út í tjörn er komið, það er rétt. Svona er þetta, þetta er ein sorgarsaga.

Idol-ið mitt er komið í leitirnar, hann er doktor í þjóðfræði from the States og segir allt sem mig langar til að læra að segja. Hann er að kenna mér ýmsa menningaráfanga og það besta er að hann vinnur út frá því að taka aldrei hámenningu fram yfir alþýðumenningu (lág-menningu?). Það er einmitt hugsun sem ég hef verið að leita að lengi, af-fordæming alþýðumenningarinnar. Kannski þess vegna fíla ég færslur stoltra mæðra á barnalandi.is sem að kæra sig ekki um stafsetningu og tala mjög berorðað um kúk og ástina. Lof sé Guði og þakkargjörð fyrir fjölbreytnina í alþýðumenningunni Aha-men. Alþýðumenning er m.a. sú menning sem hefur ekki gengið í gegnum sótthreinsun samfélagsins eins og prófarkalestur, útgáfufyrirtæki eða stofnanir sem sinna slíkum hlutverkum. Ef t.d. allar bloggsíður á Íslandi yrðu prófarkalesnar þá myndi enginn þeirra endurspegla hið raunverulega fólk, hvernig venjulegt óbreytt fólk skrifar, hvað það skrifar vitlaust og hvernig villurnar eru. Enginn myndi vera eins og Halldór Laxness og skrifa eins og hún/hann kýs. Allir eins. Menningarleg einsleitni, hámenningin getur átt allt sem útgefið er, en þegar vefdagbækur einstaklinga þurfa að ganga í gegnum sótthreinsunarferli almennrar útgáfustarfsemi, þá finnst mér nú fokið í flest skjól fyrir áhugafólk alþýðumenningar. En sem betur fer leyfist fólki, sem að einhverjum hugsanlegum ástæðum er ekki svo sleipt í stafsetningu eða kærir sig ekki um slíkt, að tjá sig í vefdagbókum sínum.

BB - með útþrá, slæma uppgjöf og lélega bakhönd

2005-01-18T06:58:00.000-12:00

Vangaveltur Svölu þriðjudaginn 18/1:

-Hvers vegna getur túrinn ekki verið yfirstandandi í hálfan dag, bara rétt til þess að segja svona: ,,Hey allt í góðu hérna, ekkert baby eða vesen, bless."..? Þá væri lífið einfaldara og minna subbulegt.

-Af hverju sér maður aldrei konu í risastórum hvítum brúðarkjól hlaupa um bæinn með angistarsvip, jafnvel grátandi? Það myndi krydda upp tilveruna.

-Hvers vegna verður maður aldrei vitni að því þegar maður er úti að borða að hávært rifrildi bresti út á næsta borði sem endar í því að annar aðilinn skvettir drykk í andlitið á hinum og rýkur út..?

-Hvers vegna heitir hrásalat hrásalat þegar það er í e-u gumsi og því alls ekkert hrátt?

Meira velti ekki vöngum yfir, því venjulega velti ég ekki vöngum heldur bara veltist um í hringi..frekar óþægilegt í prófum og svoleiðis.
En af þessu má ráða að ég er ekki mjög þenkjandi manneskja og að ég er á túr.
---

Við GMF liðar teljum réttast að vara lesendur í sambandi (þ.e. þá sem eru með e-um) við komandi brake-up bylgju (eða öllu óþjálla; sambandsslitsbylgju) á suðvesturhorninu.
Nú þegar hafa þrjú ónefnd pör sem GMF þekkir til hætt saman nýlega og þykir það merki að von sé á fleirum með vorinu. Bylgja þessi kemur upp árlega á vorin og varir venjuleg í 2-3 mánuði eða lengur og urðu ónefndir þekktir pennar á þessum vefmiðli fyrir barðinu á henni á síðasta ári.
Því bendum við sambandsaðilum um víðan völl að hafa varan á. Eða kannski ekki.
Hmmm.

Svetlana.

2005-01-16T03:40:00.000-12:00

Fyrsti vinnudagur á leikskóla

Súlkubarn: Ég svaf næstum ekkert í nótt!
Fóstra: Æ er það satt, mikið er það leiðinlegt
Stráklingur: Ég svaf ekkert.
Fóstra: Svafstu ekki neitt?
Stráklingur: Nei ég sef aldrei.
Fóstra: Nú hvað geriru þá á nóttinni?
Stráklingur: Ég bara bíð..
Fóstra: Bíðiru alltaf bara upp í rúmi alla nóttina?
Stráklingur: Já þangað til morgunin kemur, þá fer ég fram úr.
Fóstra: Hahahah þú er nú meiri bullarinn hahaha
Stráklingur: hahaha ég þarf að æla líka!
Fósra: já einmit hahhahaah
Stráklingurinn ælir á gólfið
Yfirfóstra kemur að.
Yfirfóstra: Hva! er barnið búið að æla? Hva, sagði hann ekkert?
Fóstra: Úuuu jú... hann sagði að hann þyrfti að æla.
Yfirfóstra: Og gerðiru ekki neitt?
Fóstra: Ee... sko hann ..þarna.. ég hélt að hann væri að plata...
Yfirfóstra með fyrirlitningasvip: Þér kannski dettur ekki heldur í hug að þrífa þetta upp?

Mæli af öllum lífs og sálarkröftum með myndinni Oldboy, hún er þess virði að sjá hana í bíó, oftar en einu sinni.

Oldboy er spennandi mynd

Skóli á morgun, gaman að vera á síðustu önn. Háskóli Íslands hefur fyrir mér verið jafneftirminnilegur og 6 ára bekkur, eða kannski meira svona 8 ára bekkur. Hver man eftir 8 ára bekk sérstaklega? Æ reyndar eru nokkrar vinkonur mínar þannig gerðar að þær gætu alveg munað vel eftir 8 ára bekk, hver sat hvar og hver sagði hvað. Eftir næstum þriggja ára háskólanám hef ég aldrei upplifað það að sitja inni á kaffihúsi með krökkum úr deildinni að ræða heimsmálin, sötra á kaffi og velta vöngum yfir skemmtilegum greinaskifum. Ég lærði ekki einu sinni að drekka kaffi í háskólanum. Þjóðfræðinemarnir fá þó stóran plús fyrir að kenna manni að drekka brennivín og Ólafur úr kynjasögunni fyrir að baka góðar brauðtertur. Fleira er það ekki.

Photo moto segir fleiri sögur...

Bíbí

2005-01-11T10:55:00.000-12:00

Undur og stórmerki!
Ég hef rifið mig upp úr dáleiðslu GTA Vice city með því að vinna hann og hana nú! Tvær og hálf vika...ekki svo slæmt þó ég segi sjálf frá. Núna get ég farið á meðal fólks á ný þar til ég fæ San Andreas lánaðan.
***
-Eitt færði þessi djöfullegi dáleiðsluleikur mér af viti og það var lagið Atomic með Blondie sem er crrrazy og mæli ég með því að nálgast það pronto með garanteruðum dansárangri annars skal ég hundur heita.

-Fyrst ég er byrjuð að mæla með hlutum get ég alveg eins mælt með A hitchikers guide to the galaxy sem ég er reyndar ekki búin að klára en hún er mjög fyndin.

-Fishermans Friend staup er mjög gott ef maður er andfúll og vill vera ferskur sem fress á skrallinu.

...Þetta án efa old news eða gamle nyheder fyrir upplýsta lesendur GMF svo ég hætti nú áður en ég gerist úthrópuð fyrir taktlausa tilburði til að vera inn.

Svala

2005-01-09T07:02:00.000-12:00

Pabbi: "200 þresti, 50 svani, 100 starra, 20 tjalda..."
Mamma: "Já já...það er nú svona...hmm já sei sei!"
Pabbi: "150 endur, 100 snjótittlinga..."
Mamma: "Heyrðu ég er bara farin bless bless..."
Pabbi: "300 hrossagauka, 10 svartbaka,.."
Mamma: "Ég heyri sko ekki í þér..ég er farin!"

Pabbi er búin að vera mjög hressandi í dag, talaði bara um einhverja fuglatalningu. Merkiegt er að allar tegundir fugla hlaupa núna akkurat á hundraði eða tugum nema hrafnarnir þeir voru víst 11. Þessir hrafnar eru nú bara crrrr-azy motherfuckers.

Fór í Bingó out-fittið á föstudaginn.
Rutan(lesist ekki Rútan), Helga, Anna Hlín og Auður Magga voru að hópast saman til spilamennsku, að mér skildis.
Fékk lánaðan bílinn til að fara í Bingó og koma svo strax aftur heim því að endajaxlinn var (er) náttúrulega að draga mig hægt og rólega til dauða.
Þegar ég kom með Bingóspjöldin mín undir hendinni voru þær ekki í Bingó-outfittinu heldur Bjór-outfittinu. Maskaran niður á kinnar, six-pack, thong, wonder-bra og allur pakkinn.
Vonbrigðum mínum verður seint lýst...nema hvað! NEMA HVAÐ! HVAÐ HALDIÐI! Já einmitt, Anna Hlín kom með mesta Thöndera sem ég hef heyrt í langan tíma.
Logi Geirsson handboltastjarna í Legmo var búin að leigja Hvebban, kaupa einhverjar hundruðir lítra af bjór (hann hleypur líka á hundruðum) og komin í hvít P-Diddy jakkaföt.
Mér fannst þetta svo klikkað að ég át Bingóspjaldið og sagði bara: "Helga! Gefðu mér einn feitan beint í muninn!" og úr varð að drykkjan hófst, maskarin tók að leka og Gogga-glossinn (Giorgio Armani) var settur á allar nærstaddar varir (þökk sé ríkum Bandaríkjamönnum sem sjá aumar á Rutunni einu sinni á ári og gefa henni þá glæstar gjafir).
Logi Geirsson var með bling bling-ið á hreinu á Hverfisbarnum, gylltan kross á sperrtri bringunni og demantseyrnalokk í ávölu eyranu. Svo óheppilega vildi til að ég held að hann hafi ekki þekkt mig, allavega heilsaði hann Helgu vinkonu minni mun betur og innilegra heldur en mér, þótt hann hafi aldrei séð hana áður (en við vorum saman í grunnskóla í 10 ár). Svona er þetta, þegar þessi endajaxl lætur mann líta út eins og kassalega hamstur... og líka kannski þegar maður hefur ekki hitt sumt fólk í 7 ár.

Eftir ítrekaðar tilraunir til skemmtunar ákvað endajaxlinn að taka ekki þátt í stuðinu þannig að Íbúfen fór ofaní bjór, gin og fleira og allt fór í rugl.
Ég varð lasin og mér var komið heim hið snarrasta með Nonnabátinn troðinn út í vinstra munnvikið og með viskí í annarri til að deyfa endajaxlaholuna leiðinlegu.

Logi þessi kallar sig víst L&I í Þýskalandi..sem er þá lesið Lundi, nema hann hafi fyrir því að útskýra fyrir þjóðverjunum að á Íslandi..þá þarna...sko..

Hvíl í friði endajaxlahola, nú er ég hætt að tala um þig því að þú ert ömurlegur drullupyttur.
Bless
Da B-girl

2005-01-06T01:25:00.000-12:00

Halló!
Ég heiti Drakúla.
Niður munnvik mín renna dökkir blóðtaumar.
Storknað blóð situr fast á milli sprunginna vara minna.
Hef áhuga á brimbrettum, ferðalögum og sætum stelpum.
...
....Nei.. allt af þessu er rétt nema nafnið og áhugamálin.
Ég er búin að vera að drekka blóð í sólarhring.
Endajaxlatakan var verri en ég hafði ímyndað mér. Tannlæknirinn ætlaði aldrei að ná þessum jaxli sem sat svo fastur ofaní beininu að jafnvel borar og skurðhnífar gátu honum ekki haggað. Það gerðist ekki fyrr en tannlæknirinn kom með einskonar tjakk og tjakkaði jaxlin einfaldlega upp.

Ég frussa blóði. Það er svolítið sniðugt þegar farið er á meðal fólks. Það er spjallað og hlegið og síðan frussa ég óvart blóði á borðið en er fljót að þurrka það upp og hvísla: "Helvítis" en segi síðan glaðlega: "Jæja og hvenær byrjar svo skólinn?".
Fór út á videoleigu í gær og tók Dracula myndina sem kom út þarna einhverntíman um 1992. Þegar stelpan var búin að stimpla myndina á mitt nafn og leit síðan á mig til að biðja um kennitölu. Þá sá hún blóðtauma leka sitthvoru megin niður munnvikin og varð um og ó. Ég reyndi að útskýra fyrir henni að ég væri bara að drekka mitt eigið blóð en ekki annarra. Hún spurði annars einskis.

Síðan hætti ég við Drakúla og tók bara einhverja mynd um munaðarleysingja. Hún var allt í lagi (The cider house rules), æ hún var samt ósköp Disney-lag og nett fáránleg.

Hér koma svo nokkrar fréttir:
Fartalva keypt -stop- einkunnir í höfn -stop- bæði feitt -stopp- blóð á lyklaborðinu -stop- ekki feitt -stop- fruss -stop-

10-BB

2005-01-02T09:43:00.000-12:00

Hér má krassa:

Blóðbaðið í Garðabæ.
Ég er veik og ég er að fara í endajaxlatöku (a.k.a. aftöku). Aftakan fer fram í Garðabæ við Garðatorg. Tannlæknirinn minn var hress um daginn og sagði að ég þyrfti ekki að koma fyrr en næstu jól í endajaxlatöku, svo sagði hann að það væri ekki hægt að hitta svertingja í Garðabæ því að þeir byggju allir í Mjóddinni. Svo fór ég í fyrsta sinn inn í Hagkaup í Garðabæ um daginn og þar var enginn annar viðskiptavinur nema ég og einn svertingi. Þá hringdi tannlæknirinn minn í mig og sagðist hafa ruglast, ég ætti að koma sem allra fyrst til að taka endajaxlana, helst í byrjun janúar.
Tannlæknirinn minn virðist allraf hafa rangt fyrir sér, hann á eftir að taka vitlausan jaxl með vitlausu verkfæri og gefa mér vitlaus verkjalyf.

Auður Maggan mín er komin heim. Hún segist hafa lært mikið af dvölinni erlendis. Enginn veit samt hvað það var sem hún lærði. Af sögunum að dæma var hún mestmegnis drukkin að tala um kynlíf. Ég hef í hyggju að fara að læra líka svona mikið á næstunni, þess vegna ætla ég mér að stunda ósvífnar námsaðferðir næsta haust. Það var mitt áramótaheit.

Blossi 896246485

Besti bragðarefurinn minn: kókosbolla, hnetusmjör og þristur

2004-12-30T01:56:00.000-12:00

Gefmérfive óskar lesendum öllum gleðilegrar hátíðar og farsældar á komandi ári. Þökkum frábærar móttökur á árinu sem er að líða. (Undir lestrinum heyrist sinfóníu lag (helst toyota jólalagið) og gervileg tölvusnjókorn falla niður skjáinn)

**********

Nú er kominn sá tími að formlegu bloggjólafríi gefmerfiveliða er á enda.
Þessi jól voru nokkuð góð en einna mest stressandi frá upphafi hjá mér.
Ég vann allt jólafríið sem vera ber og asnaðist svo að reyna búa til bróðurpart jólagjafanna oft með skelfilegum afleiðingum fyrir geðheilsu mína. Allt hófst þetta nú og fékk ég dýrindis gripi í staðinn s.s. nál og tvinna OG bók (face) og líka tölvuleik (Vice city).
Ég sór af mér alla vinnu á milli jóla og nýárs í fyrsta skiptið og hefur því tölvuleikurinn attarna ásamt jólaboðum verið mjög tímafrekur. Í gær t.d. sat ég í sófanum í dyngju minni allan daginn og allt kvöldið í leiknum með nokkrum klósettpásum, ég hætti 2 tímum eftir að nokkrar háræðar í augunum voru sprungnar.

Annað tíðindavert er formlegt afmæli míns og Atla þann 28. des. en þá voru 3 ár síðan pörun varð. Þetta afmæli var stórfínt en þó frábrugðið hinum tveimur því nú gátum við ekki farið í bíó að sjá Lord of the rings né einhverja aðra trílógíu mynd. Allt gekk þó vel og þá var kátt í höllinni.

En nú heyri ég rödd í höfði mínu sem segir mér að Tommy Vercetti sé í klípu og ég verði að drífa mig til Vice City að redda málunum með töfrasprota ásettum tökkum og analogpinnum.

European Swallow

2004-12-22T01:04:00.000-12:00

Finnið 10 villur:

Orðabelgur Omars ofurmennis. Höf. Auður Magndís Leiknisdóttir
"Þessi bók var skemmtileg. Hún er um strák sem fer í afmæli og stelpum var boðið og stelpurnar sáu afmælisbarnið á kassanum og Ormar ætlar að æfa sig að skrifa sögur fyrir stafapróf."
-Guðrún S. 10 ára

-i-i-i-i-i-i-i-i-i-i-i-

Hér er svo eitt fallegt sveitaljóð eftir okkur af lata sveitapiltinum:

Sat sonur inni og gerði fátt
aldrei neitt síðan fæddist
Sat við smölun, svaf við slátt
Oft lá í túni og mæddist
Enginn tók nú soninn í sátt
því hann gerð'ei gagn og hræddist
að slasast við rakstur eða ganga á gátt
í tjúllpils sig hann klæddist

Lag: Immanúel oss í nátt

Annars er allt frekar gott stuff að frétta.
Þrjú á palli gera sitt gagn, tvær útskriftaveislur í gær.
Elín og Ragga voru svo indælar að sjá á mér aumar og bjóða til drykkju og matar. Eins og venjulega gat ég skemmt fólki með lélegri enskukunnáttu, fer samt að verða þreytandi, ég veit samt ekki hvað ég get gert, þetta er ömurlegt!

Ég er farin til Skotlands þar sem grasið grær og ávextirnir vaxa á trjánum, bless.

Bé-ið

2004-12-11T01:45:00.000-12:00

Strætóferð með stúlkum, nútímaútgáfa:

Stúlka í strætó: Ég er ólétt!
Stúlkur með henni: HA! í alvöru..vá!
Stúlka í strætó: "Nei.....grín!!! Hahha allir voru bara WHAT! og ég var bara "í alvöru, ég er ólétt!" og allir bara "SHIT! Til hamingju samt!" og ég alveg "Ég er að fokka í ykkur mahr!" og þið bara keyptuð þetta alveg!"

Stúlkan heldur áfram eftir eilítið hik:
"Svo væri ég i alvöru ólétt...og þið bara "Vá þú tókst okkur alveg" og ég bara með morgunógleðina "öhhh huuu húh" og þið bara "Glætan að þú sért ólétt, þú gætir það aldrei mahr" og ég bara "Fokk maginn á mér er að stækka!" og þið alveg "Yeah einmitt right okay" og ég alveg "Hjálp ég er með útvíkkun og innsog og hríðir og allt heila klabbið" og þið alveg "Ekki fyndið lengur bless!"
...ég dey af barnsförum og er alveg ohhh úhhh og barnið bara SHIT! og ég bara gubb* og barnið nennir þessu ekkert og fer bara..og.."

Svo fór ég út úr strætó og heyrði ekki meir..

Hvert ætli barnið hafi farið?
Hversu mikið gubbaði hún eftir að hún dó?
Hvert fóru vinir hennar, ætla þeir aldrei að trúa henni?

Vona að þær verði þarna aftur á morgun, þetta var eins og strætó-jóladagatal.
Í 140 til Betlehem.
Á aðfangadag kemur í ljós að þetta var Jesúbarnið og eitthvað svona..myrra...reykelsi...stjarna.

Ég ætlaði að mæla með nokkrum myndum en ég virðist ekki geta skrifað neitt krefjandi núna. Ég er búin að vera að lesa Fornaldasögur Norðurlanda í bak og fyrir og annaðhvort virðist ég verða að skrifa texta mér til ósæmdar og vanvirðingar eða þá í fornaldarsögustíl.

Af strætóferð minni með stúlkum, fornaldarsögustíll:

Frú í vagni: Finn ek nú að ek er með barni
Meyjar með henni: Finnst okkur það vera mikil ok góð tíðindi.
Frú í vagni: Hví sitjið þér svo kyrrar ok mælið slíka heimsku? Munu menn gott hyggja til at spotta ykkur því þið svarið sem ég satt segi. Grunlausar voruði er ég að ykkur bar lygi mikla ok stóra.
Frúin í vagni eftir dálítið hik: Ef ek mun síðar reynast með barni vera og þið mér eigi trúa ok gera af mikla háðung, þá mun ek sjúk verða og falla í óvit en þið mér aldrei trúa. Eigi vil ek at þið farið á brott ok gerir líkami minn sjúkur uppköst ok sóttir. En vegna ósanninda munuð þið á brott fara og ek ein fæða barnið og af því ráði stendur mikill ófagnaður og mun það minn bani verða. Sveininn mun leiðast lætin, ganga á brott til skógar alvápnaður og draga saman óvígjan her.

Þar sem hvorugur stíllinn gefst vel hef ég ákveðið að skrifa ekki meira í dag.

Gefi Jesús Christus segjöndum og heyröndum, að vér megum vort líf enda í guðs þjónustu, að sálir vorar öðlist eilífa hjálp og himnaríkis inngöngu að yztu tíð veraldar. Amen.

Blensibil og Blankiflúr

2004-12-09T21:52:00.000-12:00

Ég var að dusta mig í gegnum þykkt ryklag af gömlu dóti í kassa í leit að hinum heilaga gral sem að þessu sinni var forláta tússpenni, þegar ég rakst á gamlan vin. Þessi vinur var ekki af holdi og blóði heldur úr brundi!... nei djók, pappír. Þetta var dagbókin mín frá því sumarið fyrir menntó og meira eða minna allt busaárið mitt. Þetta taldi ég ágætis fund enda man ég einhverra hluta vegna ekkert eftir busaárinu mínu.
Mér til mikillar skelfingar komst ég að því að ég var vælandi gelgja á þeim tíma svo heilinn minn hefur sniðuglega blokkað það tímabil úr minni mínu. Þegar mér varð þetta ljós kastaði ég frá mér bókinni í ofboði og hún brann upp til agna meðan illur hlátur heyrðist í fjarska....
...
Í gær fór ég skólann í buxum sem voru með vandræðalega stóru gati í klofinu. Ég hugsaði því með mér að nú gæti ég séð við gatinu eitt skipti fyrir öll og dæmt það til dauða með nál og tvinna sem ég og greip með mér í skólann. Í fyrsta hléinu settist ég svo inn á klósett, saumaði fyrir gatið með glæsibrag og stökk út með dansspori í bættum og betri buxum.
En þegar ég var að bogra og beygja mig í næsta tíma heyrði ég skerandi rifhljóð. Ég rykktist upp og þreyfaði á klofinu og komst að því að þar var allt í góðu. Hins vegar var mér e-ð skringilega kalt á stórum afturenda mínum og fann þá fyrir gati á stærð við almannagjá á honum miðjum. Ég, sem var í mjög efnislitlum nærbuxum þennan dag, stóð með hendur á rassi og snerist í hringi í örvæntingu og hljóp loks aftur inn á klósett með nálina og tvinnan á lofti og þakkaði almættinu fyrir að vera með þá félaga í farteskinu.
En ég komst s.s. að því að klofgatið var ekki óvinur minn, heldur buxurnar sjálfar og einn daginn munu þær stefna mér í glötun...

---
Það er þá ljóst með hávísindalegri skoðanakönnun að gefmerfive (22%)er fyndara en Southpark (8%), Futurama (10%) og næstum því jafn fyndið og Simpsons (23%) sem slefaði upp fyrir okkur á síðustu mínútum. Family guy (38%) er þó talinn yfirburða fyndastur og í verðlaun gefum við honum five, respect.

P.s. bendum á nýja vísindalega skoðanakönnun
SSheila He-mansdóttir

2004-12-06T13:01:00.000-12:00

Óskalisti Gefmérfive

Þráðlaus fjarstýring á Nintendo tölvuna. Power-aukavalmöguleikar:
Power 1: Gjögur- suðaustan 18 strekkingur (sjá dreng á mynd).
Power 2: Norðurhjáleiga - súld, skyggni 4 metrar
Power 3: Austurland að Glettingi - ládeyðu, skyggni gott.
Power 4: Garðskagaviti - Suðaustan nítján, hiti tvö stig.
Stjörnubakgrunnur fylgir.

Lyklaborð og diskadrif utan úr geimnum tssssjúng..

Lyklaborð:
"Lyklaborð calling Earth - Lyklaborð calling earth"
Ameríkani hjá NASA:
"Yeah hi there! This is earth, how are you? yeah sure? are you on your way hon..?"
Lyklaborð:
"Connect me with someone no-american please"
Ameríkani hjá Nasa:
"Sjjuuure here is my japanese friend, he is awsome, yeah, allright, have a nice day, maby I will C.U. later..sjúúre-man!"
Lyklaborð:
"Japanese man are you there? I'm going to land soon!"
Japani hjá NASA:
"Roger that"
Lyklaborð:
"10 seconds"
Japani hjá NASA:
"Yes, everything okay, clear sky, land somewhere near Austurland að Glettingi!"
Lyklaborð:
"Roger that-Argiato"
Japani hjá NASA
"Sony will pick you up and put you in shops..over and out - Arrrigato gosamazu".

Partý fun Trivial-pictionary-nintendo-stuð spilaleikinn.
Stór 80's fjölskylda fylgir (með öryggishettum en án battería).

Allt annað má finna í Leikbæjarbæklingunum t.d.
-Tíu Tússpennar Með Öryggishettu! (s.s. lokin á tússpennana)
-Hnitspaðar Með Handfangi!
-Babyborn-dúkka Með Haus og Útimi!

Frétt dagsins í boði Bakkavarar group ehf:

Svartir-rapparar frá Óman og Yemen eiga víst erfitt uppdráttar í Bandaríkjunum. Ekki hefur enn fundist útkýring á því..en..

Plebbi:
"Hvar áttu heima þú þarna rappara-skrípi?"
Rappari 1:
"Ó-meeen!"
Plebbi:
"Svaraðu spurningunni...hvar áttu heima"
Rappari 1:
"I told you.. Ó-meeen!"
Rappari 2:
"And I live in Yeee-meeen!"
Plebbi:
"You useless bastars you can never do anything right, you can't even remember where you live!"
Rappari 2:
"Ye-meeen!!!"
Rappari 1:
"Óóó-maaan!!"
Policeman:
"You are Underaresstedededed..!"

B.Bing

2004-12-03T13:39:00.000-12:00

Búin í einu prófi og er það vél, einskonar þekkingarvél, þjóðsagnaþekkingarvél, því prófið var eiginlega úr öllum þjóðsögnum sem Ísland hefur alið af sér fyrr og síðar.
Ég er því orðin að einskonar uppflettivél í íslenskri þjóðtrú.
Ef ég labba fram hjá einhverjum hlut sem byrjar á -M segjum t.d. að ég væri að labba upp á elhúsborði og myndi á þeirri göngu minni labba fram hjá MöMMu að borða MarMelaði, þá hugsa ég -M... og þá fletti ég í skjalaskápnum í hausnum á mér, undir svæðinu Þjóðfræði..svo byrja ég:

Mjóafjarðarskessan segir frá trölli einu sem ærir prestana í Mjóafirði þegar þeir eru i miðri predikun í pontu sinni. Þá breytast guðsorð og blessanir í blót og bölvanir og svo fara þeir með eina feita vísu og hlaupa svo út úr kirkjunni og upp til fjalla þar sem þeir taka upp tröllalífstíl.
En til þess að verða alvöru tröll þurfa tvær tröllkerlingar fyrst að velta manneskju upp úr feiti og hveiti "eins og tvö tröll baka" og toga hann svo og teygja yfir eldi, önnur heldur í hausinn en hin í lappirnar.

Svo er tekin ganga upp á eigin skrifborði og labbað er fram á pennaveski.. þá byrjar ferlið ...
Pennaveski..-P
...Papeyjarbuxur
Buxur úr skinni sem eru fláð af dauðum manni (verður að vera nóttina 18-19 eða 28-29, sama hvers mánaðar) og í punginn á buxunum (verður líklegast því að vera karlkyns lík) setur maður í pening sem stolinn er af bláfátækri ekkju á milli pistils og guðspjalls. Mun manni þá aldrei skorta peninga. Kýs heldur að vinna, allavega eins og er.

Þetta er samt frekar ömurlegt, stúlka haldinn þessum kvilla er t.d. að labba á Laugarveginum á leið í próf og hittir myndarlegan mann:

Myndarlegi maðurinn: Sæl!
Stúlkan: Sæll vertu og ævinlega blessaður.
Myndarlegi maðurinn: Ég heiti Baldvin..
Stúlkan: Búkolla?
Myndarlegi maðurinn: Hahahah nei nei Baldvin sjáðu til eins og þeir Baldwin bræður, ég er nú ekki einn af þeim þótt ég gæti..hehh!
Stúlkunni stekkur ekki bros á vör: Baulaðu nú ef þú ert nokkurstaðar á lífi!
Myndarlegi maðurinn: Ha! hahah þú ert svona að grínast bara, ég myndi kannski baula ef við værum bara tvö ein..þú veist, við getum kannski hist aftur?
Stúlkan: Afturganga þá?
Maðurinn: Já..hittast aftur..ganga aðeins líka kannski..hvað heitiru annars?
Stúlkan: Garún Garún...
Maðurinn: Já, allt í lagi, ég skil alveg fyrr en skellur í tönnum, þú ert að hafa mig að fífli! Hví gerir þú það?
Stúlkan: Kví Kví! Svona komdu þér bara aftur niður í gröfina uppvakningurinn þinn áður en ég slæ þig í hausinn með saltaranum sjálfum!
Hann: Þetta er fíflaskapur, þú ættir að koma þér af Laugarveginum þar sem sómsamlegt fólk er á ferli!
Stúlkan: Koma! (labbar þrjá hringi í kringum manninn og kveður:) Koma þeir sem koma vilja, veri þeir sem vera vilja, fari þeir sem fara vilja...

Maðurinn hraðar sér í burtu..stúlkan hraðar sér í próf til að geta byrjað að hugsa aftur eðlilega og leiðrétt miskilninginn

Bjó til jólaljóð áðan en skrifaði það ekki niður, man bara rímorðin. Þau voru sól og jól og svo "börnin ung" og "Mao Tse-tung"

Ef einhver hefur séð kápuna eða skóna sem ég er í á þessari mynd, vinsamlegast látið mig vita (hægra megin á mynd).

Bing-tung

2004-11-21T01:33:00.000-12:00

Þessi vika er búin að vera nokkuð ding dong. Ég held að ég hafi sjaldan verið jafn furðu upptekin...og hefjast Svölusagnir svo:
Ég fór á Beach boys fyrir viku og hafði mjög gaman að. Mike Love gerðist svo frægur að þiggja hjá mér five, því hann var alveg: "gefmérfive!" og ég gaf honum five og hann bara: "yeahh".
Það sem ég tók hins vegar eftir áður en hljómleikar hófust var að stórt hlutfall miðaldra fólksins þar (í miklum meirihluta tónleikagesta), var jórtrandi tyggigúmmí og minnti mig helst á stóra kindahjörð. Mér fannst þetta bæði stórmerkilegt og ógeðslegt í senn. það fer engum vel að vera með tyggjó í tíma og ótíma.

En ég hef líka verið í málunarkúrs síðustu vikur og ég komst að því að ég er alveg stórkostlega hægur málari. Ég var alla dag og öll kvöld að klára verkefnin mín og meira að segja til 5 að mála aðfaranótt föstudags sem er sko met í lærdómsúthaldi. En mér finnst þó frekar fyndið að vera að stressa sig massa mikið yfir ókláruðum málverkum fyrir skólann.
Og ekki er nóg að vera í manískum málarakúrs heldur byrjaði ég líka í nýrri vinnu í Epal. Ég hef unnið 3 svar sinnum og verið mest í því að bjóða góðan daginn og hjálp mína og vísa fólkinu svo á aðra starfsmenn. Þess á milli sest ég munúðarfullt í leðureggið hans Arne Jacobsen og ímynda mér að ég sé stórlax. Ef e-r á eftir að gefa mér tvítugsafmæligjöf þá má hann gefa mér leðuregg, það kostar einungis 730 þús., kostakjör.

Á föstudag spilaði ég á dimmisjónballi MH á kaffi kúltúr. Bryndís, eða "ma" í Dj- amma, var meira upptekin en ég og gat ekki komist og því dró ég Atla minn, son Bolla með mér. Það fór bara betur en á horfðist, engin grátur, klór og slagsmál vegna listfræðilegs ágrennings heldur fór bara vel á með okkur og því köllumst við Dj-afi.

Dj-afi var rétt áðan að bóka flug til New York um páskana til þess að spila á nokkrum klúbbum osfrv. Ég er mjög spennt enda New York algerlega málið þessa dagana.

Nú er tölu þessari lokið og ég farin að njóta þess að þurfa ekki að gera neitt nema vera til í nokkra tíma.

Svalbert

2004-11-16T09:07:00.000-12:00

Jesú, Jeddúddamía og allt heila klabbið! ég var einn og hálfan tíma á leiðinni heim úr skólanum í dag. Ég sat ein í bílnum mínum og hlustaði á bæði Stephen Malkmus og Dear Catastrophe Waitress til enda á meðan ég einbeitti mér að því að komast áfram hálfan metra í senn. En fallegt var það, veðrið, því verður ekki neitað, kannski maður fari að renna sér á eftir, o seisei.

Ég gerðist svo merkileg um helgina að fara á opnun listasýningu í Listasafni íslands og þekkti barasta nokkra listamenn...sem eru kennarar mínir. Ég lyfti bara hvítvínsglasinu mínu (sem var aðalástæða komu minnar) og var með yfirlætislegan en hugsandi svip og þá var ég inn, too cool for school.

Heima er búinn að vera súr stemmari síðustu 7 vikur, Mamma mín hættir ekki að tala um kjarabaráttuna (mamma er kennari) og vera frústreruð...sem ég skil ofurvel. Að vera einstæð mamma með tvo uppkomna letingja í heimili á skítalaunum er ekki gaman. O seisei

Og annað... Ef einhver notar orðskrípið babar í rit eða talmáli er mér að mæta!

Bryndís biður að heilsa, hún situr sveitt við skriftir á fyrstu bók Gefmérfive; 90% GMF-10% Wayne's world

Svetlana

2004-11-11T01:06:00.000-12:00

En það bar til um þessar mundir, að boð komu frá Háskóla Íslands, að skrásetja skildi margar ritgerðir. Þetta var fyrstu ritgerðarskrif á þessari önn og var gjörð er nóvembermánuður var næstum hálfnaður. Fóru þá allir að skrifa ritgerðir, hver að sínum hætti.
En þá tók Gefmerfive-stúlkan, dóttir Jósefs, sonur Elí, sonur Mattas, sonur Leví, sonur Melkí, sonur Jannaí, sonur Amoss, sonur Bjarna rapps, sonur Símeons, sonur Júda, við boðunum og sagði: Nóg er komið, ég mun skrásetja ritgerðir og ekkert annað.

Vegna anna og jafnvel tímabundnar bloggþreytu hyggst ég taka mér frí um hríð, aðeins stutta hríð, frá skrifum sem þessum.

Ég er þreytt og lúin ,þjáð
af þönder skrifum fékk ég sótt
Ég mun nú aftursnú'í bráð
kannsk'á Þollák eða Nýársnótt

Og nú kemur Æri-Tobbi með eina góða:

Ribí ribí ribí ræ
Ég segi bara bæ
Sussum sussum og svei-i brund
Komin tími á ég deyj-i, um stund.

Fleira var það ekki í kvöld
Veriði sæl

Baróninn af Bavaríu

P.s. lesiði bara Biblíuna, jólin að koma og svona

2004-11-07T01:18:00.000-12:00

Sem fyrr stekk ég fram á sjónarsviðið og tala um e-ð þægilega innihaldslaust eftir heita pólitíska færslu að hætti Bryndísar.
Að þessu sinni var helginni var eytt í fyrsta skipti í sumó með kæró sem var mjög þægilegtó. Við lifðum hinu ljúfa lífi letingjans spiluðum mastermind og scrabble, hlustuðum á tónlist frá öllum heimshornum (þó aðallega tveimur) borðuðum nammi og allkonar óhollustu. Veðurguðinn var eitthvað þunnur og brjálaður en það gerði stemmarann bara betri meðan við sátum á bjarnarfeldinum við arineldin í prjónapeysum í boði Swiss miss.
Nú þegar batteríin eru endurhlaðin verð ég on-fire og out-of-controll og insane-in the-mainframeeðasvoleiðis osfrv. Ekki missa af því!
En núna er ég í litafræði í skólanum mínum sem er þannig að maður er spurður hvaða litur sé á blaðinu manns og þá svarar maður svona rauður, gulur eða blár og ef maður segir rétt fær maður sleikjó.
Á morgun er rauður dagur og ég ætla annað hvort að mæta í jarðaberjabúning eða jólasveinabúning.
Sú ákvörðun verður þó að bíða því Bond kallar...

Svala Sjana.

2004-11-03T02:04:00.000-12:00

Bandaríska sendiráðið gerðist gott á því í gær og stóð fyrir kosningavöku í Hafnarhúsinu. Húsið var stjörnum og fánum prýtt, enda Bandaríkjamenn einstaklega hrifnir af fánanum sínum.
Búið var að koma fyrir risaskjá þar sem fylgjast mátti með harðsnúna liðinu frá 60 mínútum ræða málin, taka viðtöl og útskýra hvernig það er kosið í Bandaríkjunum. Það er nefnilega mjög flókið og gott ef ekki að Bandaríkjamenn skilja það varla sjálfir.
Gestirnir voru sendir í ratleik til þess að finna einhver 58.000 utankjörstaðaratkvæði sem að týndust í Flórída, en þau fundust því miður ekki í Hafnarhúsinu. Þau eru nú talin vera falin við hliðiná þessum 400 tonnum af sprengiefni sem týndust líka.

Bauð sendiráðið upp á kók, McDonalds borgara (og salat að sjálfsögðu), Subway, ameríska kleinuhringi og muffins svo og pizzur frá Little Caecars.
Þetta var allt saman mjög kapítalískt og ekki skemmdi fyrir hópur ungra SUS-ara sem flestir festu á sig rebúblikastuðningsnælur í hinum mesta miskilningi.
Tákn Rebúblikaflokksins er fíll. Fíll, tákn um hægfara framfarir og stöðugleika. Leiðinlegt að þessi ungu menn í SUS vilji í alvöru líkjast fílum, í gráu jakkafötunum sínum, með snöggklippt hárið, stórir með sig og sperrtir eins og kústskaft. En fílar eru nú að deyja út og svona og þeir eru alveg fínir á því, en hvað er annars fíll að gera þarna á merki flokks í Bandaríkjunum.
Er mikið af fílum þar?

..og yfir í eitthvað málefnanlegra...

Kannanir hafa leitt eftirfarandi í ljós:

Stuðningsmenn JFK leita helst eftir:
- Aðgerðum til að bæta efnahag
- Aðgerðum til að bæta heilbrigðiskerfið
- Aðgerða til þess að "laga" stríðið í Írak

Kjósendur GWB vilja hins vegar helst:
- Styrkja siðferði í landinu
- Styðja stríðið gegn hryðjuverkum

Þeir sem að vilja styrkja siðferðið í landinu vilja felstir:
- herða reglur um fóstureyðingar
- ekki veita samkynhneigðum aukin réttindi
- efla kristna trú í landinu
Þeir vilja jafnframt:
- verja rétt sinn til byssueigna

Athyglisvert er að Miðríkin og Suðuríkin vilja langflest halda áfram baráttunni gegn hryðjuverkum sem að hófst eftir 11. september 2001 en samt voru þau, vegna landfræðilegrar legu, fjarri öllum þeim hörmungum sem þá gerðust.
Hryðjuverkin bitnuðu að langmestu leiti á íbúum New York borgar en þar fékk Kerry 57,7% atkvæða en Bush aðeins 40,5%.
Íbúar New York vilja flestir breytingar, breyta þeim aðferðum sem Bush notar en þeir sem að fylgust með málum úr fjarska eru heitustu stuðningsmenn stríðs gegn hryðjuverkum, þetta hlýtur að fara illa með taugarnar í íbúum vestur og austurstrandanna:
"Many friends on the East and West coasts were tired of being dominated by the middle of the country " -Fleecy Moss, St Bees

Bush mun líklegast líta á sigurinn sem stuðning við stríð sitt gegn hryðjuverkum. Jafvel þótt sð íbúar New York vilji flestir ekkert með hann hafa.
Hann á líklegast ekki eftir að skammast sín fyrir eitt né neitt, hann er hálfgerður þverhaus sem að neitar því alfarið að hann geri mistök. Allir hinir gera þau. Hann játaði í viðtali að hafa gert mistök síðustu fjögur ár en þau voru: að hafa hlaupið á sig með val á einhverjum örfáum mönnum í valdastöður.

Sumir vilja halda því fram að með sigri Georges muni demókratar tefla fram Hillary Clinton fyrir kosningarnar 2008. Þótt að það væri gott útspil þá þurfum við samt sem áður að lifa næstu fjögur undir þessum sorglega manni sem að minnir helst á páfa frá miðöldum í stefnu sinni gegn "heiðingjum" og mannréttindum.

Demókrataflokknum virðist vanta frambjóðanda frá Miðríkjum eða Suðurríkjum Bandaríkjanna til þess að poppa upp á rauða litinn þar á bæ. Clinton gat það, enda er hann frá Suðurríkjunum. Hillary mun kannski geta það, halað inn einhverjum atkvæðum í suðurhlutanum en jafnframt haldið í demókratafylgið á vesturströndinni og á ströndum norð-austur Bandaríkjanna. Annars hef ég litla trú á því að Hillary bjóði sig fram. Hef hins vegar mikla trú á því að hið hugmyndafræðilega bil á milli Evrópu og Bandaríkjanna eigi eftir að stækka.

Þá er bara að vona það besta...hann var þó kosinn í þetta skiptið.

Mr. BíBí

2004-10-31T06:55:00.000-12:00

GEF MÉR FIVE kynnir í samvinnu við KB-banka, Klink og Bank og KaffiBarinn:
GEF MÉR K og GEF MÉR B

Undanfarið er búið að vera kalt úti en ekki í dag. Í dag er rigning og ágætis veður nema fyrir utan Aðalbyggingu Háskólans þar sem, að einhverjum ástæðum, alltaf blæs köldu. Kannski er djöfullinn þar að verka að reyna að fæla fólk frá því að stunda guðfræði og koma á kaós í stjórnun skólans, því að sumir stjórnendur hafa einfaldlega ekki nennt að mæta til vinnu vegna þessara köldu vinda framhliðar Aðalbyggingarinnar. En guð kann nú ráð við prakkarastrikum djöfla og lét því smíða tvær hurðar, ekki síðri en aðaldyrnar, á afturhlið Háskólans. Því geta stjórnendur og guðfræðinemar lumað sér inn að baka til, djöflinum að óvörum.
Þetta var samt ekki það sem ég ætlaði að tala um.
Heldur það að kuldinn og rigningin benda til þess að nú sé veðurguðunum orðið alvara með haustkomunni.
Í dag er það hér með tilkynnt að það er komið haust, og jafnvel vetur, ef menn vilja vera að hanga sig á dagatalið.

Ég veit það nú alveg að flestir vita að það er komið haust fyrir löngu síðan, en ég er kannski svona sein á mér því að sumarið var gott. Vil ég reyna að halda í það eins lengi og hægt er.
En það er búið.

Já KB-sumarið mikla er búið.

KB - sumarið 2004
Ótrúlegt má þykja að það séu tilviljanir einar sem að komu við sögu KB-sumarsins mikla.

- Sumarið 2004 var KB-banki stofnaður og varð sá banki strax einn sá öflugast sem Ísland hefur alið.

- KaffiBarinn var hiklaust bar sumarsins í mínu lífi. Þar drakk ég einungis Kaldan Bjór en ef KaffiBollinn vildi komast að, var oftar en ekki farið á Kaffi Brennsluna.

- Klink og Bank stóð undir mögnuðu listalífi, sveittustu tónleikum sumarsins og frábærum fyrirlestrum.

Hver var svo stjarna sumarsins?
Jú það var enginn annar en Kalli Bjarni. Kalli Bjarni þjófstartaði sumrinu í vor með sigri í Idolinu. Hann ferðaðist síðan um allt land með sumarfyrirbærinu "Bylgjulestinni". Kalli Bjarni var hiklaust nýstjarna sumarsins.

Klessun Bílsins:
Ömurlegasta fyrirbæri sumarsins var vissulega dánardagur duggunar, já þegar ég Klessti Bílinn minn, KB206.

Af Pólitík: Kosningar í Bandaríkjunum Kerry v.s. Bush
(no matter who wins, we will loose):
Pólitískar umræður sumarsins snérust að mestu um Kosningarnar í Bandaríkjunum þar sem að þeir Kerry og Bush eru sigurstranglegastir.

Kraftwerk og Brown:
Þeir tónleikar sem að hafa að margra mati staðið upp úr eru tónleikar Kraftwerks svo og James Browns.

Helstu mótmæli sumarsins fólust í því að fá Forsetan til þess að Kvittera ekki undir Bann á núverandi eignarrétti fjölmiðlanna. En helstu gestir Forsetans þetta sumarið voru Frú Blair og Kóngurinn í Svíþjóð. Reyndar var Frú Blair ekki hér á vegum Forsetans en henni hefur nú líklegast verið boðið í Kaffi á Bessastöðum.
Þess má geta að skemmtilegasta boð sumarsins var einmitt boð Forsetans í Kvöldverð á Bessastöðum, þar sem boðið var upp á allt á milli Kavíars og Brauðtertna, Kampavíns og Berjates.

Veikindi sumarsins voru Kossasótt og Beinbrot (krassaði á bretti)... og þetta er nú alveg ótrúlegt ha! Hvað á maður að halda?

Blogg sumarsins og þær síður er ég hékk mest á í vinnunni voru: Kaffisterkt og Barnaland.is (ekki má vanmeta Barnaland, þar eru bestu bloggin).

Kveðjur
Ms. B

P.s. Á morgun eru kosningarnar, mér er orðið illt í maganum af spenningi, svona eins og mér leið alltaf fyrir hvern einasta óæfða píanótíma á unglingsárum mínum sem að leiddu til þess að ég varð líkamlega veik og varð að hætta í Tónlistarskólanum.
Ég vil þakka Kalla Jóhanni fyrir að benda á heimasíðu sinni á nýjasta Eminem myndbandið sem endar einfaldlega á orðinu VOTE! Gott og gilt orð, sennilega komið af orðinu "WHAT!" sem var það orð sem franski konungurinn lét út úr sér þegar hann heyrði fyrst talað um lýðræðislegar kosningar.
Skoðið myndbandið hér! Athyglisvert myndband út frá mörgum sjónarhornum... en um það verður ekki rætt hér, en svo má líka finna mikið af klámi á netinu sem að aðrir geta haft gaman af, en um það verður ekki heldur rætt hér. Bless.

2004-10-28T12:22:00.000-12:00

Samfélagið er líklegasta magnaðasta fyrirbæri veraldarsögunar, alveg er það hreint út sagt hið fínasta fyrirbæri.
Verra fyrirbæri eru hinsvegar þeir sem að stjórna samfélaginu án þess að takast á við hin raunverulegu vandamál.
Stundum eru þeir kosnir til þess að stjórna en stundum stjórna ákveðnir einstaklingar vegna valda sem þeir öðlast með peningum.
Peningar kaupa völd, peningar geta keypt allt, líka ást.
Kannski ekki sanna ást, en hver veit svo sem hver þessi sanna ást er og hvort hún sé til yfirhöfuð annarsstaðar en í Tristramssögu eða Völsunga. Þar sem að menn falla í öngvit við snertingu,hjarta þeirra springur svo kröftuglega af ást að það stekkur út úr líkama þeirra, einhverja metra upp í loftið og lendir svo ofan á öreindum líkama þeirra.

Við, þegnarnir í samfélaginu, við erum eins og einhver dýrahópur sem er "frjáls" en samt kyrfilega bundinn af "markaðsetningu", misgóðum skilaboðum samfélagsins (m.a. um útlit og athafnir), hégóma og svo einfaldlega fávisku, sem byggist að mestu leyti á skorti á upplýsingum. Já þessir frjálshyggjumenn eru alltaf að tala um frelsi og markaðsetningu, stundum í sömu setningunni. Frelsi til að kaupa bíla og vændiskonur en ekki frelsi til þess að fá aðgang af réttu upplýsingunum.

Við erum mestmegnis fávitar
Nokkur dæmi er renna stoðum undir það að við séum hálfvitar:

- Við kaupum ódýrustu vörurnar án þess að kæra okkur um aðstæðurnar sem vörurnar eru framleiddar við.

- Við borðum og drekkum vörur sem að við vitum ekki hvað er í (hormón,gos...)

- Við trúum því sem að okkur er sagt í fréttunum þegjandi og hljóðalaust. Öllum finnst t.d. þessir "hryðjuverkamenn" vera mjög svo illir menn. Ég held að það hafi sjaldan verið jafnmargir settir undir sama hatt og þessir "hryðjuverkamenn" okkar, einsleitari hóp er varla hægt að finna, ekki einu sinni í fegurðarsamkeppnum.
Þar var þó víst ein með krullur síðast og önnur hafði víst ekki áhuga á útivist.

- Sem að leiðir okkur að því að okkur finnst fegurðarsamkeppnir vera fínar og bara frábærar fyrir þá sem eru svo heppnir að njóta vestræns frelsis til að taka þátt! Þar með er enginn gagnrýni leyfð af því að lausnarorðið "frelsi" er víst þarna á ferð.
Hvernig er hægt að segja að þetta sé frelsi?
Að reyna að vera að keppast við að fylla upp í einhverja staðla, jafnvel með lýtaaðgerðum og svelti?
Hvernig getur það verið frelsi fegurðardrottningarinnar að vilja þetta þegar hún er algjörlega að fara eftir því sem að einhverjir útvaldir í samfélaginu halda fram hvernig fallegast er að vera?
Frelsi til þess að láta samfélagið þröngva upp á mann þröngum stöðlum.
Er það þetta raunverulega frelsi sem við erum að tala um, mér finnst nú lítið fútt í þessu bévítans frelsi ef það er í rauninni "frelsi til að aðlaga líkama sinn að þeirri fegurð sem akkurat núna er ofan á í samfélaginu".
Já akkurat núna því að fátt í heiminum er jafnsíbreytilegt og fegurð og tíska.

Frelsi var skeggrætt á fundi þessar kvenna, niðurstaðan var sú að þótt þær væru allar eins væru þær samt allar frjálsar

- Við leyfum okkur að gerast svo ótrúlega hrokafull og í raun móðgandi við allar þær kynslóðir sem áður hafa dregið andann að halda því fram að við höfum náð toppnum.
Fagnaðarerindið hefur loks borist í okkar hendur af himnum ofan:
Í dag er búið að ná jafnrétti!
HEYRIÐ það allar kynslóðir jarðar!
Þið sem áður hafið þurft að líða fyrir stöðu ykkar, Sjá! Í dag eru allir jafnir! Já hingað til hefur mannkynssagan ávallt innihaldið endalausar baráttur. Muniði t.d. eftir stéttabaráttunum? Já hún er sko búinn. Bless bless stéttabarátta.
Man einhver eftir baráttu svertingja í Bandaríkjunum? Já nokkrir muna það, en vitiði hvað? Hún er bara búin líka!
Barátta kvenna...rauðsokkurnar og Bríet og allar þær gellur (sem að stuðluðu að jafnréttinu sem við lofum í dag en samt eru þessi nöfn yfirleitt notuð í neikvæðri merkingu í dag..) já ykkar takmörkum er náð.. bless bless
Öryrkjar? - bless
Allir sem eru til en eru ekki miðaldra hvítir karlar? Já Við höfum nú fyrst í sögunni náð því að vera ÖLL MIÐALDRA HVÍTIR KARLAR.

Einu sinni var hægt að heyra áróður gegn svörtu fólki í útvarpinu, finnst okkur það ekki í dag vera alveg back in the days?
Hvað finnst ykkur t.d. um þetta?

- Hvítt fólk! ekki láta svertingjan ráða! hlustið á Radíó Reykjavík!
- Þetta er ekki verk fyrir hvítan mann!
- þetta er ekkert annað en fáviska og svertingjabækur!

Rasískt? Já það er rétt.. en hvað er þá þetta?

- Karlmenn! Ekki láta konuna ráða! Hlustaðu á Radíó Reykjavík
- Þetta er ekki verk fyrir alvöru karlmann
- Þetta er ekkert annað en fáviska og kerlingarbækur

Já þessir fávitar sem við erum. Við sjáum ekki einu sinni okkar eigin heim í réttu ljósi, þótt svo að hann standi allur beint fyrir framan okkur.

2004-10-26T17:45:00.000-12:00

Tónlist var fyrirferðamikil um helgina. Airwaves var uber alles, ég held að það hljóti alltaf gaman á Airwaves ef hún heldur uppteknum hætti. Ég ætla ekki að fjölyrða um efni hátíðinnar heldur læt ég Keipdúnk Atla um það. En það helsta sem stóð uppúr voru The Shins, Hot Chip, Sahara hotnights sem eru mér ný ædol í kúli, Adem voru fínir, Mugison það sem ég sá af honum, Trabant fyrir sjóið, eins voru Jagúar og Gusgus fyrir gott dansidúkkuelement (svo er President Bongo líka mad FH-ingur). Þar hafiði það. Að vísu endaði helgin mín á því að taka venjulega fokk-ég-á-eftir-að-skila-stóru-verkefni-sem-ég-get-ekki-klárað-fyrir-morgundaginn-vonleysis-panikk, en auðvitað reddast það alltaf.

Síðustu daga hef ég líka verið að klára gegnumhlustun diskanna sem ég fékk í afmælisgjöf sem voru Blueberry boat með Fiery Furnaces, Schulmadchen report, Smile með Brian Wilson og Chelsea Girl með Nico og líkar með endemum vel.
...
Að leiðinlegri málefnum er ég enn og aftur komin í skólakrísu, ég hef ekki hugmynd um hvað ég ætla að gera eftir fornámið, finnst ég ekki vera góð í neinu og hausinn minn er jafn tómur og....e-ð tómt...ílát... Ef einhver á CDM-vél eða "Career deciding machine" hafið samband við mig í síma 865 6005.

Svali

2004-10-25T08:47:00.000-12:00

Af vodka, morðtólum og tennisleikjum

Það er hægt að segja margt gott um daginn í dag þó svo að hann hafi einungis farið í svefn og lærdóm. Jú ég svaf og lærði og er það vel.

Súdan hefur minnt okkur enn og aftur á að til eru svæði í heiminum þar sem að matur er ekki einungis étinn til nautnar.
Með það í huga varð ég þakklát fyrir það að geta bakað og borðað viðbrennda eplaköku þó svo að það hafi gleymst að setja í hana sykur.

Uppgötvun dagsins var sú að í sjónvarpinu er alltaf verið að sýna fólk gera alla hluti sem við hin, í raunveruleikanum, gerum dags daglega...nema einn. Það er að horfa á sjónvarp.
Eina skiptið sem að fólk horfir á sjónvarp í sjónvarpinu er "rétt áður en síminn hringir" eða bara fólk í bakgrunninum sem að þjónar því hlutverki að fylla upp í hann.
Við hér sem að horfum oft á sjónvarp, horfum þess vegna á sjónvarp, vegna þess að sjónvarpið færir okkur heim án sjónvarps.

Maður einn að nafni Yoshifumi Suzuki dvaldi í nálægu hýbýli um helgina. Hann er frá Tokýo og vinnur hjá Sega. Ég fór með honum í Kolaportið og var það gott en þó betra þegar við fundum einhvern tennis leik frá Sega sem að hann hannaði.
Hann hannaði s.s. tennisvöllinn, áhorfendurna og svo tennishöllina.
Þetta fannst mér vera magnað.
Ég hlakka til að heimsækja hann síðar, þá get ég farið með honum til Harajuku og sýnt honum allar bækunar sem að ég mun þá vera búin að skrifa.

Í Lettlandi var mjög kalt, aðeins kaldara en um helgina, en Lettar kunna ráð við því. Á hverjum morgni var farið út í búð og keyptur vodki og var líterinn svo kláraður fyrir hádegi.
Kuldi var ekki til umræðu eftir það.
Fyrir utan það að þamba vodka allan daginn inn og út, var ekki borðað með hnífapörum á mínu heimili, heldur einungis með ágætlega stórum beittum hníf/korða.
Eftir stórhættulega máltíð og áfengisdrykkju var farið út að skjóta með byssum.
Í gömlu sovésku loftvarnarbyrgi var búið að koma fyrir miklu magni af byssum og rifflum af öllum stærðum og gerðum. Ég mátti velja mér eitt morðtól til þess að verða dygurmannsleg, og allt af því óalandi, með. Ég vildi fá minnstu og auðveldustu byssuna, helst einhverja sem að virkaði ekki vitund. Úr varð að ég fékk ágætan revolver. Var því næst skotið á einhverja pappírsdruslu í einhverri ákveðinni fjarlægð. Hitti ég alltaf pappírsdrusluna í hjartastað sem er helst til ótrúlegt því að ég sé ekki neitt án gleraugnanna minna, en svona er nú mín tilfinning hreint út sagt ágæt fyrir morðtólum sem þessum.

Íslendingar láta ekki deigan síga í barbarískum siðum. Svo var hægt að nota hnífinn til að stinga úr tönnunum.

Þeir sem að ætla sér að sverta karlmennsku mína með því að segja að byssan hafi verið hlaðinn af gúmmíkúlum geta gleymt því. Byssan var sönn og kúlunar voru jafn raunverulegar og tilvist þín kæri lesandi.
Eftir byssuæðið var farið á hestbak og var það ágæt á meðan vodkinn tók að renna af manni.

Hér eftir kalla ég mig kúreka Hafnarfjarðar, því verður ekki neitað.
Billy boy

Hin rússneks/lettneska lesbía og baráttukona Vera sýnir hvernig hún borðar morgunmatinn sinn áður en hún fer út að skjóta.

Meira af Lettlandi er hægt að sjá HÉR! (MAMMA ATH: þú smellir á þetta gráleita, þá koma myndirnar upp!)

P.s. Ef að þú ert þjófurinn sem að stal fartölvunni minni máttu vita það að ég er falla í skólanum, apinn þinn.
Vertu feginn að ég belji bara ekki hvössu orðalagi og svívirðulegi orðbragði á þig! SKILAÐU GLÓSUNUM MÍNUM...svo var ég líka komin langt í GTA vice city... og veistu hvað það tók langan tíma? svona álíka langan tíma og þú hefur nennt að sitja á skólabekk... þú mátt eiga saltpillunar, vona að þær festist í framtönnunum á þér að eilífu!

2004-10-20T22:24:00.000-12:00

Á laugardagsmorguninn síðastliðinn lá ég ásamt rauðhærðum manni upp í rúmi...heheee þið skiljið hvað ég meina..(blikk*)og allavega, við vorum liggjandi og svona. Síðan var nóg komið af liggjanda enda klukkan orðin 12:59.
Þá fórum við út úr húsi og löbbuðum yfir til Atla og Svölu, Svölu sem var ekki í þönder eftir afmælisglaum fyrra kvelds.
Á milli Atla og rauðhærða mannsins (a.k.a. Orri) er svona 7 mínútna ganga, við stoppuðum hjá Atla í 5 mínútur og keyrðum síðan öll þrjú saman til baka, það tók svona 3 mínútur.
Þegar heim var komið, láu rúðubrot yfir alla stofuna og við nánari athugun kom í ljós að einhverjir innbrotsaðdáendur hefðu brotist inn í húsið.
Okkur fannst þetta frekar ruglað kex, ég hoppaði út um brotna rúðu og ætlaði að rannsaka garðinn og leita eftir ...ee..einhverju..en er ég snéri inn aftur voru Atli og Orri inni með ungum pilti sem að hafði komið til þeirra er þeir voru að spóka sig fyrir framan húsið, í öngum sínum.
Pilturinn hafði verið að viðra hundinn sinn og sá einhverja gaura hlaupa frá húsinu með svarta tösku.
Þessi svarta taska var s.s. taskan af fartölvunni minni...með fartölvunni minni í.
Þá var mér nóg boðið og var hringt í 112, öll skólagögning mín og ýmis verkefni og rannsóknir, urðu að komast aftur í mínar hendur.

Fyrst komu 2 lögreglumenn sem að voru svona Californíu lögregluþjónar, ljóshærðir, brúnir og massaðir.
Þeir voru nettir, en þá grunaði þó helst piltinn með hundinn fyrir innbrotið, við vissum vel að hann væri saklausari en blóm í haga.
Mig grunaði helst Col. Mustard en drengirnir þvertóku fyrir það og nefndu hans í stað Mrs. Peacock.

Síðan komu rannsóknarlögreglumenn tveir.
Rannsóknarlögreglumenn klæðast ekki í löggubúninga heldur eru annaðhvort feitir, í frakka með svarta skjalatösku, fulla af stækkunarglerum, penslum, dufti og gúmíhönskum eða mjóir, illa sofnir og fölir menn.
Þeir eru alltaf frekar góðir á því.
Sá þybbnari tókst samt einhvernvegin á yfirnáttúrulegan hátt að láta lítið sem ekkert fyrir sér fara, allt í einu birtist hann út í garði, svo kom hann út úr eldhúsinu og þar næst stóð hann allt í einu á bak við mann, bak við sófann eða í útidyrahurðinni.

Ræningjarnir voru gripnir síðar um daginn er þeir láu í ræningjagreni sínu og var þá þeim smámunum er þeir stálu, fyrir utan fartölvuna mína, gerðir upptækir, en fartalvan mín var horfinn og hefur ekki fundist aftur.

Ég spurði leynilögreglumanninn, er hann var að rannsaka glerbrotin (og fann dularfullt fótspor), í hvaða skóla væri hægt að læra að vera svona spæjó.
Hann leit á mig, með óráðu augnaráði og svaraði: Í skóla lífsins.
Þar höfum við það, ef að við viljum vera feit, í frakka, svöl og spæjó, þá þarf að skrá sig í Lífsins skóla, þar er víst hægt að læra margt, ég er ekki frá því að ribbaldarnir séu að taka skóla lífsins alvarlega. Eða kannski ekki, því að í staðinn fyrir að stela tveimur iPodum er lágu á skrifborði einu, þá kláruðu þeir úr saltpilludós er lá við hlið þeirra.
Ég held því fram að það hafi verið ansi góð pæling, fyrir mig, en þeir eru víst ungir og eiga líklegast eftir að bæta sig seinna meir.
Þá munu þeir fatta að borða ekki úr saltpilludósinni á staðnum, heldur taka hana bara með ásamt iPodum tveimur.

Miss Scarlett B. B.

2004-10-18T11:35:00.000-12:00

Takk takk takk til allra sem sendu mér afmæliskveðju og til þeirra sem gáfu mér fínt og fallegt dót síðasta föstudag.
Taaaa fyrir mig...

Svala old school

2004-10-16T11:43:00.000-12:00

Photo moto býður upp á Svöluafmælismyndir.
photo moto - best í heimi

2004-10-12T08:24:00.000-12:00

Þööööönder afmælið mitt verður á Prikinu föstudaginn næsta, allir vinir og velgjörðarfólk Svölu velkomnir, (óvinir og önnur dusilmenni fari bara í rass og rófu) Það verður sko þööönder, því verður ekki neitað.

Svala sem á afmæli á morgun.

2004-10-11T06:53:00.000-12:00

Kaupinhafn var góð, hún er svo hómí, kannski ekki fjarri lagi að maður fari þangað að læra í hausinn á sér....eins og allir, ojæja. Alma er auðvitað alltaf gúdsjittgella, skrópaði í þýskunni til þess að vera góð hostess sem hún var, klöppum fyrir Ölmu. Margir Durum-ar voru innbyrtir, mikill cosmó drukkinn, hefði mátt vera meira verslað. En s.s. í alla staði prýðisferð með prýðisfljóðum en læknaneminn frækni Sólveig Helgadóttir passaði geðheilsu Svölu og Bryndísar digurmanns- og dugnaðarlega. Hér má annars skoða misjafnar myndir af Danmörkunni. Bryndís ákvað þó að koma ekki heim heldur fara til Helsinki með einhverju samkynhneigðu, sjálfkynhneigðu og þverkynhneigðu fólki með viðkomu í Eistlandi og Lettlandi til þess að gera könnun á vinsældum GMF þar á bæ og í leiðinni gera könnun á því af hverju fólki finnst hún svona skrítin.

Í Svöluheimum er meiri lognmolla en á Spáni þessa dagana... og þó, hún á afmæli á miðvikudaginn og kannski heldur hún veglegt partý sem enginn má missa af komandi helgi(ekki á Anal Hansen þó), hmm spennó.

Fyrir allra hörðustu aðdáendur Gefmerfive mæli ég eindregið með nýrri heimildarmynd um Gefmérfivefyrirbærið; "Cosmó eða frægð 1 þáttur; the early years" sem hægt er aðeins nálgast í höfuðstöðvum GMF í New York.
Annars mælum ég með myndunum "Before sunrise" og "Before sunset" í þessari röð eða annarri.

Svali

2004-10-01T04:15:00.000-12:00

Svala verður bí bí

Ógæfumaður einn gekk berserksgang um daginn á ölkelduhúsinu A. Hansen.
Fyrir hvað stendur þetta A?
Jú ég skal svara því.. A-ið stendur fyrir Anal.
Þar hafið þið það,
en þetta vita bara fáir,
og við skulum því ekkert fara að básúna þessu..

Já aftur að ógæfumanninum, hann hét einhverju nafni sem var ekki Anal Hansen, því að hann sjálfur er löngu liðinn, en það er allt önnur saga, og ógæfumaðurinn hét engu nafni líkt því.
Bara svo að það sé skýrt að Anall er liðinn, en hann er betur þekktur undir nafninu A. Hansen, enda ástæða fyrir því..hahah þið skiljið..hahah..

Já og aftur að ógæfumanninum. Ógæfumaður þessi ku vera Hafnfirðingur og sveiflaði hann víst öxinni dygurmannlega áður en hann hjó í tröppurnar á A(nal) Hansen og svo í einhvern dyrakarm þarna, hitaveiturör og loks í eina lausa fjöl sem löngum hefur hangið þarna niður undan loftinu.
Hann var síðan tekinn fastur af laganna vörðum eftir að hafa skemmt all nokkrar fjalir til viðbótar og allt að því tvo stólfætur.
Laganna verðir bunuðu á hann úr brunaslöngu með þeim afleiðingum allmargir gestir hlutu skaða af á höfði eða fótum, allt eftir því hvernig fólkið snéri á meðan á ósköpunum gekk.

Allavega, þegar við á Gefmérfive fréttum af hörmungunum (en þess má geta að móðurstöð Gefmérfive er í Hafnarfirði) þá var okkur heldur brugðið í brún, Svölu þó meira en Bryndísi. Urðu afleiðingarnar þær að Svala setti upp svip ljótan í nokkra daga á meðan hún jafnaði sig (sjá mynd á bloggfærslu frá miðvikudeginum 22. september), því Svala hefur oft gengið berserksgang á A. Hansen, en aldrei datt henni í hug að hún gæti verið handtekinn,
hver veit hver verður næst handtekinn?

Svala ætlar aldrei aftur á A(nal..uss ekkert samt vera að tala mikið um það) Hansen, allavega ekki á meðan skemmdirnar á sigaganginum og á hitaveiturörunum sjást enn.

Þegar Svala jafnaði sig (23. september) hafði hún þó sannfært sig um að vargsöld væri gengin í garð og Ísland stefndi ótrauðum aftur til Þjóðveldisaldar. Í kjölfarið hefur hún sannfærst um:

1) tilvist drauga
2) tilvist huldufólks og álfa
3) ágæti súrmatar
4) forlögum manna sem birtast m.a. í draumum og spádómum
5) að Naglfari myndi koma að sækja hana laugardaginn 2. október í líki svokallaðar "flugvélar" sem ber nafnið "Vigdís" og á Svala að sigla með Naglfara í víking, fyrst til Danmerkur en eftir það munu örlögin leiða hana áfram, líklegast til Orkneyja eða Hastings.
(Ekki spyrja mig, ég er enn þá að reyna að skilja hvað hún vill láta kalla sig!)

Svo er nú í pottum búið,
við þurfum að fara til Danmerkur strax í fyrramálið.
En þess má geta að þegar langamma mín fór til Danmerkur hér fyrir 100 árum síðan þá fór hún þangað til að fara á geðsjúkrahús. En það er allt önnur saga og sú saga kemur Svölu og hennar hugsunarhætti ekkert við...hmm

Áætluð heimkoma Svölu er einhverntíman ..."eftir helgi"..
en heimkoma Bryndísar mun tefjst að óviðráðanlegum orsökum.

Sólveig Helgadóttir læknanemi mun þurfa að koma með í ferð þessa.

Fleira var það ekki í kvöld.
Veriði sæl.

GMF INC

P.s. Þess má geta að Gefmérfive inc. er helsti styrktaraðili Bakkavarar goup

P.p.s. Þess má einnig geta að Svala er kannski að fara að fá vinnu hjá Opal og Bryndís var að fá vinnu hjá rannsóknarstofu í kynjafræðum, en meginþema rannsóknarinnar í ár ber yfirskriftina: "Hvaða kyns er orðið djús? Er djús í hvorukyni eða karlkyni?".

P.p.p.s. vefsíða ungra femínista er komin á lagginar, hönnuð af gefmérfive.inc með aðstoð frá breskum hönnuði.
Búist er við nokkrum myndarlegum færslum þar á næstunni. Þetta er síðan.

2004-09-29T11:16:00.000-12:00

Já við póstum bara ekkrt nýtt fyrr en við fáum í það minnsta einn kokteil. Hana nú! aular! skamm

2004-09-27T08:42:00.000-12:00

Nú er ekki lengur hægt að blogga í litum.
Það er bara búið spil, allt farið bara, ekkert til, allt bara búið að klárast, lokað og læst..

Líklegast hefur litaglaði homminn, Ege R. H. Ommi verið rekinn af blogger.com og sami gamli ístrubelgurinn og íhaldsbesefinn hann O. J. B. Arasta verið ráðinn aftur.
Hommi v.s. Íhaldsbesefi.
En stundum getur sami maðurinn verið bæði hommi og íhaldsbesefi, ég nefni enginn nöfn. En ég get gefið vísbendingu, fyrra nafnið hans byrjar á H en endar -annes.

Ég þarf að læra svo mikið að ég held að ég verði að hætta bara í skólanum, þetta er spurning um að deyja inni á Þjóðarbókhlöðu með bók eftir Hannes Hólmstein (nei ég var ekki að tala um hann áðan...eða.. hmm) mér við hlið eða hætta bara í skóla og fara bara til Melrakkasléttu að kenna eða eitthvað.

Og hvað er að því að vera á Melrakkasléttu ha?

það er bara örugglega miklu skárra en að vera á Benedorm eins og einhver kolóður rottukrabbi.

Já rottukrabbi... hmm þetta minnir mig á eitt ljóð sem koma upp úr barka einum um daginn þrátt fyrir endurteknar tilraunir til að halda aftur af óhljóðunum:

Frekar ét ég rottukrabba
Extasí og pillutýpur
En að ganga í lið með Dabba
Hann er eins og sníp... a rí rei rabbi dú -ur.

Jæja ég vona að ég deyji allavega ekki inni á Þjóðarbókhlöðunni og ekki heldur með Hannes mér við hlið, þó svo að ég verði eflaust að sætta mig við námsmannadauðdaga.
Ég myndi þó heldur vilja vera í Vín, í glasi, með Mozart(kúlu) með við hlið sem að segir:

"Ástina sem þú hefur gefið mér og ég þrái umfram allt ætla ég að gera ódauðlega í áttundu sinfoníu minni á klarinettu og þríhyrning, ó mín kæra kjúttíbolla!"

Verkið mun Mozart svo líklegast skíra upp á ítalska móðan:
La bella Amoretta Fiesta de locas Salsas í a-moll.

Styttist í stríðið.
Ég mun halda af landi brott til Íraks á laugardaginn í tveggja vikna sjálfboðastarf sem skotmark.

...Nei grín... ekki óttast.. ég er bara að fara til Súdans...

Nei aftur grín hæ hæ allt að gerast hérna, ég er sko bara ekkert að fara þangað heldur annað, sem að skiptir engu máli því að það er ekkert merkilegt... haha kemur ykkur sem lesa þetta ekki við.. hú hú ligga ligga lói spói.. ha lóa og spói? eða lóuspói?

Jæja þar sem að þessir brandarar eru orðnir ókeypis hérna í boði Svölu þá er þetta bara búið spil.

Bless

BB

OMG 1) Britney er ólétt
OMG 2) Ef að það stendur Rabbit á kattarmatsdós, er það þá alvöru kanína í einhverjum skilningi eða er þetta eitthvað annað, hvað þá? best að spyrja vísindavefinn út í þetta og líka út í það hvort að strákar geti pissað þegar þeir eru inni í .. hmmm..

2004-09-22T08:53:00.000-12:00

Bryndís: "Skjólstæðing minn, sem situr hér hjá mér, hlakkar mikið til að fara á Sólheima, í svona fjögur ár".

Nýjar (gamlar) myndir eru í photo moto
- photo moto - alltaf með það nýjasta

B&S - skemmtilegri en Helga Braga

2004-09-20T06:51:00.000-12:00

Dj-amma hvatti aðdáendur sína að hegða sér vel á stórtónleikum Dj-ömmu í Hressingarskálanum föstudagin síðastliðinn.
Eitthvað virðast aðdáendur ömmu gömlu hafa ruglast á hinu alþjóðlega Dj-ömmu flaggi og bandaríska fánanum en það þarf þó ekki að vera svo því að Dj-amma er mikill stuðningsmaður bandarískra cookies með kaldri mjólk. Það mun líklegast vera eina ameríska varan sem hún styður í augnablikinu, því að best þykir ömmu vitanlega að borða skerpukjöt frá pabba hennar Ölmu svo og ömmusulta og ömmupítsa...(eða varð það mömmu?)

Aðdáendur Dj-ömmu fögnuðu ömmu með ýmsum tegundum af veifum og kurli.

Jæja og nú ætla ég að loka augunum og ýta tilviljunarkennt á lyklaborðið:
satansatansatansatansatanhjalpegerandsetinnhjalphjalpneeiii..

Þetta sannar það að ef maður er með lokuð augun þá er ekki möguleiki á því að maður skrifi eitthvað sem mark er á takandi

Jæja nú hef ég prófað í annað sinn að setja inn mynd og er það vel.

bb

2004-09-18T05:44:00.000-12:00

Hér til hliðar má líta stúlkuna af Gefmérfive.
Aftan á sokkabuxum hennar gefur að líta tvær beinar rendur.
Í vor ákvað ég að kaupa mér eins sokkabuxur og þessar, því að auðvitað vil ég líta út eins og Gefmérfive stúlkan. Hún er falleg, hress, tilkippileg, heimsk en glöð og hvers karlmanns hugsljúfa.
Í gær reyndi ég svo að ganga um í þessum sokkabuxum um bæinn.
Þrátt fyrir all margar ferðir fram og til baka á hinum ýmsu skemmtistöðum, ögrandi augngotur og djarfan fótaburð tók enginn eftir sokkabuxunum nema ef vera skyldi einn útigangshundur sem að þefaði upp undir pilsið og þaðan alveg upp undir nafla.

Thriller ... ú klapp woowowoooo úú klapp klapp og thikka thikka uhh uhh.. og Kalli Bjarni take it away.. chikka chikka..

Nú ætla ég að fara með nokkrar klámvísur:

Sköpin ber og brjóstin fín
gef mér beibí þau að snerta
Brjóstin stór sem mandarín
Sköpin ljúf sem terta

Skinnpokinn stór sem melón
og höfuðið svert sem banan
Stuðlækur þinn sem frussandi freón
ætti að vera virkjaður af Al-can

Ari á bók segir Ása
Finnur er að saga
þetta er ein rokna pjása
og hana þarf að laga,
sagði Vala sem sá sól
enn Anna vildi hana í ból
til að sýna dót og drjól.

Bless mamma og pabbi
Bless krakkar
bless nunna

iBsen

2004-09-15T10:53:00.000-12:00

Það var dansað, duflað og drukkið þessa helgi sem og aðrar svei mér þá. Föstudag fór ég í fyrsta þönder myndlistaskólapartýið á vegum skemmtinefndarinnar sem hefur hlotið nafnið "Blazt Þönder" og það var mikið um dýrðir. Hefði þó mátt vera meiri dansidúkkú-fölelse í fólkinu því ég gat með naumindum hamið dýrslegan danskraft fóta minna, en þannig er ég nú bara, þ.e. dansskrímsli. Endaði auðvitað í bænum þar sem ég hirti Atla minn upp úr ræsinu og hélt heim á leið.
Bryndís er nú flutt aftur í Gúlagið (þ.e. Hafnarfjörð) og þá var kátt í höllinni, hjá mér þ.e.a.s. en mjög dapurt í Bryndísar Höll en nú ætlar hún að vera mjög dugleg og hún safna rosa síðu hári svo að e-r geti klifrað upp turninn og bjargað henni.... Pant ekki.

Heyrst hefur að hin sívinsæla Dj-amma muni halda uppi stuðinu á nýnemaballi Röskvu á föstudaginn, mæli endregið með að fólk mæti í rokna stuði með partýhattinn sinn því Dj-amma ku vera on fire þessa dagana.
Jájá flott flott flott flott flott flott flott flott

Svalbarði

2004-09-07T21:59:00.000-12:00

Á miðöldum drakk fólk bara vatn, saft og bjór.
Það var sko almennilegt lið án allra snúðughátta.
Ósjaldan rann á miðaldarmennina ölæði og var þá ágætt að ganga rösklega svokallaðan berserksgang sem hefur líklegast verið einskonar 10 kílómetra kraftganga.
Kettir og hundar fengu að hreinsa úr döllum drykkjumannanna og urðu dýrin við það svo drukkinn að ekki mátti á sjá hvort dýrið væri hvað. Og af hverju er ég að segja frá þessu?
Já eða nei?
Jú það er vegna þess að á morgun er efnt til alsherjarteitis þar sem aðeins má innbyrða hinna áðurnefnda miðaldardrykki og það í svo drjúgum skömmtum að ekki má á sjá hvort að fólk sé hundar eða kettir...

nei þetta gengur ekki upp..

hmm.. næsta kveld mun vera svo uppskrúfað af ölæði og gleði að engan mun má sjá á því hvort að fólk standi á haus eða í hinni viðurkenndu lóðréttu uppsnúnu stellingu.

Það hefur sjaldan boðað gott að skrifa fyrir fram um óorðna atburði.
Hver veit hvort að höfuð mitt eigi eftir að falla af búknum og ofan á þetta lyklaborð næstu sekúnturnar?
Ef það mun gerast þá vonast ég til að það gerist ekki á Þjóðarbókhlöðunni eða á Árnagarði, heldur á hvítri sandströnd Balíeyjar þar sem ég sit með vindil, kokteil og með fartölvu mína í kjöltunni. jælkj

Einu sinni voru Mozart og Schubert að metast um það hvor þeirra væri flinkari píanóleikari. Þeir háðu píanóeinvígi þar sem að báðir þeirra skrifuðu mjög svo tæknilega erfitt stykki og átti sá að vinna sem gat ekki spilað stykki keppinautarins.
Í dag myndi Mozart líklegast drepa Schubert með vélbyssu eða rúlla flyglinum yfir hann er Schubert væri að beygja sig eftir nótunum sínum á gólfinu en á 18. öld, þá voru menn enn að drekka saft, vatn og öl og voru því ávallt drengilegir og heiðarlegir.
Enn það var í þá daga og það er önnur saga. Nú drekka menn bara coke, en það er líka önnur saga.
Allavega, keppnin hófst á því að Schubert spilaði mjög svo erfitt og flókið verk Mozarts án teljanlegra galla. Nánast guðleg leikni Schuberts í hinum mjög svo erfiðum tríólum og tónskröttum Mozarts, físum, esum, áttundum og öllum öðrum tónlistarlegum erfiðleikum fengu Mozart til að svima. Hann varð svo stressaður að hann svitnaði sem gosbrunnur væri en er hann settist við flygilinn með verk Schuberts fyrir framan sig þá sá hann að verk hans var nú bara frekar auðvelt. Mozart spilaði það fulkomnlega nánast allt til enda og er hann ætlaði að ljúka síðasta hljóminum sá hann að Schubert hafði leikið á sig.
Síðasti hljómurinn var þannig uppbyggður að hægri höndin var efst til hægri á borðinu en sú vinstri lengst niðri til vinstri, milli þessara hljóma átti svo að spila eina nótu sem að lá á borðinu miðju. Til þess að spila hana þurfti Mozart að hafa þrjár hendur eða risastóra fingur og úr varð að Mozart sagði einfaldlega við Schubert:
"Schubbi! Það getur enginn spilað þennan hljóm!"
Schubert ýtti þá hinum sveitta Mozarti frá og spilaði hljóminn svo að undirtók í Versölum öllum. Hægri höndin lengst uppi og sú vinstri lengst niðri og svo leysir hann vandamálið með því að slengja nefbroddinum svo fagmannlega á miðjunótina að meira að segja Lúðvík fjórtándi fékk tár í augun.

Þessa Schubertstækni hef ég ákveðið að nýta mér til að auka hraða minn í vélritun
Sjáið t.d. þetta:

ahæ quð og síðast en ekki síst einn tveir og ... znþ

Þetta er ekki töff að framkvæma á Þjóðarbókhlöðunni en ágætt að stunda á milli stíða á skirfstofunni... enginn skrifstofa.. enginn nefbroddavélritun.

Veriði Sæl
Bach

P.s. ef að það var ekki Schubert vinsamlegast lesið þá ávallt Einhver í stað Schuberts, eða önnur orð að eigin vali.

2004-09-01T23:04:00.000-12:00

Áki frá Stokkhólmi hringdi í mig í vinnuna í dag. Ég held að það hafi ekki verið hinn eini sanni Áki Nordin, besti vinur Berts Ljungs, heldur einhver annar Áki sem er eflaust einhver fínn kall í Stokkhólmi sem keyrir um á Benz og drekkur kampavín í öll mál.
Þessi Áki er að fara að koma til Íslands til þess að vera viðstaddur mjög svo fínt boð í Perlunni sem fram fer á næstu dögum.
Hann hringdi í mig til þess að spyrjast fyrir um "dress code" í veislunni.
Ég hugsaði málið vel og lengi og sagði síðan:

"Ake, jeg tror at du skal har toxic paa"
Ake: "hva?"
Ég: "Ja det er toxic til festen i Perlen, toxic!"
Ake: "Naa so ikke kjolfat?"
Ég: "Nej du maa ikke vera andeledes, du skal har toxic, toooxic,! Forstaar du?"
Ake: "Jeg forstar ikke!"

... þá fór ég og spurði mann einn hvernig í ósköpunum maður segir smóking á ensku..bíddu er það ekki toxic? Um leið og ég sleppti orðinu fattaði ég að ég væri að slá íslandsmetið í enskuheimskuháttum. Fyrrverandi íslandsmetið var í ensku 202 í MH þegar ég hélt að "shop-lifting" þýddi bara það sama og "to shop".

Ég: "Yes I like to shop lift and I do it a lot, like last summer when I was in New York I shop lifted aaaalll the close I'm wearing now, and many many more!"

Ég sagði síðan Áka að mæta bara í "kjólfata með tail".

Vildi að foreldrar mínir hafi haft vit á því að búa erlendis þegar ég var lítil, þess í stað bjuggum við alltaf á sama staðnum og auk þess hafa foreldrar mínir andúð á ensku, en danska, það er heimstungumálið, enda eru þau fædd 1874. Svo höfum við aldrei átt stöð 2... svo er ég líka auli í ensku...

Mannkynssaga II var lögð digurmannlega að velli í svokölluðum sumarprófsþjáningum. Vegna harðra árasa blekgusa penna míns hundskaðist hún aftur til nýaldar og eftir stendur þessi setning: "Bryndís! þú hefur enn og aftur sannað snilli þína! bravó! Þinn Kennari"... eða eitthvað í þessa áttina.. minnir mig..hmmm

Atli Bollason er aftur mættur til leiks og þar sem hann er óhræddur um að deila með lesendum tilfinningum sínum ætla ég að gera slíkt hið sama.
Ég er hamingjusöm og mér líst vel á skólann.
Ég var að kaupa mér stígvél sem eru alveg eins og stígvélaði kötturinn á (mamma hennar Röggu áttu þau..hún keypti þau af kettinum)
Stundum rek ég mig þó á það að ég er of hamingjusöm miðað við það að ég á hvergi heima nema nokkurn veginn í Hafnarfirði ( já nokkurn veginn) þar sem ég hef engan bíl og er álíka föst eins og Tom Hanks í Cast Away. Já, skólinn er byrjaður og þar með bý ég ekki lengur á Óðinsgötunni, guð blessi hana.
Það er ömurlegt að líða eins og maður eigi hvergi heima.. en ég keypti mér þó fartölvu í gær, ég get reynt að staðsetja hana niðri í bæ og búið á henni þar, í stígvélunum.
Loksins loksins náði ég að skrapa saman fyrir fartölvu (þótt ódýr væri) og það gerði ég með því að vinna við að segja fólki að mæta "toxic" í Perluna, og svo margt fleira.
Hér ætti ég náttúrulega að setja niður nokkra broskalla og blikkkalla og eitthvað svona álíka hressandi og: vvvvvííííí!!!!!!! stuuuuð!!!yeahhh!!!, en ég ætla ekki að gera það. Ég er hamingjusöm en lifi í óvissu og þá segir maður eitthvað svona eins og:
"hmmmmmm...crack æ æ æ !.. (brestur í brotinu í rifbeininu)mmmm....."

B. Ljung

2004-08-30T06:33:00.000-12:00

Nú ég ég víst að heita listnemi, mér finnst það mjög hlægilegt, mér finnst ég vera jafn mikill listnemi og Bryndís skeitari. Af listalífi mínu er s.s. fátt að segja... ég hef teiknað herbergi og kassa og tunnur í ýmsum stærðum og gerðum og núna síðast einhverskonar frauðplastsómynd. Skólinn er frá 9-15 en samt tekst mér að vera jafn þreytt eftir skóla og Nylon stelpurnar eftir rosalegan flótta undan trylltum áhangendum ( :) ;) :-) :) ;) ;) ;) :-) :) )
Ég hélt að um leið og ég væri komin í listnám myndi ég fá mér svart hár, fara að reykja, ganga um nakin, verða níhílisti og grænmetisæta og segja setningar á borð við "Heimsmyndin gengur í hringi vegna súrrealisma abstraksins í póstmódernisma nútímans"
En annars mislukkaður hárlitur minn hefur lítið breyst, ég geng enn almennt um í fötum og lítt merkilegar setningar drjúpa af vörum mínum eins og: "Hey, mig langar gegt í snakk" eða "ohh ég þarf að kúka stórum" en ég bíð ennþá.

Tíma mínum hef ég eytt undanfarna daga með betri helmingnum, karlinum, the ol' chain an' balls, og fórum við m.a. á Múm/slowblow tónleika í Bæjarbíói í gærkvöldi. Slowblow voru svona ágæt, nice and easy eins og vera ber en ekki nógur vel æfð greinilega. Múm voru mjög góð, einkar skemmtileg... fyrir utan þá staðreynd að ég get engan vegin sætt mig við crípí tilgerðarbarnasönginn hjá Kristínu sem mér finnst vera stór lýtir á annar mjög góðum lagasmíðum... en sitt sýnist hverjum.
Það var samt ótrúlegt að sjá fullt af indí krökkum í hrúgu fyrir utan Bæjarbíó í Hfj (lesist eits eff djei)... ég verð að játa að ég varð pínulítið stolt, en bægði þeirri tilfinningu frá mér eins fjótt og auðið var til að flýta listamannsmótun minni því listamenn verða að búa í skítugri rottuholu með málningaslettur um alla veggi í miðbæ Reykjavíkur en ekki snyrtilegu einbýlishúsi með sólpalli í Hafnarfirði.

En fylgist annars spennt með næsta þætti af listalífi Svölu, mun hún gera e-ð af viti? Mun hún enda sem öregi en fá viðurkenningu eftir dauða? Mun hún ekki finna snefil af artístinum í sér og vera sami lúðinn sem finnst ekkert betra í heimi en Wayne's World og snakk að eilífu? úúúú!

Sir Swallowlot

2004-08-30T03:40:00.000-12:00

------------------------------------------
Sigurður Richter: Gott kvöld!

Af Svölu er ekkert að segja. Henni fannst gaman á James Brown. Eftir fagurt gal Mister Browns sofnaði hún við drykkju og varð því ekki ein af þeim útvöldu sem fóru í bæjarferð. Hún hefur ekki þyngst mikð undanfarna daga en er þó dugleg að drekka og ropar gjarnan hressilega eftir hvern mjólkursopann, þó aðeins ef slegið er létt á bakið á henni. Henni gengur vel að lita og föndra í skólanum sínum en er oftast mjög þreytt seinnipart dags. Þá vill hún fá sér lúr svona rétt fyrir barnatímann.
Ég er að hugsa um að flytja mig og Svölu frá höfðstöðvum Gefmérfive og í höfuðstöðvar barnalands.is, en þar er ágætt að setja upp einfaldar heimasíður ungbarna og annarra einstaklinga er valda höfuðverk og þreytu.
(www.barnaland.is og svo er hægt að skrifa eitthvað nafn eins og bara Snær eða Sól og Draumálfur og svona og þá koma upp síður barnanna)

Það er mikið um skemmtilegar lesningar á Barnalandinu.

Dæmi:

Velkomin á síðuna mína!
Ég heiti Díana Prinsessa sæta!
Pabbi kom heim af sjónum í dag! Ég elska pabba voða mikið og mamma varð líka svaka glöð að sjá hann loksins. Ég vil að pabbi verði heima næstu kvöld hjá mér og mömmu. Mamma vill að pabbi gefi okkur tíma víst að hann er í landi... heyriru það pabbi?
Ég kúkaði óvart í mig á leikskólanum en það var allt í lagi af því að ég er svo mikil dúlla:) og svo er ég líka prakkari ;)
Ég elska mömmu mína! Mamma mín er að fara til Costa del Sol í næstu viku með vinkonu sinni og það varður gaman!!!
Ég vil alltaf sjúga á mér puttan á meðan mamma les fyrir mig úr bók og síðan sofna ég og vakna nú ekkert alla nóttina þótt að ég þurfi að pissa! þá pissa ég bara í mig!
Bless bless Díana Draumaprinsessa

Í fyrsta lagi: Hvernig getur nokkuð barn heitið Díana Prinsessa? Það er önnur hver mamma sem fer með fleipur inni á Barnalandi og segir að barnið sitt heiti eitthvað sem það heitir bara alls ekki. Ég fletti upp nafninu Prinsessa í Þjóðskránni og það er engin manneskja skráð með því nafni á Íslandi. Ekki heldur Helena Draumadís, Hákon Superman, Bjarki! Bestur í heimi eða Harpa Mömmustelpa.

Í öðru lagi: Hvernig geta börnin haldið úti heimasíðum og uppfært þær reglulega þegar þau eru enn þá að kúka í sig. Eða þegar þau eru nýfædd? eða hvað þá með þau sem eru enn þá í "mallanum á mömmu"? Það eru nefnilega allmörg börn inni á Barnalandi sem að eru byrjuð að skrifa inn á heimasíðuna þótt þau séu ekki einu sinni búin að þroska með sér fingur. Sum börn sem að eru á stærð við kúlusúkk eru bara komin með allnokkrar færslur um hvað þeim hlakki til að koma í heiminn og hitta mömmu og pabba.

Í þriðja lagi: Hvernig þætti manni að mamma manns væri alltaf að skrifa á netið að maður hafi verið að kúka í sig eða pissa á sig? Ég vona barnanna vegna að þessar upplýsingar eyðist eftir nokkur ár. En þau hafa náttúrulega afsökun sem er:

"Cooome on! ég var fokking fjögurra skiluru!?!?!"

Ég hef aldrei hitt Pál Skúlason rektor Háskólans en samt er ég búin að stunda þar nám í 2 ár. Ég hef hitt alla skólastjóra þeirra skóla sem ég hef áður sótt. Svo í dag fattaði ég af hverju. í Háskólanum er maður einfaldlega aldrei sendur til skólastjórans. í Engidalsskóla voru krakkarnir alltaf að hitta skólastjóran og spjalla og svona, en ekki í Háskólanum. Mig langar til þess að finna einhvern villing frá því í grunnskóla og vita hvernig honum finnist þetta mál. Er nauðsynlegt fyrir villinga að fara reglulega til skólastjórans eða hættir sú þörf þegar í háskóla er komið. Ég spyr Bjössa Bastarð, Döggu dóp eða Sigga sýru af því næst þegar ég hitti þá í HÍ... hmmm en þeir gætu náttúrulega líka hafa farið í HR... eða á Bifröst...!

Af Sigga T er það að frétta að hann keypti sér bassa fyrir svona hálfu ári, hættið því að spyrja hann að þessu. Ekki heldur spyrja hann um neitt sem rímar við bassa því að hann mun ávallt svara á sama mátan: "Ég keypti hann fyrir svona hálfu ári síðan". Dæmi um spurningu og orð sem rímar við bassa eru: Áttu Indibíódaga-passa ? Og svo rassar í þolfalli.

Auður er brátt að fara til Helsinki í ár og aldir. Það er leitt en ljós er þó í myrkrinu því að einhverntíman ætlar hún sér að koma aftur til okkar hinna sem enn lifum á mörkum hins byggilega heims. Farvel frilla inn til þúsundvatnalandsins...þú ert nú frá Breiðafirðinum..

2004-08-26T21:55:00.000-12:00

Fiskifréttir:

Úthafskarfinn fór upp á hörpudisksstofninn og úr varð hörpukarfi sem er einmitt ansi bragðgóður steiktur á pönnu. Sævar Hafsteinsson, afleysingarskipstjóri á Palla GK 303 Satrúnus XJM og Júpíter GK 101 Reykjavík, finnst ótækt að veiða hörpukarfann í nót þar sem helvítis hörpukarfurinn á það til að bíta svo harkalega hausinn af fólki.

Fuglafréttir:

Ég er líklegast trúgjarnasta manneskja í heimi, mér finnst þetta alveg ótrúlegt með hörpukarfann en enn ótrúlegra þykir mér það sem einn ágætur piltur hvíslaði að mér hér um daginn.
Þess má geta að þessi piltur er heillaður bæði af Fast Food Nation svo og Super Size Me.
Pilturinn heldur því fram að kjúklingarnir hjá Kentucky Fried Chicken séu það mikið erfðabættir og breyttir að þeir séu allt að því hauslausir, enda nýtist hausinn ekki til átu. Vegna þess hvað kjúklingarnir á hænsnabúum Kentucky Fried eru orðnir breyttir og "betrumbættir" þá flokkast þeir ekki lengur undir skilgreininguna á dýrategundinni "hænsn" eða "chickens" og ÞESS VEGNA má Kentucky Fried Chicken ekki heita þessu nafni lengur, því þau bjóða einfaldlega ekki lengur upp á "Chickens". Því er staðurinn alltaf núna kallaður einfaldlega KFC. Það hefur m.a. komið í ljós í auglýsingum og breytingum sem hafa átt sér stað á Kentucky Fried Chicken veitingastöðunum í heiminum að nú heita þeir flest allir bara KFC og gamla nafnið finnst hvergi.

BB er enn þá rifbeinsbrotinn og Forseti Gabon heitir Mr. Bongo.

Kofi Annan: "And the next President in the pont is Miiiissster Booooongó! " virðulegt klapp...
Mister Bongó: "Húlla la la la la Bingó Bongó hú ha "

Svala er farin að teikna eins og Da Vinci, þetta er allt að koma.

Bless Bongó
Bless Krakkar
Bless virkir dagar!
Halló helgi!
..sem minnir mig á það að Helgi Guðnason a.k.a. Nasi er að fara að gifta sig um helgina. Elsku kallinn minn bara komin í hnapphelduna, mikið fílar GMF hann Nasa og kvinna hans ku vera hin allra ágætasta. Til hammó...

Mr. Blah og Mr. Bongó

2004-08-24T22:20:00.000-12:00

Gestabloggarinn að þessu sinni er Kalli Bjarni.
Kjalli Bjarni, take it away:

Hveeernig er stemmarinn? :D
Hey Hó Yeahhh okay og klappa saman höndum!!!!!
Einn tveir fjórir og fimm, Allright!!!!!
Þið Kunnið þetta...Yeahhhhehehehe!!!!
Byyyyylgjuulestinn brunar bíb bíb!

Kveðja Kalli Bjarni!!!!!! :) ;) :-) :o)

Við þökkum Kalla Bjarna fyrir..

Jæja Jesús og María.

Á sunnudaskveldið síðastliðið fór ég á þvílíkan thönder að ég var bara á leiðinni á Kaffibarinn að dufla og drekka. Íturvaxinn karlmaður hélt þó í hettuna á hettupeysunni minni svo ég kæmist ekki leiðar minna, og það ekki að ástæðulausu.
Fyrr um kvöldið hafði ég verið að gamna mér á hjólabretti. Í hita leiksins tókst mér að standa vitlaust á brettinu með þeim afleiðingum að ég flaug með svívirðilega litlu listfengi á bakið og dó næstum því (fannst mér). Þar sem ég lá í andnauð á stéttinni eins og vel útflattur harðfiskur var ákveðið að gera eitthvað í málunum svo að innan skamms var farið með mig grátandi niður á Bráðamóttöku. Hjúkrunarkonan á Bráðanum fussaði yfir ástæðu áverkanna og dældi í mig Parkódín Forte verkjatöflum eins og Smartísi.
Etir hálftíma bið á biðstofunni var ég komin í ágætt stuð af lyfjunum, farinn að gera grín af hrakförunum og hætt að finna fyrir verkjunum. Þá þurftu nokkrir galvaksir menn að halda mér niðri í biðstofunni og hindra úgöngu mína af Bráðanum og inngöngu á Kaffibarinn.
Læknirinn komst að því að ég væri rifbeinsbrotinn og við því er ekkert hægt að gera nema taka nógu mikið að verkjalyfjum svo að "ég geti andað".
Það er svo sem ágætt að anda öðru hverju þannig að ég tek minn lyfjaskammt eins og alvöru sjóari.

Lof sé Guði og þakkargjörð fyrir að rifbeinsbrjóta mig á meðan Ólympíuleikanir standa yfir.
Í gær sá ég t.d. fólk hlaupa og hoppa og stökkva og kastast til og það var ágætt, einn íþróttakappinn gubbaði næstum því og annar fór í fýlu.
Adolf Ingi var á thöndernum í lýsingum sýnum í fimleikunum og þurfti konan sem var með honum oftar en ekki að bjarga honum.

Dæmi:
Konan: "Já þess má geta að þessi fimleikastúlka á einn frægan stuðningsmann því að Pamela Anderson er hennar mesti bakhjarl."
Adolf: "Já hahah það er nú ekki beint bakið á Pamelu sem manni dettur fyrst í hug þegar minnst er á nafn hennar..heeee."
Konan: "hheeeee já eee huu..þessi æfing hérna er sko metin út frá 9,9..."

Playstation 2 tölvu var plantað fyrir framan sjónvarpið og hefur gestakoma á Óðinsgötuna aldrei verið meira en síðustu 3 daga.
Gestirnir verða fyrir miklum vonbrigðum ef að sambýlingur minn vill horfa á fréttirnar. En eins og mamma segir:
"Ef maður ætlar að búa með einhverjum öðrum en sjálfum sér þá er umburðarlyndi og virðing lykilatriði".
Því létu gestirnir sér nægja að leika á tölvunna aðeins þá 23 klukkutíma sólarhringsins sem Rut var ekki að horfa á fréttirnar.

Ég hlakka til að byrja í skólanum. Nú er ég komin á þriðja ár og þá bukka og beygja yngri nemendur sig fyrir manni og gefa manni svo af nestinu sínu, kveikja fyrir mann á fartölvunni og taka ofan hattinn og segja:
"Mikið lítið þér vel út í dag ungfrú, halda mætti að þú hafir stundað snyrtingar af ýmsu tagi en ég sé strax með mínum hauksfráum augum að þetta er allt þér af náttúrunni gefið, hún hefur verið þér örlát!"

Hátíðarhöld munu vera í Úrugvæ í dag því að þar er 17. júní sem er þó settur á 25. ágúst hjá þeim. Í tilefni af því hef ég ákveðið að vera með brotið rifbein í allan dag.

Pís out
BrokkolíBjór nammi namm

2004-08-13T07:27:00.000-12:00

Í dag er ég sat við lestur í klefa þeim er ég hef dvalið í undanfarna daga við lærdóm tók ég eftir því að Hallgrímskirkjuklukka er hætt að slá einungis sínu gamla ding ding ding dong, dong dong dong ding!
Í dag sló hún allskonar útfærslum á dingum og dongum.
Ég þóttist kannast þarna við allnokkur lög eins og t.d. Signi sól og Undir bláhimni og önnur slík. Ekki er ég frá því að eitt jólalag hafi slæðst með.
Eftir nokkra umhugsun, símhringingar í yfirmenn kirkjunnar og annað kristilegt grúsk kom í ljós að Quasimoto, hringjarinn frægi frá Notre Dam, er í heimsókn hér á Íslandi á vegum Ugga Jónssonar bæklunarlæknis Borgarspítalans (stytting: bæklóbó).

Quasimoto mun í þessari heimsókn sinni einnig spila á fleiri klukkur eins og t.d.:
- Íslandsklukkuna eftir Halldór Ell
- Hverjum klukkan glymur eftir E. Hemningway
- Frank og Jói: Meðan klukkan tifar eftir Jens K. Holm
- Klukkuna á Lækjartorgi
og að lokum mun Quasimoto springa í loft upp með glæsilegri flugeldasýningu á sjálfri menningarnótt klukkan tólf.

Andrés Önd átti afmæli um daginn og fékk hann loksins stjörnu sína í the walk of fame.
Ég hef nú bara aldrei í lífinu séð jafn góðan leikara í svona brúðugerfi og gaurinn sem var inni í Andrési við þessa athöfn, hann var bara thönder. Ég sá hann í fréttunum og það var greinilegt að hér var sérvalinn og útlærður maður á ferð, sem kunni á hvern krók og kima á annars feitlögnum líkama Andrésar:

Listamaðurinn í búningnum var ótrúlegur!

Þara er Andrés að traðka ofan á stjörnunni sinni stuttu áður en hann var skotinn úr launsátri.. með blómum og glimmeri..

Svona hefur maður mikin tíma þegar.. próf eru .. í nánd..

BB

2004-08-12T08:04:00.000-12:00

BB og Filippus II eyddu morgni þessa dásamlega dags uppi í rúmi. Þau áttu þar saman óskastund.
Um hádegisbilið hélt BB með Hinriki VIII niður á Austurvöll þar sem þau hittu fyrir Elísabetu I, blóðugu Maríu, Jakob Stúart ( a.k.a. lærðasta fífl í heimi) og Karl I (hann er með síðan perlueyrnalokk!, segiði svo að karlmennskuímyndin sé ekki síbreytileg..aular).
Karl I var síðan tekin formlega tekinn af lífi niðri á Lækjartorgi (hausinn var tekinn af) við mikin fögnuð þingræðissinna (sem voru líka með perlueyrnalokka).
Þetta föruneyti fortíðar hitti síðan Martein Lúther og Erasmus frá Rotterdam fyrir framan "Bæjarins bestu". Þeir tveir áttu í rökræðum við liðsmenn Metallica, en þeim þykja víst pulsunar hjá pylsugerðarmanni þar á bæ þær bestu í heimi.
Ívan III og barnabarn hans, Ívan litli grimmi brugðu undir sig betri fætinum og fóru með BB til Hafnarfjarðar í grill hjá foreldrunum.
Í kvöld munu Decartes, Adam Smith, Voltaire og fleiri mæta í partý aldarinnar hér í Hafnarfirði sem ber yfirskriftina "Upplyfting Upplýsingarinnar".

lesist með Skjáauglýsingarrödd:

Varst þú uppi á Nýöld? Ef þú svarar spurningunni játandi, hringdu þá í síma 6929502 og vertu með í "nýaldar stuði námsmanna".

Stuðið stendur yfir fram á mánudag þegar nýöldin verður fest niður á blað, eins og hún leggur sig, í glæsilegu prófi eins nemenda Háskólans.

Vertu nýr! Vertu Ný-aldar maður!

Félag eins nemenda í mannkynssögu II, sem að fer í sumarpróf HF.

Svala hefur þetta um málið að segja:
"Halló Krakkar :)))))
Ég heiti Svala, hringið í mig! það verður stuuuuððð :) og ;)
ohhhh yeahhh það er að koma helgi yesssss stuðððð!!! ó yeahhh úú ahhh
MAMMA MÍA hvað ég veeeerð fuuuuuuull ;) og :) og bara líka ;) ;) ;)
Vííííí úúúúú ahhhh húúú húlla húlla húlla ég held ég fari til HAWAIIIII ;)))))))
Okay ég er farin að hlusta á ógeeeeðslega gott lag og chilla með Nylon!
Sjáumst....!!!! ;;)))
Svala :-)
--<-<-<-(@

Mamma Bush

P.S.
Íslandsmeistaramótið í KUBB er á laugardaginn 14 ágúst í Laugardalnum!
Vertu þar eða vertu kubbur, Biggus Dickus og Rut? Sólveig? kannski verður trampólín á staðnum, eða vöfflujárn...

2004-08-08T23:19:00.000-12:00

Mr. Blah kom að máli við útibú Gefmérfive í Sierra Lionne. Hann gleðst yfir því að nafn hans skuli núna vera þekkt víða um heim og biður þá sem að þekkja til hans að senda sér brauð að borða, en þó með þessum undantekningum:
a) Ekki má verða búið að borða brauðið.
b) Ekki búið að eitra brauðið.
c) Ekkert pulsubrauð eða hamborgarabrauð og alls engar oblátur.
d) Ekki fjölkorna, því að fransbrauð sé best.

Jæja Burt frá Blah og að cosmókvöldi :
KOSMÓ

Kl: 21:02- Svala mættir til fundarstaðar (Heima hjá Sólveigu)
Kl: 21:03- Bryndís mættir til fundarstaðar
Kl 21:04- Alma mættir til fundarstaðar (Þær komu s.s. allar saman í bíl).

21.10- Fundarhaldari ákvarðar hvort allir meðlimir standist glamúrfínt dresscodið og sendir Svölu heim í ný föt.

21.20- Svala kemur í nýjum fötum af Dorriti Moussaief.

Status tékk: Sólveig var í stuði, Svara var hress, Bryndís var pirruð, Alma var thönder

21:35- 12 glös af cosmopolitian kláruð.

Status tékk: Sólveig í banastuði, Svala mjög hress, Bryndís hætt að vera pirruð, Alma Thönder hress og byrjuð með drykkjulæti. Brjóstin á Sólveigu sýnast stærri en venjulega.

22.00- Önnur 12 glös af Cosmó kláruð.

22.00-22.30- Ýmis tilfallandi málefni klúbbsins rædd og ákvarðanir teknar s.s. hver sé líkastur hverjum í sex and the city. Niðurstöður voru á þessa leið:

Alma: Carrie
(af því að alla langar til að vera Carrie var úrslitaþátturinn sá að Alma kann að hlaupa á háhæluðum skóm)
Sólveig: Samantha
Svala: Miranda
Bryndís: Charlotte

23.00- 10 glös af cosmó kláruð.

status tékk: Bryndís er farin að syngja "don´t stop me now" hástöfum, Alma sígur hægar og hægar í stólinn og loks niður á gólf, Sólveig mundar sig í að dansa ber að ofan, Svala fylgist spennt með Sólveigu.

Svo komu leikkonurnar úr Sex and the City og þá varð allt brjálað...
Stefna var ákveðin, stefnan er heimsyfirráð.
.........
Allavega
Afmælið hennar Rutar var mjög gott
HÉR má sjá misjafnar myndir úr því.

Siggi T toppaði kvöldið með því að játa fyrir æstum múgnum að hann hefði farið upp í dóms- og kirkjumálaráðuneyti og skipt um nafn. Hann heitir ekki lengur Siggi Téson heldur Hans Óli eða Han Solo á ensku, skammstöfun hans er nú: HOG. Nú stendur Hans Óli fyrir þeirri eldraun að segja mömmu sinni og pabba frá þessu... við fylgjumst spennt með.

Jæja þá er þessi færsla búin
Bless
S(í)B(s)- Fyrir lífið sjálft

2004-07-26T23:06:00.000-12:00

Fyrrverandi forseti Líberíu heitir Mr. Blah.
Einu sinni hittust Mr. Blah og Kofi Annan á gindrykkjukvöldi Sameinuðu Þjóðanna og segir sagan að Mr. Blah hafi verið svo kampakátur af kampavíni að hann hafi gert ýmislegt miður fagmannlegt, gárungum til afburðar skemmtunar.
Mr. Blah eða bara Blah Blah eins og heitapottshúmoristar hafa kallað hann, sat ekki fullnægður eftir kampavínsdrykkjuna, heldur tók við við ginið. Eftir margan gúlpsopan var hann víst orðin það klaufalegur að honum tókst að kveikja í sér með stækkunargleri þó svo að enginn sól væri til staðar þessa dimmu febrúarnótt í New York.
Mr. Annan bað öryggisverði gleðskaparins að slökkva í hinum logandi kyndli frá Líberíu en er það gekk ekki, vegna klaufaskapar Mr. Blah, sem að tóks alltaf að kveikja í sér aftur og aftur með hinum frumlegustu háttum, var ákveðið að reyna að gera sem best úr þessum leiðinda bruna.
Kofi Annan steig þá upp í pontu og bað fólk um að fara varlega í ginið í boðinu því það væri svo eldfimt og ef klaufaskapur væri til staðar, þá væri ekki langt í það að aðrir gestur myndi líka smitast af eldstungum gins- og klaufaveikjar Mr. Blah Blah.

Af þessum brandara var mikið hlegið og loks steig gríski forsetinn á stokk og gerði góðan gleðskap betri með því að tilkynna að Mr. Blah fengið nú að ferðast um víða veröld sem ólympíkyndill þeirra Grikkja fyrir leikanna í Aþenu 2004, og kveikja þá friðarelda í helstu borgum heimsins.
Þótti öllum það vel og er Mr. Blah nú orðin víðförlasti maður sem Líbería hefur alið.

En hvernig tengist þessi atburður sögunni af svanga spóanum?

Jú sjáiði til, þetta ættu allir að skilja:

Einu sinni sinni bauð refur spóa til sín í mat. Spóinn var hungraður mjög og hlakkaði til að snæða þær veigar sem refurinn hafði lofaði honum. En er refurinn ber á borð veigar sínar og spóinn ætlar að taka til matar síns kemur babb í bátinn. Þeir diskar sem refurinn borðar mat sinn af eru allt of grunnir til þess að spóin gæti náð taki á matnum með sínu langa nefi.
Að lokum borðaði rebbi allan matinn einn og spóinn varð hungraðri sem aldrei fyrr.
Þegar spóinn litli fór að vola af gremju og vanlíðan ákvað rebbi að leyfa honum að klæðast sínu fínasta skarti og vonaðist hann þannig til að sefa hungur- og vanlíðunarkvalir spóans. Spóinn fannst stuttu síðar látinn hungurdauða, klæddur í indverskt silki og skínandi demanta.

og

Einu sinni var ríkur karlangi. Hann lifði fyrst og fremst fyrir það að eignast pening og verða ríkur. Alla sína ævi hafði hann verið staðráðinn í því að svindla á skattinum, grípa allt sem ókeypis fæst og kreista síðasta dropan úr öllu því sem hann gat mögulega fengið út úr samtíðarfólki sínu. Síðan dó karlinn frá háum bankainnistæðum. Þrátt fyrir ríkidæmið, þá dó hann, eins og Jón í næsta húsi, en í staðinn fyrir að fá fallnar rósir með sér í gröfina, þá var hann grafinn með peningunum sínum.
Umturnaðist þá líkami hans í apalíki, og sannaðist það þar með að margur verður af aurum api.
Eins þótti mörgum hann þarna fyrst sýna sitt raunverulega andlit.
Konan hans hafði þó í raun séð stundum glytta í apaandlit hans það sekúntubrot sem hugur hans frelsaðist frá umheiminum í kynferðislegri fullnægingu,
fullnægingarandlit þetta var konunni til mikils hugarangurs.

Af þessum dæmisögum má sjá:

1) Mr. Blah fær að ferðast þótt hann sé sárkvalinn af bruna

2) Spóinn fær að klæðast í fínt skart þótt svo að hann sé að deyja úr hungri

3) Dauði gaurinn er óbermi og drepst með slæman orðróm sem að níska og græðgi skópu honum, peningarnir unnu honum neikvætt verk en ekki jákvætt.

Fundargerð nr. 61
Fundur Gefmérfive-stjórnarinnar um færslu þessa:

Bryndís:
"Nei! Nú er þetta orðið of steikt til birtingar!"
Svala:
"Nei! þetta er ekki steikt, þetta er bara fokking Argentína Steikhús og grill!"
Jesús stekkur inn um gluggan og mælir:
"..hmmm 2 metrar á breidd og 3,7 metrar á lengd..." hugsar hann...
...svo segir hann:
"Nei, boðskapurinn er sá að hégómi sé ekki lausn á hinum raunverulegu vandamálum heimsins, eins og sjá má í öllum þessum dæmisögum".
Satan kemur upp úr holræsinu:
"Ha ha! NÚ NÆ ÉG ÞÉR...!!!"
Jesús með svona "égerekkiaðnennaþessu-svip":
"Ertu ekki að kidda?"
Satan fúll:
"Ég er ekki að tala við þig þú þarna síðhærði hippi, ég er löngu komin með leið á þér... "
Svala, henni er brugðið:
"Fokk ég verð að fara ..bless..."
Mr. Blah:
"Blah blah blah...."

B&S eru hjóóón...

2004-07-22T00:10:00.000-12:00

Um miðjan 9. áratug 20 aldar höfðu tvær ungar telpur ítrekað sannað dugnað sinn með mikilfengnum mokstri og sandáti á leikskólasvæðum Hafnarfjarðar.
Ákváðu þá hafnfirsk stjórnvöld að mennta þær til frekari dáða.
Fyrir valinu varð hafnfirski barnaskólinn;
Engidalskóli.

Engidalskóli var í stuttu máli svona:

- Skólastjórinn tætir próf barnana strax eftir próftöku. Börnin fá aldrei að sjá prófin sín aftur þótt svo að þeim hafi gengið mjög vel en samt fengið aðeins 3 í einkunn, eða öfugt, skrifaði ekki neitt en fékk þó 9. Grunur leikur á því að skólastjóranum þyki það gaman að tæta að ýmislegt annað megi finna í hennar óhreina tætidúnk.

- Skólahjúkrunarkonan leikur hið veigamesta hlutverk allra með því að vigta og mæla börnin oft á ári.  Síðan metast börnin um hver sé hæstur og léttastur.
Sumir náðu að sannfæra aðra nemendur um að á miðanum frá hjúkkunni stæði svart á hvítu :
hæð: 1. 94 m Kg: 21 kg.
Slíkur nemandi var ótvíræður sigurvegari í fegurðarstaðalímyndarkeppninni.

- Smíðakennarinn kallaði börnin "lömb" en samt mátti hvorki kalla hann "Kind", "Sauð" né "Fasista".

- Smíðakennarinn kenndi líka sund, svo að stundum var mikill miskilningur og sum börnin byrjuðu að reyna að bora í korkinn á miðri sundlaug eða var skipað að hefla betur í bringusundinu.

- Mjólkurkonan hótaði að loka börnin inni í hitakompu þar sem maður myndi deyja ef að maður gleymdi að láta hana fá mjólkurmiðana á réttum tíma. (Klukkan 12:45, helst ekki fyrr ef seinna = dauði).

- A.m.k einn bandóður og óforbetranlegur brjálæðingur varð að vera í hverjum árgangi, hann þyrfti helst að fá æðiskast og helda borðum og stólum í allar áttir á minnst 2 mánaða fresti. Þeim var síðan smalað saman eins og villuráfandi sauðum, einu sinni á ári, og sendir í skóla til Garðabæjar þar sem að þeir slógu yfirleitt í gegn sem töff gaurar.

- Stranglega bannað er að hafa tyggjó í munninum (en þó er virðist ekki bannað að hafa gúmmíið í öðrum líkamspörtum), bannað var að vera með húfu inni í skólanum og bannað að kasta snjóboltum í "átt að" skólanun (ekki var tekið fram að bannað væri að kasta grjóthnullungum í höfuðið á 6 ára krökkunum).
Húfur mátti hafa úti, þ.e.a.s. ef að óforkammaðir strákbermi sem allir eru útigangsmenn eða niðursetningar í dag, voru ekki búnir að kasta þeim upp í loftið á forstofunni þar sem að húfunar festust við límgert loftið og héngu þar þangað til í 12 ára bekk þegar maður fékk húfuna sína til baka ásamt útskriftarskjalinu.

Þegar 12. ára vitsmunalegum hæðum var náð tók við unglingadeildin í Víðistaðaskóla sem var nokkurn veginn svona:

- Saumakennari sem grættist og fékk taugaáfall, yfir látunum í strákunum eða óforskömmuðum stelpuskjátum, í hverjum einasta tíma.

Saumakennarinn notaði oft ýmiskonar orð sem að óvandaðir menn nota yfir vændiskonur nú á dögum.

- Enginn almennilegur enskukennari, enskukennarinn þurfti að fletta upp í orðabók til að finna þýðingu engisaxneskra orða á borð við "shrimps" og "grail".

- Bryndís hékk inn á bókasafni skólans í 2 ár með ömmu hans Leós (sem var bókasafnsvörður), Roaldi Dahl, Bert Ljung og Ísabellu Allende svo eitthvað sé nefnt.

Þetta lið fór aldrei saman út að reykja né hittist annars staðar en á bókasafninu.

Svala varð einmana þangað til hún komst í kynni við linsu eina sem að færði henni fróun í ljósmyndun og stuttmyndagerð. Svala og linsan eyddu mörgum nánum, allt að ólöglegum, stundum saman í Víðó.

Strax frá byrjun skiptast bekkirnir í eftirtalda hópa:

Sjoppuliðið-
Homo-égáviðvandamálaðstríðaog þessvegnaerégleitandiaðeinverjusemgeturbjargaðmér-jens.

Ofmálaðar gelgjur og gæjar í buxum nr. 300 sem finnst með afbrigðum kúl að reykja og hanga fyrir utan sjoppuna, í bakgörðum eða dimmum skúmaskotum og vera með stæla. Reykja sorglega augljóslega vegna svalleikans en ekki vegna fíknarinnar. (Hafa síðan reynt að hætta að reykja frá 16 ára aldri og til dagsins í dag, vegna fíknarinnar en ekki svalleikans).

Íþróttaliðið-
Homo égerógeðslegahressogfitt-jens.

Hópur fólks sem stundar íþróttir og gengur aðeins í íþróttafötum, já alltaf í íþróttafötum, nema kannski á böllum, þá er farið í einfalda kjóla og litlaus jakkaföt.
Halda að þau séu þotulið skólans... sem var reyndar hálfpartinn rétt á þeim, því að ótrúlega margir hafnfirðingar eru í dag skærustu íþróttastjörnur þjóðarinnar.
Þau fúlsa flest við reykingum en taka stundum nokkra spretti í drykkjunni, kunna nokkra góða brandara og djóka oft en þó innan takmarkanna.

Lúðarnir-
Homo I'maneeeerd-jens.

Lúðar eru vanmetnir. Þeim finnst gaman að vera í rauðum sokkum, NEi! ég veit það ekki, þeim finnst það örugglega ekkert meira spes en öðrum. Þeir lúðar sem eru duglegir að lesa eru í miklu uppáhaldi hjá Gefmérfive. Þeir eru oftar en ekki fórnarlömb þröngs hugarfars, sjálfs síns eða annarra.

Flippararnir-
Homo artífartí-jens
Fá ráðvilt ungmenni sem vilja þó ögra, vera "sjálfstæð" í klæðaburði, sniðug og uppátækjasöm. Flippararnir í Víðó voru að meðaltali um 3,5 nemandi ár hvert.
Þeir urðu að einskonar villuráfandi dýrahóp sem að vissi aldrei hvar hann ætti heima í hinni endalausu eyðimörk meðalmennskunar og fyrirfram ákveðinna gilda og viðmiða.
Þeir finna síðan yfirleitt heimili sitt í leikfélögum og kórum framhaldsskólanna.

Alltílæ fólkið -
Homo alltílæaðeilífuamen-jens

Venjulegt fólk sem ber temmilega á og verða alltílæ þegar þau verða stór, verða alltílæ þangað til að..þau... nei... þau hætta eiginlega aldrei að verða alltílæ, alltílæ ástandið virðist vara að eilífu.. Eru oftar en ekki hlyntari ljósabekkjum og ljósstrípuðu hári en aðrir, þau hafa skoðanir á útliti fólks en oftar en ekki finnst þeim aðrar skoðanir vera óþarfar.

Jens -
Homo Jens -Jens
A.m.k. einn nemandi í hverju skóla er lagður í einelti, oftast út af því að hann heitir Jens. Rannsóknir hafa sýnt fram á það að sumir nemendur einnig lagðir í einelti þrátt fyrir það að fylgja ekki Jens breytunni =

Manneskja að nafni Jens + Annað fólk = Jens er lagður í Einelti
eða
J + A.F. = A.H.*
(*A.H. = Aðhrópanir og Hí á þig).

Einelti er víst flóknara en fræðimenn hafa áður haldið, t.d. fannst nemandi í Balavallarskóla ofaní ruslatunnu matsölunnar og hét hann alls ekki Jens heldur Kasper.
Rótækir fræðimenn hafa sýnt fram á með rannsóknum sínum að margskonar ástæður geta valdið því að hópur nemenda "jensi" og taki fyrir einn sérvalin nemenda, slíkir nemendur hafa fengið viðurnefið "Jens" til minningar um þá fræðimenn er upphaflega bentu á Jens-tilfellið. Nokkra Jensa mátti finna í Víðó.

F.Í.F.F.
Farið í friði Fokkheads

BelleandSebastian

öllum sem finnst þetta vera ljótt og takkí er bent á að svo er ekki, þetta er flott,

og hérna er eitt skemmtilegasta samtal sem við höfum átt í:

msn samræður 22 júlí 2004

cafenoirmasako@hotmail.com says:
ｲﾟﾈｳ｢ﾇﾈｽﾅｷ

naozumix says:
ｲﾟｩ

Bryndís says:
Yeah that is the right spirit!

naozumix says:
ﾜｿｪｦｽ

Svala says:

I'm fat and slimy bomb!

BLESS!

2004-07-13T01:06:00.000-12:00

Sure
Sure Sure
Sure Sure Sure
Sure Sure Sure Sure
Sure Sure Sure Sure Sjúrrrelídú

Læknar landsins hafa sett fram ágiskanir um krankleika mína. Ýmis skemmtileg nöfn hafa komið upp á pallborðið. Persónulega hef ég nokkrar ágiskanir, sem eru þessar:

1) Svarti dauði
2) Fugla flensa
3) Dauða flensa
4) Svarti fugl

Læknirinn bætti um betur og setti á listann:
Einhyrningasótt eða Kossasótt.

Mér finnst það frekar feitt. Annars þá vissi læknirinn ekki neitt og sagði að þetta væru eintómar ágiskanir, því hef ég verið í rannsóknum í dag. Blóðprufa var tekin og leið mér eins og beinsíndælu á meðan meinatæknirinn saug úr mér alla lífsorku og fyllti hvert glasið á fætur öðru...af þessum fallega vökva..hmm

11. júlí var mjög feitur dagur á mælikvarða sjúklingins. Það komu mjög margir góðir gesti á Óðinsgötuna til okkar Rutar (já ég er flutt á Óðinsgötu).
Helgi Steinar og Auður Magga sóttu okkur heim, en Auður eyddi annars helginni fyrir norðan heimskautsbaug, Eyrún kom og var illa góð á því, Orri var Afmæli og var þess vegna óhóflega góður á því, Gubblan kíkti við og var mjög feit og svo komu Biggus Dickus og Sólveig með pönnukökur, það var náttúrulega flottast flott.
Rutan var í þvílíku thunder stuði og ég var "on fire" enda ekki annað hægt þegar maður er með um 40 stiga hita.

Svala hafði verið game on kvöldið áður en þá var ég í mikilli lægð sökum veikinda, Svala endaði kvöldið á því að detta niður stigann á Óðins og mig svimaði svo mikið að ég hélt að það myndi líða yfir mig ofan í baðkarið og myndi ekki finnast fyrr en í næsta jólabaði.
Sem betur fer spratt Svalan upp og flaug heil heim á meðan ég hrökklaðist upp í rúm og grét mig í svefn...nei grín..

Samkvæmt læknisráði má ég ekkert fara út alla vikuna. Sem þýðir það að ég er ekki bara brjáluð að hafa misst af sameiginlegu afmæli Orra og Leós heldur verður mér liklegast af mjög svo spennandi sumarbústaðarferð sem stendur til að framkvæma næstu helgi. ..nú verður einhver laminn!

..en í dag á mjög svo merkileg stúlka afmæli:
Signý Björg Guðlaugsdóttir er 20 ára í dag..
Til fokking hammó með ammó
jæja nú ætla ég að hringja í hana og öskra á hana nokkur vel valin afmælisorð..
pís out

Bbrain

2004-07-10T01:20:00.000-12:00

Þau leiðu mistök urðu við gerð árbókar MH þetta árið að árbókargreinin mín birtist ekki. Bryndís var búin að sitja sveitt yfir greininni daga og nætur til þess að hún kæmist til skila í tæka tíð, sem hún og gerði....en það bara gleymdist að setja hana í bókina, nokkuð svekkjandi.

Vegna þess að mér og Bryndísi er svolítið annt um að fína greinin okkar sé í bókinni þá bregðum við á það ráð að birta hana hér og biðja alla þá sem kæra sig um, að prenta hana út og líma hana (eða tylla) á auða blaðsíðuna undir nafni mínu. (Mæli með að copy/paste-a í word ef á að prenta)
Hinir geta bara lesið og notið greinarinnar eftir þennan bráðskemmtilega penna (eða lyklaborð) sem hún Bryndís okkar nú er.
Svo vesgú:

Svala Ragnarsdóttir

Ó þú sem varst ljóshærð ofurdúlla, ó þú sem varst í MH. Mér finnst sem þessi fjögur ár hafi liðið sem ljúfur andvari og neyðist ég nú til þess að týna saman minningarbrot frá skólagöngu þinni, með tregðan, sáru andvarpi og IBM Think Pad. Tölvusjárinn er allt of bjartur fyrir svo dimm skrif. Vorlyktin er óhóflega sæt, er höfuð mitt er við það að klofna af sálarangist vegna horfinna ára okkar í MH. Ára sem meitlast nú á spjöld sögunnar. Þögnin grefur hverja minningu djúpt í sál mína með þungum höggum eins og járni barið í stein. Ef ég væri ekki að skrifa á tölvu væri skriftin skjálfhent og blekið á blaði mínu runnið saman við þau tár sem augu mín fella.

Þó svo ég muni nú líkja Svölu við ediksnakk þá vil ég slá á þær hugmyndir lesenda að Svala sé feit og stökk kartöfluflaga. Heldur vil ég meina það að öllum þeim sem bragða Ediksnakk í fyrsta skipti finnst það vera mjög súrt og ekkert sérlega bragðgott. Maður verður að éta sig til, og þegar maður er komin á bragðið, þá gerir maður margt fyrir aðeins eina flögu, mjög margt.
Svala hefur verið þekkt fyrir það að vera enginn sleikipinni, meira svona "made of steel" pinni, svona eins og járnkarl eða hitaveiturör. Fólk á stundum erfitt með að sætta sig við hrjóstrugt og kalt yfirborðið en undir löngu kólnaða Hafnarfjarðarhrauninu, rennur eldheit kvika ástríðar Svölu á tónlist, sjónlist (t.d. að horfa á sjónvarp), skemmtilegheitum og lífinu sjálfu. Þar er mjög gott að vera, mjög gott (endurtekning til að leggja áherslu á orð mín).
Svala á ekki eftir að verða hægrisinnaður viðskiptafræðingur í dragt með frosið bros, hún á ekki eftir að dansa línudans og syngja í kariókí inn á Glaumbar, hún á ekki eftir að vera með bandarískum milljarðamæringi í stóru húsi með hund og sundlaug (nema hann sé listamaður og Svala breyti lauginni í underground bar þar sem inngangurinn verður salíbuna niður rennibrautina og stökkbrettið opið fyrir hressa dansglaða gesti). Svala bara einfaldlega leyfir ekki neinum plebba að falla fyrir sér.
Svala er að eðlisfari mesti antí-plebbi í heimi, því miður fyrir plebbana, því þeir myndu aldrei eiga leiðan dag með hana sér við hlið. Það yrði rokkplebbalíf með underground 60’s bar, góðri tónlist og Martini í morgunmat.
Svala er einfaldlega ein af þessum lystisemdum lífsins sem maður verður að læra að meta: Svala, rauðvín, sushi, ediksnakk, rauður lakkrís, kaffi, jazz, hvítt súkkulaði....
Gefið mér þetta allt á dauðabeðinu og ég mæti örlögunum með bros á vör (og rauðan lakkrís).

...Og af því að forfaðir minn var Kolbeinn ungi þá kveð ég til þín:
Verjist þú á velli
vörgum, og hnígur,
skal ég sakirnar jafna.
Verjist þú á velli
og enn vel stígur
Skal ég þér samfagna.

Far vel frilla inn til vargaldar! (Heims fátæka listamannsins, hefst um leið og listagyðjan blindar raunsæjið).

Þín vina, Bryndís Björgvinsdóttir. (s: 6929501 ef þú nennir að vera memm)

2004-07-07T01:12:00.000-12:00

Næstkomandi september mun Davíð Oddsson efna til miðbæjargöngu í Reykjavík þar sem hann ætlar að sýna áhugasömum hvar hann keypti ölið hér um árið.
Haldið verður frá skúr Lása Landa (nú Celtic Cross) á Hverfisgötunni, labbað í átt að Skólavörðustíg þar sem Klammi Koppur bjó(nú "Gamla Fangelsið") áður. Þaðan er gengið í Vínbúðina í Smáralind þar sem Davíð keypti síðast öl fyrir sig og nokkra góða vini.
Eftir gönguna mun Davíð standa fyrir pallborðsumræðum er bera yfirskriftina: Is this the end? Umræðunar snúast um þann vendipunkt í lífi Davíðs sem eiga mun sér stað nú í haust.

Miklar umræður hafa sprottið upp að undanförnu um framtíðarstöðu forsætisráherrans og hafa nokkrir ágætir menn komið að máli við okkur í höfuðstöðvum Gefmérfive með tillögur um starf og möguleika fyrir Davíð eftir valdamissinn.

Sú tillaga er bestan hljómgrunn hefur fengið, enda komin frá hinum besta manni, er tillagan:
"Lift your head up high and blow your brains out".

Sú tillaga heldur því fram að það besta sem Davíð Oddsson getur gert þegar hann lætur af embætti er að láta hausinn á sér einfaldlega.. hmm .. hvernig á ég að orða þetta.. láta höfuð sitt einfaldlega... springa!
Hann mun þá slíta þingi í síðasta skipti og segja eitthvað eins og:
"Kæru samstarfsmenn, ég þakka ykkur fyrir samstarfið síðustu 13 árin. Bless Dóri, Bless Bjössi, Bless allir, og þið þarna í stjórnarandstöðunni.. þið eruð ágæt (sagt með hinum landsþekkta Davíðshroka).. Jæja, ég kveð þá að sinni, Guð blessi lýðveldið Ísland, Lifi blái fálkinn!!"
...svo stendur hann þarna í pontunni og starir þrútnum augum fram í salinn fullan af þingmönnum. Í salnum er grafarþögn og svo skyndilega krossleggur Davíð arma sína yfir brjóstin og hausinn tekur að snúast á ógnarhraða og springur síðan í loft upp.

Já, þetta kann kannski að hljóma hjákátlega, en við skulum athuga afleiðingarnar.
Afleiðingarnar verða t.d. þessar..

1) Davíð verður gerður að píslarvætti Sjálfstæðisflokksins og þeir geta þá notað mynd af honum (eða hauslausum búknum) á fána, boli, handklæði og annan varning sem gerður er í minningu hetjunnar miklu er sprakk fyrir hugsjónir sínar, eins og Jesús...sem að sprakk reyndar ekki, en það er allt önnur saga og mun ógeðfelldari...

2) Aldrei getur stjórnarandstaðan hugsað sér að tala illa um aumingja manninn hann Davíð. Andstæðingar hans eiga eftir að segja:
"Æ hann var nú alveg ágætur svona...blessaður..".

3) Ísland á eftir að komast í heimspressunar fyrir uppátækið.

4) Það veit enginn hvort eð er hvað á að gera við Davíð. Margir óttast afskiptasemi og vilja ekki sjá hann áfram, aðrir vilja ekkert frekar en meistara Davíð. Af hverju að láta sig þá ekki bara hverfa sjónum þeirra er þola hann ekki en gera sig að Guði þeirra sem dá hann. Þeir sem dá hann geti haft mynd af honum fyrir ofan rúmið án þess að það sé of langt gengið, ég meina... hausinn á honum sprakk!

5) Allir sem að reyndu að bregða fæti fyrir Fjölmiðlafrumvarpið hans fá samviskubit og líður illa, hafa það á samviskunni að sprengingin sé þeim að kenna og lofa sjálfum sér því að bregða aldrei aftur fæti fyrir slíkan foringa, valdaníðsu og hentugleikastefnu. (Gott fyrir Dóra).

Harrison Ford var víst um helgina á Dillon.
Þar inni sagðist hann ekki ætla að kjósa Bush.
Þegar ég er á Dillon þá segi ég alltaf satt og rétt frá, maður er laus undan fargi hégómans og bunar bara út úr sér gullmolum beint frá hjartanu, t.d.:
Djöfull er Andrea Jóns feit á tónlistinni!
Ég er svo svöng!
Ógeðslega langar mig mikið í annan feitan að drekka!
Ég er farin á klóið kids!

Allt þetta sagði ég á Dillon um daginn, og allt þetta var satt og rétt, gjörsamlega óhaggandi skoðanir mínar og/eða langanir.
Því geng ég út frá því að Ford sé við hinn sama keipdúnk og ætli sér ekki að kjósa Bush.
Ég hefði svo viljað hitta hann og spyrja hann hvort honum þætti barinn Dillon sem slíkur betri en barinn í Star Wars, þar sem Han Solo var að chilla með Luke rétt áður en útsendari Jabba the Hut (leikinn af Sonju Ghandi) tók hann tali og sagði þau fleygu orð:
"Úta púta Solo?"
Ég vona bara að einhver hafi sagt það við hann á Dillon.

Baungalow Bill,
What did you kill?

2004-07-06T01:30:00.000-12:00

Blogglægð í gangi. Kenni öfundsverðum Hróarskelduförum um en nú er hún liðin og brúnin getur lyfst á ný, og ef stuðið er nóg gæti hún lyfst alveg upp fyrir hársvörð og jafnvel upp fyrir haus. Ekki svo að segja að helgin hafi farið til spillis, síður en svo. Rutan og Bryndís blésu til prýðilegs matarboðs á laugardaginn í tilefni af því að Bryndís er flutt til hennar Rutar á Óðinsgötuna næstu 2 mánuði sem er svo aftur í tilefni af því að hún klessukeyrði dugguna góðu.

Vegna ítrekaðra fyrirspurna verð ég að bón þúsunda lesenda og lýsi hér venjulegum degi í moggavinnunni minni:
Sest við tölvuna mína í básnum mínum og fer að spila
The infamous worm game (Mjög hentugur skrifstofuleikur, gefur manni tækifæri til þess að slökkva á heilanum, gerist æ oftar í mínu tilfelli.) og Slime volleyball (slímblak af bestu gerð. Ath. til þess að trufla ekki vinnufrið er kappsömum skrifstofublókum bent á að spila ekki þennan leik þar sem auðvelt er að reiðast mótslími sínu.) Svo kíki ég á msn...hitti kannski Bryndísi í ónefndri hot shot vinnunni sinni og hún segir hluti eins og:
"fokk, Sonja Ghandi var að hringja og spyrja um the boss og ég var auðvitað bara: "yeahh hi! oh your totally cool, I thought that movie you made, lost in translation was awesome." og hún bara: "uuum wasn´t that Sofia Coppola?" og ég bara: " ohh I´m so sorry, I´m so stupid, of course you were that big fat guy who played Jabba the Hut og hún bara skellti á mig...gegt dónaleg". Eftir það geri ég kannski eina raðauglýsingu, það tekur 20. mín. svo raða ég til á skrifborðinu mínu, pússa heftarann minn, geri kannski eina TPS report og hangi smástund hjá vatnsdúnknum og segi lélega brandara við samstarfsfólk mitt sem ég veit ekki hvað heitir. þetta ofantalda geri ég í random röð allan daginn...nokkuð spennó.

Svalbarði

2004-06-28T02:51:00.000-12:00

Ég lenti í hörku árekstri á morgun og bílinn minn er ónýtur.
Ég dúndraði aftan á jeppa á Hringbrautinni og ég sá bara húddið koma upp að rúðunni. Glerbrotin lágu út um alla Hringbraut og það brakaði í þeim þegar hinir bílarnir keyrðu yfir þessar leifar af bílnum mínum.
Í dag á að taka minn ástkæra bíl, sem líkist nú einna helst harmonikku, og pressa hann saman í tening sem síðan verður notaður í Yatzi í þriðja heiminum.
Ég slapp líkamlega heil.
Greyið stúlkan á jeppanum fyrir framan mig hefur eflaust haldið að ég væri geðbiluð því ég titraði eins og hrærivél á meðan ég afsakaði mig, hennar bíll slapp nánast óskaddaður og hún var okay. Bíllinn minn var svo mikil hetja að hann ákvað að taka allt á sig, fyrr mátti nú vera.
Býst við því að "bláa duggan" eða LT206 sjáist aldrei aftur á götum bæjarins... snökt..

Annars þá er Gefmérfivegellan komin aftur, myndasíða komin upp og sól úti..
... fleira hef ég ekki að segja.. nema..
"Every animal in the world dies alone, and cars become cubes.."
Ég veit ekki hvort það er verra að deyja einn eða verða að kubbi... jú ég held að það sé mun betra að verða að kubbi.
"Bláa duggan" eða LT206 dó ekki allein, ég var hjá henni alveg þangað til það fór að rjúka upp úr húddinu og hvert glerbrotið úr henni var brotið í mél... blessuð sé minning hennar.

BB

2004-06-21T21:40:00.000-12:00

Mikið sem maður er e-ð glaður þegar það er gott veður. Þá langar mann ekkert meira en að búa í bænum, hanga á Austurvelli allan daginn og vera svo artí fartí að Andy Warhol myndi blygðast sín.
En ég bý ekki í bænum heldur í úthverfi og hef því ég ekkert annað að gera en að slá grasið og drepa flugur í góðu veðri og það er allt Bryndísi að kenna af því hún eyddi öllum peningnum sínum í japanskar karlgeishur og á karókí-strippbúlum,
já Bryndís er algjör bavíani eins og maðurinn sagði eitt sinn... Reyndar var sá maður einmitt Jim Carrey en þá var hann líka fullur með stjórn gefmerfive í Las Vegas þar sem Bryndís og Jim giftu sig í McDonalds bílalúgu með Hugh Hefner sem vott. Svo giftist gefmerfivegellan Hugh til þess að fá ókeypis Big Mac en hún er einmitt í fríi hjá eiginmanni sínum og 30 kynlífsambáttum hans en það er önnur saga og ljótari.
Hún sendi okkur þó póstkort til lesenda með mynd sem hún teiknaði sjálf og við birtum hér:

En annars þá er lítið að frétta frá höfuðstöðvum gefmerfive, það helsta er það að Bryndís er nú búin að finna sér rauðhærðann betri helming og dvelur öllum stundum þar á bæ....já það er rétt hún, er byrjuð með Juliu Roberts!
Ég hangi bara öllum stundum á ebay að reyna að krækja í feitan karlmann...nei, ég meina feita myndavél...feeitt.

Svala

2004-06-21T05:02:00.000-12:00

Í síðustu viku urðu þau leiðu mistök á Skrifstofu Forseta Íslands að hópi fólks sem átti að bjóða til Grillsumarbústaðarferðar með forsetahjónunum var í staðinn sagður vera verðlaunahafar hinnar Íslensku Fálkaorðu.
Sljó skrifstofustúlkan ruglaði saman tveimur listum fólks og fór það svo að hinir raunverulega Fálkaorðuhafar fóru í grillsumarbústaðarferð með forsetahjónunum á meðan aðalgrillsumarpartýliðið hópaðist til Bessastaða og fengu fálkaorður nælda í brjóstið í hinum mesta miskilningi. Margir urðu við það hvumsa og ekki fór það leynt að margir urðu eins og spurningarmerki í framan.
En rétt skal vera rétt.
Hinir raunverulegu Fálkaorðuhafar, valdir af orðunefnd hins íslenska þjóðríkis, eru þessir:

Baldur Ágústsson fyrir að líta út eins og ljúffeng kjötbolla þó svo að honum finnist þær ekki góðar og borði þær í raun örsjaldan.
Með þessu útliti sínu hefur Baldur sýnt þjóðinni fram á að einstaklingurinn þarf ekki að láta persónulega reynslu og skoðanir sínar útiloka þá víðsýni að líkjast því sem hann hefur ekki miklar mætur á. Þannig gæti t.d. Davíð Oddsson fengið sér sítt að aftan eins og Jón Ásgeir.
Eins hefur Baldur með útliti sínu aukið sölu á tilbúnum kjötbollum í brúnni sósu í Nóatúni um 340%.
Starfsmenn Nóatúns segjast eiga fullt í fangi með að selja þessar svokölluðu "Baldursbollur" eins og gárungar hafa nefnt þær.

Erna Gunnþórsdóttir, a.k.a. Erna G. Erna hefur síðastliðin vetur klætt sig aðeins tvisvar sinnum í spjarir og hulur á 8 mánaða tímabili. Í bæði skiptin tolldu fötin stutt við. Erna sló út íslandsmet Fjalla-Eyvinds í mars síðastliðin. Fjalla-Eyvindur þessi hafði dvalið langdvölum nakinn upp á hállendi Íslands veturinn 1776- 1777 en dó að lokum úr C-vítamínskorti og lugnabólgu.
Erna G er þó enn langt frá því að deyja úr kulda og vosbúð þrátt fyrir suðaustan gadd, 18 vindstig og fannfergi í febrúar síðastliðinn.
Þess má einnig geta að Erna þykir verða einkar vel að verðlaununum komin þar sem hún hefur lítið kvartað og oftar en ekki fúlsað við þeim klæðum sem hinir og þessir borgarar hafa ýtt að henni.
Veðurfræðingar vilja þó draga met hennar í efa þar sem síðasti vetur var mun mildari en veturinn 1776-1777 er Fjalla-Eyvindur hljóp um nakinn.
Auk þess virðist Erna hafa tvö manngerð fitulag á bringunni sem hafa hingað til getað veitt henni vörn fyrir lugnabólgu og ofsóknum risavaxinna tröllskessna. Talið hefur verið hingað til að skessur þessar hafi neitað Fjalla-Eyvindi um C-vítamín á banalegunni til þess að refsa honum fyrir óvilja sinn til ástarathafna með þeim systrum.

Brottflutti Íslendingurinn Salomón Daníel Húsönd er flutti til Mið-Austurlanda aðeins 3 ára gamall um miðja síðustu öld. Salómon þessi hefur verið að gera garðinn frægan um heim allan og komst nýlega í fréttirnar fyrir þann árangur sinn að vinna heimsmeistaratitilinn í Feluleik.
Salómón tók sér upp nafnið Saddam Hússein við komu sína til Mið-Ausurlanda og hefur verið þekktur undir því nafni síðan. Í hinnni alþjóðlegu feluleikjakeppni "hide to night" er fór fram síðasta vor, tókst Saddami að fela sig í allnokkrar vikur á meðan aðrir keppendur fundust allir á fyrsta sólarhring keppninar. Saddam hefur sýnt að dugur forn Íslendingsins, Gísla Súrssonar, lifir enn í heimi nútímans, en Gísli vann hina alþjóðlegu feluleikjakeppni síðastur Íslendinga árið 957.

Eins fengu Vestur-Íslendingar allir saman eina orðu. Íslenskufræðingar bentu á þennan hóp og sögðu að það væri ótrúlegt að þessi litli hópur kynni enn þann dag í dag 7 orð í íslensku þrátt fyrir að flestir Vestur-Íslendingar hafi aldrei í raun heyrt málið talað. Orðin voru: Gimli, Grammófónn, Nei, Bara, Göndull, Jólakaka og Kiwí.

Ástþór Magnússon fékk sérstök heiðursverðlaun fyrir leik sinn í barnaleikritinu "Eldfærin" en þar fór Ásþtór með hlutverk hundins "Kaspers" sem var "með augu eins stór og mylluhjól".

--------------------------------

Um helgina voru afmæli tíð...
Alma snillingur Joensen átti 20 ára afmæli þann 20 júní..
næst mun hún eiga 21 árs afmæli 21. júní, ekki spyrja mig hvað gerist þegar hún verður 31 árs.. það verður eitthvað feitt ef ég þekki hana rétt..

BomBay

2004-06-13T22:01:00.000-12:00

Heimsóknir voru tíðar þessa helgina. Ég fór í heimsóknir, fólk kom í heimsókn til mín og einnig hefur heyrst að fleiri Íslendingar hafi stundað heimsóknariðjuna þessa helgi. Ein vinkona mín bauð t.d. herramanni í heimsókn til sína á föstudagskveldið eftir að hafa glatt hann með dansfimni sinni á dansiballi. Önnur vinkona mín endurtók leikinn með sama herrmanni á laugardagskveldið. Þykir þessi herramaður nú vera "lukkunar pamfíll" (lucky Pam-elephant) og er honum gefið "high-five" á göngum vinnustaðar síns.

Heimsóknir sem slíkar hafa verið stundaðar lengur en elstu menn muna.
Gunnþór Ástvaldsson 89 ára gamall vistmaður á Hrafnistu í Reykjavík segir svo frá:"Heimsóknir á bæi voru tíðar".
Ingibjörg Stefánsdóttir frá Hvoli í Barðarstrandasýslu sagði þá: "Enda var nú uppi á þér tippið, Gunnþórsdrjólinn þinn!"
Gunnþór: "Þú getur nú sjálf bara haft hana uppi!"
Ingibjörg: "Nei, þú ert uppi!"
Fjölnir Þorgeirsson: "Nei nei! Ég er uppi og plebbi, hvaða vitleysa er þetta?"
Ingibjörg: "Þú Fjölnir ert nú bara bölvaður tippalingur".
Gunnþór: "Já sýndu honum Ingibjörg hvernig við brúkuðum kjaft hér á öldum áður!"
Ingibjörg tekur að hringja í herbergissíma vinkvenna sinna. Innan skammst ofpnast lyftan við hlið þremenningana og út úr henni koma 7 kellingar er taka að lemja Fjölni með kökukeflum og pönnukökupönnum, tvær þeirra keyra á hann á hjólastólum.

Dieter starfsmaður á Hrafnistu og skiptinemi frá Baden-Baden Meinhoff labbar fram hjá og segir:
"Die Islandiche Menchen bist Verruckt, die arbeiten nicht zusammen aber getrennt, Ich wolle am Deutchland, Baden-Baden Meinhoff schnell weren..Hilfe mich Hilf"
Pedro, spænskur skiptihjúkrunarfræðingur kemur fram og öskrar: "Barbarida!" Baðar hann út öngunum líkt og hann sé hrærivél, kokkur Hrafnistu nýtir tækifærið og loks er Pedro farin að hræra saman hráefni í spænska omelettu.
Bush, skiptiforseti frá USA gægist inn: "I think we need some of these powerful women in Iraq to beat some faceless cowards..."
Rumsfeld, besti vinur Bush: "Sjúre... I like the women's idea, beating with a Cakekefli, why didn't I see that before!"
Tony Blair, kjölturakki þeirra vina: "Voff!"
Gunnþór Ástvaldsson: hallar sér aftur í hjólastólnum sínum og tautar: "Ohh nú get ég dáið sæll eins og forfeður mínir í Haugsnesbardaga.."

Fjölnir beitir krók á móti bragði, sest sjálfur í rafmagnshjólastól, tengir hann við slátturvélarmótór og rýkur á 80 km/klst í burtu. Kellingarnar skjóta á eftir honum úr byssum og lásbogum, örvanar þjóta eins og Forsetabíllinn (á 150 km/klst hraða) í átt að Fjölni sem verst með því að snúa sér fimlega í hringi eins og Perlan (1,5 km/klst).

Já, færsla þessi átti að snúast um heimsóknir. Ákvað ég því að undirbúa mig með því að hitta tvær þeirra vinkvenna minna er buðu karlmanni í heimsókn til sín um helgina. Við hittumst á Hótel Borg þar sem að þær gátu nálgast þær vindategundir sem þeir sækjast í og ég gat pantað mér tvöfaldan gin í tónik ásamt hinum nýja og ljúfenga camelbert osti.
Vinkona 1: "Það er ekkert sem getur toppað kúbverska vindla..."
Vinkona 2: "Nema þá heimsókn karlmanns á föstudags eða laugardagskveldi"
Vinkona 1: "Það er satt, gef mér vindla, sumarið og karlmann og ég mun mæta dauðanum með bros á vör, því ekkert er yndislegra.."
Halldór Laxness: "Já ég meina er til eitthvað eins yndislegt og sönn ást milli pilts og stúlku í góðu veðri um nótt á vori, þegar hestarnir eru sofnaðir í túnunum?"
Bryndís: "Nei, ætli það nokkuð, og mikið sakna ég hinna sofandi hesta á túnunum..."
Einar Benediktsson: "Hve blásnautt er hjarta sem einskis saknar?"
Gefmérfivegellan kemur inn: "Hvað eruð þið Dóri að gera hér, ég hélt að þið væruð löngu látnir!"
Allir: "Nei elskan mín, á prenti lifa allir að eilífu..."

Annars þá var helgin mjög yndisleg, eiginlega eins og yndislegheitin á milli pilts og stúlku er bera ást í brjóstum sínum til hvors annars og fara svo og dúlla sér inn í hlöðu (en Beckham hjónin myndu þá væntanlega nefna afsprengi slíks ástarfundar "Hlöðver").

Á miðvikudagskveldið næstkomandi ætlar Dj-amma að sprauta stuði úr hátalarakerfi ungra vinstri grænna í allsherjarpartýi. Ég veit ekki hvar og hvenær en það á eftir að koma í ljós (sem rímar við fjós, en þess má geta að fjós og hlöður eru gjarnan sambyggð á betri bæjum, það lærði ég í Þjóðfræði).

BarBara

2004-06-09T01:26:00.000-12:00

Góð setning sögð af ókunnugum manni á Austurvelli:

Á Sjómannadaginn lá ég á Austurvelli. Þá var ég búin að liggja aðeins á bryggjunni niðri á höfn til þess að samgleðjast sjómönnum svo og að liggja líka upp í rúmi til að samgleðjast rúmliggjandi sjúklingum.
Þar sem ég lá niðri á Austurvelli, horfði upp í heiðan himininn og hugsaði um camelberta, kampavín, kavíar, flauel og karlmenn, sá ég lítin depil færast fyrir sólu. Við nánari athugun kom í ljós að þar var gasblaðra í páfagaukslíki á ferð. Eitthvert vísitölubarnið með vísitölufjölskyldu sinni hefur þarna misst blóm úr blómahafi sínu sem hefur ákveðið hefja nýtt líf á sólinni og var nú á mikilli ferð þangað.
Þá heyrði ég ókunnugan mann einn tauta við félaga sína:

"Sjá, þar heldur páfagaukur einn á fund forfeðra sinna".

Gasblöðrupáfagaukurinn sveif þá inn í sólargeisla er færði hann að hliði Lykla Péturs er lauk strax upp fyrir honum, enda óheillavænlegt að stöðva gasblöðrupáfagauk í sjöunda himni vegna nýfengis frelsis. Þá sveif gasblöðrupáfagaukurinn inn í landið sem Lykla Pétur er dyravörður af, án allra skílríkjavandamála því að aðeins koma einstaklingsins er skilríki í sjálfu sér.
Loks hefur hann líklegast svifið til allra hinna gasblöðrupáfagaukanna sem hafa glatast síðan á 14. öld. Bros myndast á andliti páfagauksins okkar og saman svífa allar kynslóðir gasblöðrupáfagauka um sali eilífðarinnar, borðandi kavíar, kampavín og camelberta...
...þangað til að þeir verða notaðir af óforskömmuðum englaóbermum til þess að svívirða raddböndin...

Gott samtal ókunnugs fólks:

Tvær konur um sextugt sitja og borða hádegismat úti í sólinni, með þeim er maður um fertugt.

Kona 1: Hlín ætlar víst ekki að skíra barnið sem hún er að fara að eiga.
Kona 2: Er það satt? Þetta unga fólk! Þetta er einhver tíska!
Kona 1: Þetta er alveg óskiljanlegt, hvað ætlar þetta unga fólk að gera þegar eitthvað bjátar síðan á, einhverjir erfiðleikar, hvert ætlar það eiginlega að leita ef ekki í trúna?
Maðurinn: ...Unga fólkið? ..Það fær sér bara jónu..
Konurnar báðar: (þögn lengi)... nú já..(dauflega kinka þær kolli, skilningsvana á nútímanum)..

Ég hugsaði með mér: Já nú er það annaðhvort að skíra eða verða jónureykingarmanneskja..

Svala sendi okkur hér á nýopnuðu útibúi Gefmérfive á Azora-eyjum e-mail:

Halló Halló!
Ég er á Mogganum að vinna, ég er að gera smáauglýsingar.
Ég er þegar búin að gera tvær.
Sú fyrri var svona:

Fólk sem smjattar á tyggjói athugið:
Ef þið smjattið í nærveru minni þá ríf ég úr ykkur tunguna.
Sumarkveðjur úr bongóblíðunni!
Svala

sú seinni var svona:

Ert þú útvarpskonan sem að smjattar alltaf mikið?
Ef já, segðu mér þá hvar þú átt heima og ég kem og tala við þig.
Ekki vera hrædd, vertu bara ein heima og helst með opinn muninn og með gripagóða töng við höndina. Við ætlum bara að nota hana til að grilla með! ...voða góðan mat..hmm
Svala

bíbí

2004-06-05T04:26:00.000-12:00

Lengsta færsla í heimi, heimsmet slegið

Gerður G. Bjarklind: Lesari er Gunnar Eyjólfsson. Þættinum var áður útvarpað Jónsmessukveldið sumarið 1972.

1. Kapítuli.
Af litlu manneskjunni með stóru hugsjónirnar

Sagan af Auði Möggu

Auður Magga vinnur við það nú í sumar að hella upp á kaffi fyrir byltinguna. Byltingin er erfið og því gott að berjast fram í rauðan dauðan á hugsjónum og koffíni. Auður Magga er að verða einn þekktasti femínisti landsins, hún er jafnaðarkona og vinkona "litla mannsins". Auður sást síðustu helgi fyrir utan Broadway þar sem hún var að mótmæla fegurðarsamkeppninni Ungfrú Ísland. Hún var helvíti hress og sprellaði mikið.
Auður er orðin það fræg að fréttamaður Birtu hringdi í hana á dögunum til þess að spyrja að því..."hvort að Ungfrú Ísland mætti greiða henni?". Hin nýkjörna Ungfrú Ísland er sem sagt jafnframt hárgreiðslukona.
Auður hefði getað svarað:

1) Frekar myndi ég vilja láta Lalla Jones greiða mér
2) Því miður get ég það ekki, ég er nefnilega hauslaus!
3) Bíddu... er það gellan þarna... með flösuna?
4) Hún getur bara greitt sér sjálf!
5) Mamma mín var mávur, ég er því með fuglshöfuð er það okay?.. eða mamma mín var huldukona, höfuð mitt er ósýnilegt.. mamma mín var selur.. ég er ekki með neitt hár.. eða bara það besta: Mamma mín var gosbrunnur, er allt í lagi þó svo að það buni sífellt vatn út úr stútnum á hausnum á mér?

Auður Magga sagði hinsvegar:
Eee..ha?...ee nehh.. eiginlega ekki...hmmm
..sem ég skil vel, ég meina come on! hvers konar spurning er þetta? Ég sé þetta fyrir mér í næstu Birtu:

"Feministinn fyrir breytinguna" og svo kemur mynd af Auði með geðveikt fúlan svip og gráleit, slegið hárið, íklædd rúllukragabol sem á stendur: "manneskja er ekki markaðsvara".

Svo kemur við hlið þeirrar myndar:
"Feministinn eftir að Ungfrú Íslands fríkkaði upp á hann!" Þá kemur svona mynd af Auði skælbrosandi með hárið í einhverjum snúningum og komin í flegin bol sem á stendur "Oriblu", undir myndinni er tilvitnun í Auði: "Þetta var ótrúlega gaman, mér finnst ég hafa lært mikið af þessu, ég hef miklu meira sjálfstraust og finnst gaman að fá alla þessa athygli..."

Hér með lýkur fyrsta kapítula.

Annar Kapítuli

Hin vanmetna stúlka sem nær þó til hjartans
Sagan af St. Rut

Rut er loksins komin með vinnu. Hún vinnur nú á hjartadeild Landspítalans, stytt: Hjala. Rut er búin að taka tvö pláss frá inni á hjartadeildinni sem nýtist foreldrum mínum þegar ég tilkynni þeim að ég ætli líklegast að flytja frá föðurhúsum mínum yfir hásumarið, til þess að skralla í 101 Reykjavík. Þessi pláss nýtast þeim líka strax núna í dag ef þau komast að því að ég... hmm æ sleppum því.

Lífhlaup Rutar má birta í einni sannri sögu frá dönskutíma í Víðistaðaskóla herrans árið 1998.
Kennari vor gengur inn í bekkinn ásamt kennaranema einum. Þessir verur stilla sér upp við kennartöfluna og tekur þá hin eiginlegi dönskukennari að kynna okkur krakkana fyrir kennaranemanum.

Kennarinn: Þetta er hún Unnur, hún er rosalega falleg. Mig langar til þess að skírða inn í líkama hennar, ohh það er nú gaman að vera svona ungur og fallegur...
Unnur: Jú það er fínt takk..
Bekkurinn klappar fyrir fegurð Unnar...

Kennarinn: Þetta er hún Bryndís, hún er ansi flippuð. "Hendes hoved er fuld af fantasier.." og svo gaf hún út barnabók um jólin, hún er svo frumleg þessi elska...
Bryndís: Sjúr
Bekkurinn klappar fyrir þessum frumlegheitum

Kennarinn: Þetta er Rut.............. hún er stærsta stúlkan í bekknum.
Bekkurinn þegir.. loksins klappa einhverjir smá

Kennarinn: Ennn þetta er hann Jón Þór, hann er mjög góður í fótbolta og..blah blah....

Rut grét í ár, ég reyndi að hugga hana með frumlegum huggunarorðum: Rut, hún var að meina "stærsta persónuleikan í bekknum..".. viltu nammi? æ þú ert alveg fín..

Satt best að segja er ég svo ánægð með að Rut skuli loksins vera komin með vinnu og inn á beinu brautina til okkar hinna sem erum alltaf með fínar einkunnir, fallegar og með kærasta og svona. Við héldum alltaf að hún hefði algjörlega misst af lestinni, en viti menn, einhverstaðar náði hún að grípa hana og virðist nú vera komin á ágæta ferð. Ég er svo ánægð með þetta, við hinar samgleðjumst henni. Rut var kannski vanmetin en hún náði loksins til hjartans, og er það ekki hjartað sem sigrar að lokum?

(ath: bull að miklu leyti)

Lýkur þá kapítula Rutar

Þriðji Kapítuli
Tæpi lögfræðineminn á beinu brautinni sem neitar þó að fylgja henni eftir.
Sagan af Ragga vitra

Raggi vitri vinnur á veitingastaðnum Galileo. Hann var ráðinn sem þjónn á þann stað því að Raggi og Galileo þykja eiga svo margt sameiginlegt. Báðir eru þeir karlmenn, báðir mjög klárir, báðir þó nokkuð uppreisnargjarnir og Raggi myndi líka vera bannfærður af páfanum, ef að páfinn aðeins vissi...

Raggi var að djamma síðustu helgi. Þegar hann er á skrallinu fær hann oft tæpar hugmyndir sem má hlæja mikið af að þremur dögum liðnum. Raggi át einu sinni á skrallinu 3 kebaba og með því, pappabakka og servíettuna í desert. Margir öfunda hann af því að geta borðað allan þennan mat og hluti án þess að fitna, það er líklegast það eina sem að Raggi og Galileo eiga ekki sameignlegt. Þegar Galileo át á sínum tíma í brjáluðu partýi í tilefni að Endurreisninn á Ítalíu, 3 kebaba, tréplötu og efnisbúta, þá fitnaði hann talsvert.

Raggi fékk eina úrvalshugmynd um helgina. Hann tók leigubíl frá bænum upp á BSÍ og keypti sér talsvert magn af súkkulaði og fékk svo leigubílstjórann til að keyra sig upp í Elliðaárdal. Þar settust þeir tveir í grasið og spjölluðu og átu súkkulaði. Síðan ákvað Raggi að labba bara frá Elliðaárdalnum til Hafnarfjarðar og sagði leigubílstjóranum bara að fara heim til sín. Þegar Raggi var komin í Seljahverfið meikaði hann ekki meir og hringdi aftur á taxa. Raggi vaknaði morguninn eftir með plastboka oná sér, í pokanum var afgangurinn af súkkulaðinu, 2 Rís stykki, Daim, Draumar, Mars, Snickers, Twix, nokkur stykki af Conga, Prins, Þristur...

Hugsið ykkur. ég var búin að skrifa enn þá lengri færslu en hún datt út, ég brjálaðist en ákvað að "hold my horses" og sýna að ég lúti ekki fyrir duttlungum minnar sálarlausu tölvu. Ef þið eruð enn þá að lesa, þá eruð þið mjög góð á því...

Næst kemur enn þá lengri og ógeðslegri færsla, ojjjjj (blóð og saur birtast í hugum ykkar, þrumur og eldingar, Drakúla (ekki samt Drakúla brjóstsykur) og svo kolniðamyrkur og allt allt allt of hljóð þögn......þögnin fyrir storminn..hmm)

BB-Брындйс

2004-06-04T11:35:00.000-12:00

Vegna ítrekaðra fyrirspurna þá tilkynni ég að inntökufjandinn í Myndl.sk. fyrir viku gekk svona lala, ekkert of vongóð, en mér tókst að gera ekki neinar gloríur að þessu sinni s.s leið ekki yfir mig, og fór ekki að æla eða fá niðurgang í miðju prófi, það er allavega jákvætt.

Öllu skemmtilegra er þetta, að gera svona óskalista er hin besta hef-ekkert-að-gera-í-vinnunni iðja. Smekklegast finnst mér svöluhálsmenið sem kom síðast.

Það er ótrúlegt hvað ég verð þreytt á hárinu mínu, núna langar mig að lita það mjög ljóst, eiginlega hvítt og fá mér e-a crazy klippingu eða fá mér permanett...hljómar svolítið eins og ég vilji verða eins og gömul kona, en nei ég hlakka síður en svo að verða öldruð...ég held það sé ömurlegt. Ég bíð þó mjög spennt eftir því að það komi í tísku hjá ungum stelpum að vera með grátt hár og fara í lagningu, hlýtur að koma að því, nýjum hugmyndum fækkar hratt í tískunni. Kannski ég byrji bara á því...veri trendsetter, "sú fyrsta af ungum stelpum sem þorði að vera með gömlukonuhár."
...
Það er alveg fyndið hvað bíóhúsin fyllast af slagarastórmyndum á sumrin, Troy, Van Helsing, The day after tomorrow, Spartan, The secret window ofl. ofl. Ætli það sé vegna þess að fólk verður svo léttúðugt með sumarkomu að það er bara meira til í að skella sér á eina Hollywood cookbook stórmynd í staðinn fyrir Nóa Albinóa eins og á veturna? Hmm pæling. Ég verð þó að játa að mig langar að sjá nýju Harry Potter en það er bara af því að ég er svoddan lúði í mér.
Það er samt ótrúlegt, ég get ekki farið í fullan stóran sal í bíói án þess að einhver sé að smjatta og smella tyggjó í kringum mig....þetta er það sem ég hata mest í öllum heiminum, að það jaðrar við geðveiki (reyndar er þetta svo slæmt að þetta er eiginlega hætt að jaðra við, það er bara geðveiki).
Þrátt fyrir ítrekaðar tilraunir til þess að leiða tyggjósmjatt og smell hjá mér þá er þetta jafn pirrandi og þrálátt eins og apinn í eden, Hveragerði (og sá gaur var sko pirrandi svo fékk maður líka ömurleg dót úr honum, kúkalabba api)
En ég held að ef ég verði reyrð við stól og einhver látinn smjatta í eyrað á mér muni ég tryllast...og ekkert tímabundið tryll, heldur muni ég þjást varanlega af alvarlegri geðveilu á borð við....

...Ó, nei, nú er ég búin að láta uppi eina veikleika minn á annars ofurmannslegri tilvist minni....

SúperSvala.

2004-06-02T22:05:00.000-12:00

Tilkynning:

Þann 5. júní eru 37 ár liðin frá því að hernám Gaza og Vesturbakkans, að meðtalinni A-Jerúsalem, hófst með Sex daga stríðinu 1967, en þá hertók Ísraelsher alla Palestínu. Því hernámi hefur ekki enn linnt þrátt fyrir samþykktir Öryggisráðs Sameinuðu þjóðanna. Ísraelsstjórn fer sínu fram af mikilli grimmd gegn óbreyttum íbúum hertekinnar Palestínu og lætur sem Ísraelsríki sé hafið yfir alþjóðalög.

Félagið Ísland-Palestína efnir til útifundar á Ingólfstorgi
laugardaginn 5. júní kl 14 undir yfirskriftinni NÚ ER NÓG KOMIÐ!

Fundurinn er haldinn til að mótmæla stríðsglæpum Ísraelshers í Rafah á Gazaströnd og til ítrekunar á andstöðu Íslendinga við fremferði hans í hernuminni Palestínu. Efnt er til fundarins með fulltingi fjöldasamtaka.

Kröfur fundarins:
* Stríðsglæpum Ísraelshers linni tafarlaust
* Endir verði bundinn á hernámið
* Réttur palestínskra flóttamanna til að snúa heim aftur
* Frjáls og fullvalda Palestína

----------------------------------

Aðeins fyrir stúlkur og samkynhneigða karlmenn: Þetta er besta combóið þessa vikuna, klukkan, sófinn og gaurinn. Þessi gaur er crr...azy

2004-05-31T06:55:00.000-12:00

Í dag er bannað að vera með hausverk, það er bannað að vera illa sofinn og bannað að eiga flíkur með reykingarlykt í. Þeir sem eru sekir um eitthvað af þessu fyrrnefnda verða teknir af lífi á Austurvelli klukkan 15:00 á morgun, mæting er klukkan 14:45.
Velja má um 3 tegundir dauðdaga:
1) Verða tekin höndum af Bandaríkjaher.
2) Hlusta á Pan-flautuleikara spila Bítlalög í útsetningu fyrir einleikara á Pan-flautu.
3) Verða troðinn undir af alþingismönnum Sjálfstæðisflokksin á "River Dance" kveldi þeirra á Austurvelli sem haldið verður annað kveld á Austurvelli í tilefni af því að "Írland" byrjar á sama staf og "Ísland" og hefur einnig alveg eins endingu.

Þessi helgi var í lengri kantinum. Starfsmenn Gefmérfive.blogspot.com héldu frá móðurstöðvum sínum í New York til Íslands til að samfanga langri helgi. Föstudagurinn var mjög feitur, laugardagurinn var jafnvel feitari og sunnudagurinn var "dansdagurinn mikli frá Kasmír", þar sem Svala kom aðeins upp að mér til að þurrka svitann af enni sínu í klæði mín því að engan takt mátti hún missa í annað en hina svokölluðu "Dansi dúkku" sem Svala breytist gjarnan í á góðum kveldum. Í dag finnst mér mjög fyndin pæling að þurrka sér í fáránlega hluti, ég stefni að því að þurrka mér í framan í þessari viku með:
- Öðru fólki
- Kisunni minni
- Baðherbergisgólfteppinu
- fötum í 17 og öðrum dýrum verslunum
- Veggteppi aldraðarar móður minnar

Ruta fyrrverandi blokkflautuleikari mætti á Dillon með "rafmagnsblokkflautu" og tók nokkur vel valin sóló á hana t.d. "Final countdown" og fleira. Pælingar voru uppi um að við, Svala og Rut myndum gera gömlu lúðrasveitina okkar rafmagnaða, en sú lúðrasveit hefur hingað til alltaf spilað "unpluged".
Svala gæti tekið rafmagnshornsóló á hornið sitt á meðan ég myndi plögga klarínettið í magnara og taka nokkur "slide". Svo var þetta komið út í allt of mikla steik eins og
- Rafmagnsbongótromma
- Rafmagnspanflauta
...og svo kom einhver mjög heitur inn í samræðunar og ætlað að brainstorma með okkur og sagði:
En.. þið vitið ..hehe bara..rafmagnsGÍTAR... og síðan fór sá gaur fljótlega í burtu.. ég held að ég hafi sjaldan hlegið eins mikið...

Ég: Jæja nú er hún móðir mín komin með ask minn inn í baðstofuna ásamt indælum spónarmat, heilakökum, skreiði, fjallagrasagraut og súru skyri. Mér er til setunnar boðið.

Far vel frilla inn í heim vargaldar (Lesist: Bless og takk, ekkert snakk)
I'm a B(achelor) B(oy) (Lesist: Undir þetta skrifar BB)

P.s. Gefmérfivegellan virðist ekki birtast á mínum tölvuskjá, hún virðist hafa týnst einhverstaðar um helgina. Ef þið sjáið hana einhverstaðar á flækingi má reyna að skila henni heim, hún er kelin og alls ófælinn, brennimerkt GMF á vinstri mjöðm og hlýðir oftast nafninu: Cosmopolitan.
______________________________________________________

2004-05-31T06:29:00.000-12:00

Fyrir þá sem að kvarta sífellt yfir löngum færslum kemur hér ein stutt og svo bara: screw you!
B&S

2004-05-27T02:09:00.000-12:00

Árni Magnússon er sannkallað félagsmálatröll, hann hefur öll félagsmál á hreinu, bara í blóðinu sjálfu enda hefur hann verið kallaður af gárungum Árni "Djammbolti" eða dr. Árni féló.
Ég er nú ekki að tala um Árna Magnússon sem varð frægur fyrir það að sitja fyrir á gamla græna hundraðkallaseðlinum með parruk á hausnum og í silkisokkum þrátt fyrir suðaustan 18 og gadd.
Nei ég er að tala um dr. Árna féló, hin virta og kenndan við hæst félagmálaráðherra Árna Magnússon. Þessi Árni er sko samtíðarmaður og gengur ekki um með parruk eða í silkisokkum eins og sjá má á þessari mynd. Myndina náði ég í af djamm.is og er hún tekin á Partýkveldi Stígamóta síðustu helgi er Árni kom og djammaði með þeim konum sem sárt eiga um að binda, m.a. vegna félagsmála. Árni náði að taka af sér bjórhjálminn fyrir myndatöku þessa en er þó enn í gylltu stuð leggingsbuxunum sínum að neðan.

Þar sem félagsmálaráðherra er fæddur sem félagsmálamógull þá má skrá menntun hans í örfáum línum, þær reynast vera tvær og koma hérna:
Samvinnuskólapróf frá Bifröst 1983, ýmis námskeið í rekstrarfræði, stjórnun og stjórnmálafræði frá HÍ og HA.

Við Árni eigum það sameiginlega að vera ekki með BA-gráðu né neina sambærilega menntun en samt treystir ríkisstjórnin honum til að verða félagsmálaráðherra.
Ekki myndi ég treysta mér til þess að vera slíkur ráðherra þótt svo að ég hafi...stundað ýmis námskeið í HÍ.. enda hef ég ekki eins mikin félagsmála-sinnaðan starfsferil og Árni sem er þessi:

Ýmis skrifstofustörf 1983-1987, frétta-, blaða- og dagskrárgerðarmaður í útvarpi og sjónvarpi, á blöðum og tímaritum 1987-1994. Kosningastjóri Framsóknarflokksins í Suðurlandskjördæmi fyrir alþingiskosningar 1995, aðstoðarmaður iðnaðar- og viðskiptaráðherra 1995-1999, aðstoðarmaður utanríkisráðherra 1999-2001, framkvæmdastjóri Framsóknarflokksins 2001-2003.

Við skulum kíkja á annan forvera Árna í félagsmálaráðherrastólnum:

Páll Pétursson var skipaður í embætti 23. apríl 1995 og veitt lausn 23. maí 2003.
Páll er fæddur 17. mars 1937 á Höllustöðum í Blöndudal.
Hann lauk stúdentsprófi frá Menntaskólanum á Akureyri árið 1957 og hóf þá búskap á Höllustöðum.

Jaa hérna hér.. en hvað segja þá dómsmálaráðherrarnir?
Eru þeir líka bara fæddir lagagúrúar eins og félagsmálaráðherrarnir virðast vera...hafa þetta bara í blóðinu?

Björn Bjarnason núverandi dómsmálaráðherra: Lögfræðingur
Sólveig Pétursdóttir fyrrverandi dómsmálaráðherra: Lögfræðingur
Davíð Oddsson fyrrverandi dómsmálaráðherra líka: Lögfræðingur...
..Þorsteinn Pálsson, hann var líka lögfræðingur..

Nei, ó nei þeir eru greinilega ekki hreinræktaðir gúrúar eins og hátt og hærra og hæstvirtur félagsmálaráðherra..

..Af hverju er ekki valið fólk í stól félagsmálaráðherra sem hefur stúderað félagsvísindi eins og félagsfræði, mannfræði eða kynjafræði?
Þar sem lesið er um ..tjah... hvað á ég að kalla það... hmm ... kannski bara FÉLAGSMÁL! ... margbreytileiki og minnihlutahópar, kvenna og karlafræði, vændi, fátækt og jafnvel sálfræði...

Á meðan dómsmálaráðherrarnir þurfa að kunna lögin sín, á meðan skipstjórarnir þurfa að kunna sð sigla skipum sínum, á meðan hárgreiðslumaðurinn þarf að hafa lært hárgreiðslu, þá þarf félagsmálaráðherrann ekki að þurfa að hafa lært eina kenningu í félagsfræði...ekki eina!
..Er þetta kannski bara stefna ríkisstjórarinnar? Sýnir þetta ekki áherslur hennar?
Eða erum við í félagsvísinda-og heimspekideild bara að læra eitthvað sem skiptir greinilega engu máli?

Gefmérfivegellan hefur þetta um málið að segja: Screw you...

-!-!-!-!-!-!-!-!-!-!-!-!-!-!-!-!-!

En ég vil bara benda fólki á að það er að koma helgi, og þá er að koma tími fyrir nokkra cosmopolitan, enda er ég tilbúin fyrir cosmo eftir.. eftir erfiða vinnuviku.. og fleira...
Mikið er ég sátt við þessa, þessa af Ragga-san á flugvellinum að drífa sig og þessa mynd af skipulögðu Party í lestarstöð einni í Tokyo kl: 17:35 og þessa mynd af heavý sætum japana að surfa út í sólarlagið með einhverri tæpri gellu... og þessa líka hahaha
og ef þið viljið meira þá er feitt shit...
hérna
hérna (kassi sem maður stendur á ef maður er að tala í gsm síma...)
hérna (Töff) og
hérna (Rest þýðir að leigja herbergið í skamma stund en Stay að vera þar alla nóttina... góð pæling á þessum skemmtistað..)

Barbarella Barón

2004-05-25T01:07:00.000-12:00

Stúlka ein hét Svala. Svala þessi þótti málgefin sem krakki og var gjarnan uppnefnd "Svala Tala".
Hún var sannkölluð ofurdúlla með ljósa lokka og þótti hvorki vera óbermi, ónytjungur né viðriðni eins og aðrir krakkar í götunni. Nú er Svala þessi í sjúkrainntökuprófi inn í Myndlistarskóla Reykjavíkur vegna þess að í hinu raunverulega inntökuprófi leið yfir hana. Svala þessi stóð þá fyrir framan trönur sínar og mundaði pensilinn með hægri hendinni en var að skera af sér eyrað með þeirri vinstri er skyndilega hún finnur fyrir svima og vanlíðan. Líður þá yfir hana ofan á 2 banana, lauk og appelsínu sem aðrir prófþreytendur voru að glíma við að mála. Þetta olli miklum vangaveltum því að nú vissi fólk ekki hvort að teikningin ætti að samanstanda af þessum banönunum, lauk og appelsínu eða hvort teikna ætti Svölu með á myndina þar sem hún var óhjákvæmilega orðin hluti af uppstilingunni. Tekinn var ákvörðun af skólastýrunni dr. Guðnýju Baden-Meinhoff Wiium að teikna skyldi stúlkuna með ávöxtunum og grænmetinu og eftir að prófinu lýki mætti reyna að vekja hana og segja henni að hundskast heim.

Nokkrir Prófþreytendur höfðu þetta um málið að segja:

Diðrik: Jesús, þetta var feitara en snuff...
Sóley: Þetta var ömurlegt, ég var alveg að vera búin með banana þegar hún hlunkaðist ofan á þá og lá þarna hálfslefandi. Það tók mig upp undir klukkutíma að breyta banönunum í Svölu án þess að mynd mín liti fáránlega út, eða eins ófáránlega og hún getur verið.
dr. Guðný Baden-Meinhoff Wiium: Já fyrst þegar aðstoðarmaður minn kom inn á skrifstofu til mín með þessar fréttir krossbrá mér en þegar ég kom inn í prófherbergið og sá hversu tignarlega hún lá ofan á banönunum, með laukinn í auganu og appelsínuna á milli brjóstanna, þá hugsaði ég mér: "Þetta er list!", ég gat ekki hugsað mér að hrófla við þessu fyrr en við værum búin að festa uppstilinguna á mynd.

Mér finnst endalaust fyndið að Alma Joensen (eða Alma JoenDen eins og hún heitir í 118)og Ásdís Rán, sem ber gjarnan starfsheitið fyrirsæta, elda saman grátt silfur.
Viðtal birtist við Ásdísi Rán fyrirsætu í Fréttablaðinu síðustu helgi þar sem hún var að tala um það hvernig líf hennar væri sem ljóshærðar konu. Þetta viðtal fannst Ölmu svo tæpt að hún las það upphátt í stúdentsveislunni sinni.
Alltaf þegar það kom eitthvað tæpt drukku Svala og Signý einn bjór. Eftir 2 kassa þurfti Svala að bryðja tómar bjórdósirnar en Signý lá dauð upp í rúmi hjá bróðir Ölmu.
Þá var Alma komin í gegnum greinina, enda grein þessi mjög stutt, aðeins nokkrar línur.

Hér kemur mikill leirburður sem ég fann (ekki) inn á Vef-Þjóðviljanum.
(Þeim nafnskrumskælurum og ritsóðum)

Lítið eitt um Bandaríkjaher:
This is my riffle
and here is my M16 gun
The riffle is for fighting
but the gun is for fun
Then we keep the good moments
not just in our hearts
but also on photos
so we can show others from far
how much men we are...

Þetta er nú ljóti leirburðurinn, minnir mig á miðvikudaginn í síðustu viku eða bara þessar gellur (þetta er ljótt af mér, allt of kalt) Við skulum vona að Svala hafi getað gert eitthvað betra en þetta í dag..

2004-05-23T21:45:00.000-12:00

Við í höfuðstöðvum Gefmérfive í New York ákváðum að skella okkur í 6 stúdentsveislur um helgina. Ákveðið var þemað: eitur og ógeð. Svala var "eitur", Gef mér five gellan var "og" og Bryndís var "ógeð". Svala var í eiturgrænum kjól en Bryndís var bara ógeðsleg eins og venjulega. Gefmérfivegellan var edrú öllum til undrunar enda manneskjan búin að líma grænan SÁÁ álf á öxlina á sér, góðu málefni til stuðnings.
Atli fékk frá Svölu "Rock and pop- year by year" bókina og svart og eiturgrænt málverk af The Strokes eftir frægan listamann sem kallar sig Swallow. Annars fékk hann líka rósir og -11111- brennibolta frá Bryndísi, Orri líka nema brenniboltinn hans var
-OOOOO- , Alma fékk eiturgræn martiniglös frá gefmerfive, Signý fékk eiturgóða tölvuorðabók og eyrnalokka og Sólveig fékk martiniglas og ógeðslega góða bók. Allir voru sammála um að þessar gjafir væru svívirðilega ógeðslegar og baneitraðar.

Veisluborðið hennar Sillu, sem fékk enga gjöfina þó, fékk hæstu einkunn eða 9,5 af 10 mögulegum. Fín skinka af feitu svíni, flatkökur með hangikéti af hangikind norður frá Rauðhólum í Skagafirði og litlar sætar kjúklingalappir af litlum sætum kjúklingum. Svala át 20 kjúklingalappir en Bryndís át 27 kjúklingalappir svo og 2 keramiklistaverkverk í eigu móður Sillu (eftir Koggu), hjónarúm smíðað úr rekavið, magnara sem var í miðju Date With The Night með Yeah Yeah Yeahs , 4 gesti (af báðum kynjum) og 7 stúdentshúfur, þ.á.m. húfuna hans Gogga. (Gefmérfivegellan var höfð út í bílskúr á meðan enda óalandi og óferjandi eftir að hafa séð alla sætu strákana með hvítu kollana í bænum. Hún skemmti sér þó ágætlaga með græna SÁÁ álfinum og japlaði á gömlum tvist og ryðgaðri felgulegu.

Annars var þessi prýðis útskriftardagur prúðu vina vorra hinn prýðilegasti.

Þessu gefum við five:
Sillu fyrir gott partý
Okkur fyrir að hafa gefið nice gjafir.
Högna fyrir að vera prýðilegur dansfélagi.
Sólveigu fyrir að hafa dúxað.
Ölmu fyrir að vera eiturhress þrátt fyrir að geta ekki andað.
Veðurguðinum fyrir að hafa komið með feitt veður í dag...reyndar var það ekki alveg nógu gott á laugardaginn, þannig við gefum honum four.

B&S

Að lokum:
gefmerfive.blogspot.com vill lýsa yfir ánægju sinni með sigur Michaels Moore í Cannes með þessum skilaboðum:
Fellows American.
Do not vote for Bush in next november, he is as we call it in Iceland a "auli" he is not "hress" or "kátur" or "gúdsjitt gaur" but Kerry is more likely to be that. Please vote for Kerry then, and we are meaning this.
Yours ex-au-pair in Iceland.

Einnig á Sjálfstæðisflokkurinn 75 ára afmæli á morgun, að því tilefni segjum við allt það sama og stendur hér fyrir ofan nema í staðinn fyrir American lesist Icelanders, í staðinn fyrir Bush stendur Sjálfstæðisflokkurinn, í staðinn fyrir Kerry stendur Samfylkingin/Vinstri grænir (innanhúsósætti í höfuðstöðvum Gefmérfive), svo er kvatt með orðunum:
Ykkar B(ingó) B(jössi) og Swallow

2004-05-20T02:03:00.000-12:00

Löng tilkynning:

Ég er að horfa á Atla og Svölu eigast við upp í rúmi. Frekar fallegt, en ég er hins vegar ekki falleg, mér líður ömurlega.

Ég sló persónulegt met í gær (2. sætið eftir karókídæmið mars 2003) , ég var svo ógeðsleg að ég hefði bara átt að éta mig áður en ég fór út á meðal fólks.
Ég og Svala byrjuðum á glæsibullunni A. Hansen í Hafnarfirði enda erum við feitir Hafnfirðingar...svona þannig...
Hittum Ömma og fórum með honum í strætó (inn í Kópavog) og þaðan í leigubíl.
Strætóbílstjórinn var víst að hætta þetta kveldið og var ekkert á leiðinni inn í Reykjavík. Ég reyndi að fá hann til að keyra okkur niður á Dillon og mér fannst það svo geðveik pæling að fara í strætó niður Laugarveginn og labba út úr honum fyrir framan Dillon.
Strætóbílstjórinn var samt ekki að kaupa þessa hugmynd.
Síðan áttum við Svala og Ömmi góða stund í einhverjum garði og þaðan fórum við niður í bæ.
Ég man eftir að hafa gengið inn á Dillon með einhvern fáranlegan frygðarsvip sem ég beitti á dyravörðinn því að ég hélt eiginlega að ég væri 18 ára skílrikjalaus stúlka, sem ég var ekki.
Þessi frygðarsvipur var frosin á mér allt kveldið og ég man ekkert, en ég talaði þó víst við fullt af góðu liði, sem mér þykir frekar leiðinlegt því að ég man ekkert eftir því.
Vona að ég hafi ekki verið að tala um gumpinn á mér eða eitthvað álíka ömurlegt.
Ég er búin að fá símhringingar í morgun frá fólki sem vill útkljá mál frá því í gær en ég er svo góð á því að ég man ekki einu sinni eftir því að hafa hitt þetta fólk...þannig að enginn þarf að hafa neinar áhyggjur varðandi eigin hegðun, vona að þið getið jafnframt gleymt minni...

Ég vaknaði í morgun heima hjá Atla Bollasyni sem ég geri stundum eftir glaumfarir. Það er góð pæling og ég er mjög ánægð með hann Atla og hans fjölskyldu í þessum málum. Þó svo að Atli hafi öskrað á mig í gær: "BRYNDÍS ÞEGIÐU!" og ég var bara "...FINE!..." þá er ég hæstánægð.

Svala er ekki lengur sad case hún er frábær og ef einhver ykkar kallar hana sad case þá mun ég éta sá og hin sama, Svala var nefnilega þrusugóð í stöðu stuðningspinna í gær. Ef hún hefði ekki verið þarna hefði ég alveg eins getað verið dyramotta. Orri var víst líka ágætis stuðningspinni og svo einhverjir Englendingar...

Þið sem hittuð mig!
Hringið í mig ef það er eitthvað sem er ekki á hreinu, við getum farið á gráa köttinn eða eitthvað...

Svala er að borða snakk og hlusta á The Rutles, mig langar til að borða snakk líka... bráðum ætla ég að borða geðveikt mikið að snakki og hætta þessum gin í tónik pælingum, frekar að borða svona 7 poka af snakki...

Þegar Svala deyr ætla ég að spila fyrir hana:
- Sesons in the sun
- ..og eitthvað fleirra.. á eftir að pæla í því betur við tækifæri...

ahhhh
BB

Og af því að geðveila mín er í lægð í dag vil ég benda á geðveikasta blogg landsins (staðhæfing sem á að vera staðhæfing) -> Ljensherran af Kaffisterkt. Þessi herramaður er einstakur, ég vona að geðveila hans vari að eilífu, amen.

2004-05-19T09:17:00.000-12:00

Í Fréttablaðinu 16. maí 2004 birtist grein sem bar titilinn Da Vinci slær ekki Nýja testamentið út.
Þar fjallar Hr. Karl Sigurbjörnsson biskup lítið eitt um bókina Da Vinci lykillinn.
Hann segir að hann hafi ekki mikla trú á sagnfræði bókarinnar “..nema þá ef vera mætti til að vekja athygli á hinni sönnu og sígildu spennusögu sem Nýja testamentið segir um Jesú Krist, Drottinn og frelsara heimsins”.
Tvennt vekur upp spurningar við þessa einu setningu:
Numero uno)
Ætli biskupinn lesi nokkurn tíman bók sem honum finnst slá Nýja testamentinu út?..og ef það svo ólíklega gerist, á hann eftir að segja það?

„Já! Hún sló Nýja testamentinu svo sannarlega við, miklu skemmtilegri og áhrifaríkari, þessi karakter Donald Smith er geðveikur karakter, Jesús er eins og ryk í teppi miðað við þennan gaur..Svo finnst mér líka Harry Potter 3 og 4 miklu betri og ég held að allar 7 Harry Potter bækurnar eigi eftir að slá öll bréf og bækur Biblíunnar út, allavega pottþétt fjórðu Mósesbók, Esrabók og Opinberunarbókina.
Mér finnst svo sannarlega Harry Potter 4 miklu skemmtilegri en Mósesbók 4, enda er Ron og Hermione srax mun fullmótaðri persónur í Eldbikarinum en Móse og Aron við lok 4 Mósesbókar...”

Numero duo)
Af hverju er aldrei nóg að segja bara Jesús án þess að þurfa að bæta við einhverjum setningum eins og ..
"..Jesús, hinn kærleiksríki og eilífi...”
“Jesús, sem situr Guði til hægri handar og frelsar vor...”?
Það er eins og menn sem tala svona haldi að fólk viti ekkert um hvern þeir eru að tala og þess vegna þurfi að útskýra við hvern er átt!
Eða þá að við þekkjum svo rosalega marga sem að heita Jesús að við vitum ekkert um hvaða Jesúinn hann er að tala..:

Hr. Karl Sigurbjörnsson í útvarpinu:..hinum eilífa brunni sem birtist í Jesús Kristi...
Siggi heima í stofu: ...Jesús..Kristi..?... Bíddu hveeer er það aftur...?
Hr. Karl Sigurbjörnsson enn í útvarpinu: ...frelsara heimsins og Guðssonar...
Siggi enn inni í stofu: Æ, Já einmitt sá gaur! Nú man ég um hvern hann er að tala...ég fór eitthvað að hugsa um sundlaugarvörðinn í Gömlu lauginni hann hét einmitt einhverju svona nafni...

Jæja eftir þetta guðlast skulum við fara saman með eina bæn:

(þið megi ráða hvað þið segir hér)
........
........
........
...Takk og Amen

Pís out

Brabraham

2004-05-16T10:37:00.000-12:00

Ég, Svala og Gefmérfive-gellan hittumst á Vegamótum í gær til þess að ræða um þetta blogg. Svala var fundarstjóri, Gefmérfive-gellan var ritari en ég fékk að vera einskonar bendill sem á að vera frekar feitt því það rímar við sendill.
Við byrjuðum á því sama og venjulega, pöntuðum okkur 1 flösku af tequilla, brauðkörfu og 3 stóra bjóra. Fyrsta umræðuefnið var að skipuleggja næstu færslu, skipuleggja innihald hennar og umgjörð.
Ákváðum við að næsta færslu skyldi fara fram í dag, 16. maí, skyldi hún því innihalda 19 línur af því að Svala er 19 ára.
Ég vildi láta færsluna fjalla um: Ný ofátsvandamál atila-maura sem að éta augun úr fólki. Gefmér-five gellan og Svala vildu hins vegar láta næstu færslu fjalla um það að sumarið væri að koma og það væri gott.
Því var ákveðið þema sem var: Sumarið er gott og það er að koma.
Ég vildi reyndar frekar hafa það: Sumarið er ógeðslegt og mig langar til að éta það, en Svala sagði að það væri ekki hægt að éta sumar og þar með skelltu stúlkurnar tvær skolleyrum við mínum éti-hugmyndum.
Til þess að fá andann yfir okkur stútuðum við Tequilla flöskunni og svo skrifaði hver og einn ljóð til þess að öðlast hina fullkomnu andagift skáldanna.

Ljóðið hennar Svölu hét:
Sad case í beis
... og var það svona:

Ég er soddan sad ceis
Því ég er blá og beis
Á minni sálu, bringu og face.
En það er kanski okay
Ef að kallinn Atli will say:
Kæra mín Svala er hin fegursta mey.

Ljóð Gef-mérfive gellunnar hét: Gef mér Cosmopolitan að drekka áður en ég drepst.

Ég man ekki hvernig það var því að gellan gat varla talað vegna tequilladrykkju, en það gæti verið að hún hafi einfaldlega verið að biðja okkur um einn drykk í viðbót áður en hún féll á orrustuvelli Bakkusar þarna inni á Vegamótum.. róni.

Ljóðið mitt hét:
Ég held að ég éti mig til að vinna Ungfrú ógeð 2004,
og var það svona:

Mig langar að verða lægri
svo ég held að ég éti minn fót
fyrst þann vinstri svo þann hægri
svo ég verði nógu ljót,
til þess að sigra í Ungfrú ógeð 2004,
Og þannig loksins ég öðlast mína
viðurkenningu sem rugluð gella
sem kann að labba og sig sýna
með kórónu eins og bján..
verð ég fræg eins og Ásdís Rán.

(ég sá það eftir á að það má túlka ljóðið eins og Ásdís Rán sé tæp en það er alls ekki pælingin heldur bara það að hún rímaði við Bján... nei grín, æ ég veit ekki af hverju hún er þarna, þið megið bara ráða því sjálf...samt fínt stelpa skiljiði ha!)

Sú andagift sem nú helltist yfir okkur, fléttaðri við sumarblíðu, Austurvallarstemmningu, Bra bra að borða brauð og próflokum, mun nú hér birtast í þessum 19 línum eins og ákveðið var, byrjar hér með því hin eiginlega færsla sem var í raun samtal sem átti sér stað af því að enginn nennti að taka þessu alvarlega:

Svala: Rosalega getur bra bra borðað mikið brauð.
Gefmérfivegellan: þú getur sjálf bara borðað mikið brauð þarna...öhhh
Bryndís: Ertu að segja að Svala sé brauð?
Gefmérfivegellan: Nei að hún borði mikið brauð.
Bryndís: Já en er maður ekki það sem maður borðar, ertu þá ekki að segja óbeint að Svala sé í raun brauð?
Gefmérfivegellan: Æ ég er svo drukkinn ekki tala við mig um flókin mál..öhhh
Svala snöktandi: Mig langar ekki að vera eins og brauð...
Atli Bolla kemur inn í netabol með riffil, mjög reiður: Hver var að segja að Svala mín liti út eins og risavaxinn fíll?
Bryndís: Enginn
Gefmérfivegellan: Ég sagði að hún liti út eins og brauð..eða eitthvað, æ ég man það ekki...
Atli: Nú já, nú ég er sammála því, hún minnir mann gjarnan á brauð, mér heyrðist þú segja sko risavaxinn fíll haha er það nú vitleysa haha!
Allir hlæjandi: Hahaha þetta var nú fyndinn miskilningur!

Opið bréf frá B&S til lesenda Gefmérfive:
Við viljum biðjast afsökunar á því að tala ekki um raunveruleika okkar heldur bulla einungis. Þannig er mál með vexti að helginn fór í svo hart próflokadjamm, eins og það hefur verið kallað af gárungum, og munum við því eiginlega ekkert hvað gerðist...þannig að..já..það voru samt alveg einhverjar kræsingar í gangi, en hver veit hverjar þær voru? Tja allavega ekki ég!

Pís out
BB

P.S. þess má geta að ég, svala og ásgeir vorum í dag gerð að forsíðumódelum vefritisins www.nyhil.org , ástæður eru ókunnar... ...please feed me if you can...

2004-05-16T05:21:00.000-12:00

Þessi tilkynning var að berast hingað á höfuðstöðvar Gefmérfive í New York frá almúganum á Íslandi, er hún svona:

STÖNDUM VÖRÐ UM LÝÐRÆÐIÐ!
ÖLL Á VÖLLINN! SÝNUM ÞEIM RAUÐA SPJALDIÐ!

Fjöldafundur á Austurvelli miðvikudaginn 19. maí kl. 12:10.

Hingað og ekki lengra!

Lýðræði byggist á umræðum, gagnsæi, ábyrgð, virðingu og trausti.
Íslensk stjórnvöld sniðganga lýðræðislega umræðu í hverju málinu á fætur öðru og beita handafli til að koma fram málum. Írak, útlendingalög, umhverfismál,öryrkjar, réttindi launafólks, Hæstiréttur, Umboðsmaður Alþingis, kærunefnd jafnréttismála, og nú síðast fjölmiðlar. Nú er mælirinn meira en fullur.
Leikreglur lýðræðisins eru ekki virtar.
Við erum þjóðin, við berum ábyrgð á lífinu í landinu og lífsskilyrðum komandi kynslóða.
Látum í okkur heyra.
Þrengjum okkur í gegnum hlustir ráðamanna.
Við viljum raunverulegt lýðræði!
Hingað og ekki lengra! Við mótmælum öll!

Áhugahópur um virkara lýðræði boðar til fjöldafundar á Austurvelli miðvikudaginn 19. maí kl. 12:10.
Mætum með rauða og gula spjaldið, dómaraflautur, lúðra, trommur,hrossabresti, ýlur og blístrur. Látum í okkur heyra!

(Ýlur og blístrur verða til sölu. Rauðum og gulum spjöldum verður dreift.)

-----------------

spurning um að reyna að fá frí í vinnunni...

2004-05-12T03:47:00.000-12:00

Gef mér five gellan hefur undanfarið orðið fyrir ofbeldi af hálfu lesenda vegna hömlulaus lífstíls síns en eins og glöggir lesendur hafa tekið eftir hefur hún áfengan drykk í hönd. Þykir lesendum mörgum ófágað að hún skuli klæða sig í stuttan kjól og drekka áfengi hvaða dag sem er og hvenær sem er, jafnt á þriðjudagsmorgna sem og á laugardagskveldum. Við vitum að finna má margt að slíkum rónum en annars þá vill hún koma þessari stuttu yfirlýsinu á framfæri að gefnu tilefni:

Ég hef orðið vör við það fólk virðist bera minni virðingu fyrir mér en ella fyrir að vera í stuttum kjól og með cosmopolitian í hönd. Til þeirra vil ég benda á að þó ég ákveði mér þetta útlit og hlutverk segir það ekkert um mína innri manneskju. Ég hef tilfinningar og skoðanir, getiði bara ekki skilið það! Ég ætla ekki að láta bugast, ég ætla að vera nákvæmlega svona hvort sem ykkur líkar það betur eða verr en ég heimta að borin sé virðing fyrir mér!
Lifi byltingin, þið þarna skepnur og screw you skiljiði mig!

Wow róleg dramaqueen! Sjá hana, með cosmopolitan og í stuttum kjól eins og einhver glyðra. Ógeðslega heimsk fyllibytta... minnir mig á þessa gaura eða eitthvað bara mömmu eða eitthvað...

Fólk hefur verið að kvarta yfir því hve færslur okkar séu of langar (Bryndísar færslur er þó yfirleitt mun lengri en Svölu). Svo hefur líka verið kvartað yfir því að skrifin eru ekki alltaf innan velsemismarka og þykja jafnvel jaðra við ofbeldi.
Við það tækifæri langar okkur að ræða aðeins saman, það væri ágætt ef þið mynduð ekki lesa það sem að okkar fer á milli, takk :

Svala: "Málið verður tekið til skoðunar, alltof margar kvartanir hafa borist, við erum að fá kvartanir í gegnum síma, póst, fax, e-mail og bögglapóst!"
Bryndís: "Ef þetta aumingjans pakk hættir ekki að væla þá ét ég úr því augun!"
Svala: "Róleg!"
Bryndís: "Vertu bara sjálf róleg þarna fitubollan þín!"
Svala: "Hey, þú ert bara sjálf feit, ógeðlsega leiðinleg og ljót þarna, hættu að vera svona uppstökk!"
Bryndís með morðglampa í agunum: ´"...þú mátt segja að ég sé ljót og feit belja en að segja ég sé uppstökk, það er einum of langt gengið!!"
Svala flóttaleg :"Neii, ég meinti..upp..upptakari, nei þarna uppistandari..ohh.."
Bryndís: "Það kallar mig engin upptakara!! Nú kem ég og ét þig...hrumphhh"
Mamma Svölu kemur inn: "Stelpur mínar, ég er að reyna að leggja mig viljiði hafa lægra?"
Bryndís og Svala: "Sorry mamma mín!"
Svala: "Hva segiru, eigum við að fara út í sjoppu eða..?"
Bryndís: "hmm jamm ok.."
Svala: "Pís out, en kvað með kvartanirnar?"
Bryndís: "Djöfull ætla ég að gera þá lengstu og ógeðslegustu færslu sem fólk hefur séð næst þegar ég blogga..þetta verður svívirðing og blóðbað."
Svala: "Feitt! Shot gun!"

Yfir og út, lifi byltingin o.s.frv.
Er nú þessum kapítula lokið og svo fá voru þau orð (rímar við borð og morð)
respeeect!

Gefmérfive- B&S

2004-05-10T22:19:00.000-12:00

Ég er komin aftur, enn feitari og enn gráðugri

Og ég held ég sé klikkuð, ég veit að ég er snarklikkuð þegar kemur að tyggjósmjatti en fyrir utan það...mér finnst nefnilega alveg sjúklega gaman að skoða og kaupa flott húsgögn hversu lúðalegt/kellingalegt sem það kann að hljóma. Að fara í Epal er eins og jólin fyrir mér. Ég eyddi fúlgu fjár um helgina í húsgögn, nánar tiltekið mjööög flott borð, hillu og "too cool for school" lampa....
...But still I don´t regret nearly buying myself to bankruptcy, because in a way it felt like sex. Have we women become too depentant on material satisfaction that we forget the right way to satisfy ourselves?
(Þetta var til heiðurs Carrie Bradshaw, megi hún hvíla í friði).

Í fyrrakvöld rúntaði ég um litlu göturnar í miðbænum með vel völdum aðila og ég held ég geti með sanni sagt að ég sé búin að finna uppáhalds götuna mína í Reykjavík (reyndar var mér bent á hana, en það er önnur saga og mun ógeðfelldari). En ég fann fyrir miklu Amélie stuði í þessari götu og ég held að það sé gott stuð að vera í, mjög bjartsýnt.

Ólíkt stuðinu í ljótu úthverfagötunni minni (sem er eiginlega líka ljóta gatan hennar Bryndísar þar sem þær tengjast með stuttum og ljótum göngustíg). En stuðið í götunum okkar er ekkert stuð, það er bara böl, holræsi þjóðfélagsins, illa lyktandi útigangsmenn að ylja sér við eldinn í ruslatunnunum, hundar geltandi og sírenuvæl, sífellt hávært rifrildi og öskur úr húsum og alltaf dimmt og rigning sem magnar upp óþefinn.
Kannski ekki...kannski bara blómagarðar og tveir bílar í hverju plani og börn að leik á götunni og fólk að slá grasið með bros á vör yfir úthverfasælunni. Ojbara...

Þetta er hins vegar frábært:
-Nýja vinnan mín.
-Að búa í uppáhalds götunni minni í 101. (væri frábært, þar sem ég bý ekki þar núna)
-Að eiga stylish húsgögn.
-Nýtt útlit blogger.com (það hefur verið tíðrætt að fólk sé ekki sátt við það, vælukjóar segi ég barasta.)
-Kraftwerk tónleikarnir. (voru..ég veit old news, ég er bara an old cow)
-Að vera tvítugur. (stundum ekki þó, en akkúrat núna finnst mér það frábært)
-Að vera ástfanginn (!)

Þannig er nú það.
Swallow.

2004-05-10T11:50:00.000-12:00

Nokkrar tillögur að "betra" samfélagi með tilliti til bætts efnahagslífs Íslendinga vegna möguleika til vélbyssuframleiðslu og sölu.

uno - Í stað þess að hafa rautt ljós á ljóslugtunum er einfaldlega gerð virk vélbyssa sem skýtur alla þá sem að reyna að komast yfir götuna ólöglega.

dos - Ef einhver keyrir of hratt er gervihnöttur út í geimi sem að skynjar það með áfestri vélbyssu sem að skýtur á bílinn.

tres locos - Ef fólk er ekki með spennt beltin er innbyggð vélbyssa í ljósakerfinu í loftinu inn í bílnum sem skýtur alla þegar keyrt er af stað.

quatro seasons - Festar eru 500 vélbyssur við kennarasvalirnar á Menntaskólanum við Hamrahlíð sem skjóta á þá sem fara yfir 30 km hraða í Hamrahlíð, nota má vélbyssurnar líka sem kveikjara fyrir þá kennara sem reykja á svölunum.
Eins geta vélbyssurnar skotið þá nemendur sem reykja ekki inni í reykskýlinu svo og þá sem gera grín af blinda fólkinu sem býr hinum megin við götuna.
Kanna má möguleika á því að vélbyssurnar skjóti einnig þá nemendur sem að falla á mætingu, eru með áfengi inn í skólanum eða svindla á hlaupunum í leikfimi hjá Olgu.

Fimm frækin - Inbyggðar vélbyssur í skólatölvur sem skjóta nemendur sem misnota skólanetið
(dæmi: að fara á google.com og skrifa: “breasts” þá kemur vélbyssu upp úr skjánum og skýtur nokkrum sinnum)

sex(y) - Hafa vélbyssur fastar á klámtímaritahillunni sem skjóta þá sem að velja frekar gróf klámblöð heldur en hin ljósbláu.

Dverganir sjö - Hafa vélbyssur fastar á Verslunarskóla Íslands sem skjóta alla þá sem að reyna að komast inn í skólann.

Achtung - Hafa innbyggðar vélbyssur á öllum krítartöflum Hagfræði – og viðskiptafræðideildar í Háskóla Íslands sem skjóta alla þá sem að eru með “hægri-slagsíðu”.

Knights who say ni - Hafa vélbyssur í kosningarklefunum fyrir alþingiskosningar sem að fara af stað ef krossað er við Sjálfstæðisflokkinn. Mjög góð hugmynd sérstaklega ef að Frjálshyggjufélagið fer að færa út kvíarnar og bjóða sig fram.

(Boðorðin) Tíu - Festa vélbyssur við hátalarakerfin í bíósölum sem að fara af stað við upphaf mynda eins og: The Fast and the furious, Maid in Manhattan, Pearl Harbour og Armageddon.

Juu-icji arigatoo gozaimas - Hafa vélbyssur fastar á lygamælum sem fara af stað ef logið er, væri gott til brúks á Donald Rumsfeld þegar hann er spurður: Bíddu vissiru í alvöru barasta ekkert af pyntingunum í Írak? (helv.. don't get me started)

Tólf trylltir trommarar - Hafa fastar vélbyssur á stokkum og steinum sem að skjóta á hundaeigendur sem þrífa ekki upp skítinn eftir hundana.

Friday the 13'th - Festa vélbyssur inn í alla skála sem hugsanlega gætu notast undir stórfélagsferðir NFMH sem skjóta þá sem að gera þarfir sínar á gólfið eða eru ekki í stórfélaginu. (má einhvernvegin blekkja kerfið ef nauðsynlega þarf að gera undantekningar, sem ég er reyndar mjög hlynnt)

Fjórtán fagrar fitubollur - Hafa vélbyssur fasta á enninu á Ronald McDonald styttunni í Kringlunni sem að skýtur alla þá sem að kaupa sér hammara eða eitthvað annað að éta þar.
Byssan má skjóta frjálst í allar áttir þegar hádegisfrímínútur Verzlunarskóla Íslands eru í gangi, svo og í áttina að Verslunarskólanum þegar þeir vinna Morfís og/eða Gettu betur.

Fifteen furious fiddlers - Hafa Jón Sigurðsson styttuna á Austurvelli með vélbyssu sem að skýtur í áttina að Nasa um helgar, má líka skjóta í áttina að Alþingi þegar ákveðnir menn eru að tala svo og að skjóta stundum í áttina að MR bara til að heyra þá bölva á latínu.

Ef ykkur er ofboðið gjöriði þá svo vel að lesa ávallt “vatnsbyssur” í staðinn fyrir “vélbyssur”.
Sérstaklega þegar lesið er um Verslinga því að innst inni þá þykir mér mjög vænt um þá.

Svala biður enn og aftur að heilsa ( er enn að snæða, nú feitmeti). Hún vildi benda fólki á það að ef hún væri borgarstjóri í einn dag myndi hún koma þessum hugmyndum í framkvæmd svo og að skjóta á alla þá (úr vatnsbyssum eða vélbyssum) sem að:
a) smjatta á tyggjói
b) smjatta yfirleitt og
c) horfðu á smjattpattana.

Ykkar að eilífu,
Beverly Bills

2004-05-09T08:35:00.000-12:00

Áðan þegar ég labbaði út í sjoppu sá ég svo marga litla drengi að leika sér.
Fótbolti, feluleikur og París sem var ekki í laginu eins og karl (með 3 reitum svo tveimur samhliða eins og hendur svo einum reit og svo haus) heldur var þessi parís með 37 reitum. Parísin sem hafði í mínu ungdæmi verið eins og karl í laginu er nú, árið 2004, í margfætluformi.
Ég hugsaði með mér hvenær og hvort ég ætti einhvern tíman eftir að eignast lítinn strák sem að spilar fótbolta, fer í feluleik og margfætluparís á björtu maíkveldi. Kannski eignast ég bara strák sem að neitar að spila svona leiki og vill frekar bara drekka romm... hver veit? allavega ekki ég..

Mæli með vampírum og gamaldags hryllingi en ekki fara samt á Van Helsing í bíó. Það hefur greinilega enginn með vit á þessu hlutum fengið að koma nálægt gerð myndarinnar. Klikka á einföldustu hlutum...

Fundurinn þar sem Universal pictures ákváðu að gera þessa mynd var tekin upp af CIA og var hann svona:
Bob: Djöfull er ég þunnur mar, ég slátraði 2 hvítvínsflöskum í fertugsafmælinu hennar Moniku..
Mary: Iss það er ekki neitt ég kláraði tvær beljur..
Monika: Díses viljiði ekki bara drekka mig út á gaddinn! Viljiði ekki bara drekka úr mér lífsblóðið eða...!
Charles: Hey já drekka blóð, gott mál, punktaðu þetta niður Stacy, að drekka blóð það er eitthvað sem blívar!
Stacy: Já okay gerum næst mynd um einhverja gaura drekka svona 2 beljur af blóði, það er ferskt!
Susanne: Hey! Hlustiði! Ég er með geðveika hugmynd! Höfum svona fullt fullt af gaurum sem allir drekka blóð og eru bara klikk í hausnum og læti skiljiði?!?!
Allir: Þetta er geeeeeeeðveik hugmynd! Ótrúlegt! Vá klikk! Betra en vika á Benedorm! Þetta er það langbesta sem hefur gerst hér í 5 mánuði!
Harald: Okay ég segji, tökum bara alla hrylliungskaraktera í heimi og látum þá hittast og þá þarf ekkert að hafa neinn vandaðan söguþráð eða neitt og bara allir klikk að hittast í einhverju rugli skiljiði?
Bob: Eruði með Ibufen?
Carrie: Já okay ég segi tökum Frankenstein, Dr. Jekill and Mr. Hide, Dracula, Wolfman og bara svona 7 varúlfa í viðbót og svona 5 fleiri vampírur og síðan kannski svona 5 brjálaða uppfinningamenn og kannski svona 8000 litlar grænar vampírur, nokkra dverga, eina gellu og einn gæja og þá er þetta bara komið, bara the more the merrier skiljiði!
Hugh Jackman: Vá þetta er besta hugmynd sem ég hef heyrt!! Pant leika í þessari mynd!
Allir: Já okay flott, það er samt bannað að segja pant!
Derrick: Ja das ist einen sehr gutes idea! Am den bessten Ich habe gehört in mine Lieben jaaaaaaa! Wir schollen alle sammen habe ein grussen Bier zuzammen oder getrennt og habe ein gutes party! JA!
Allir: Yeah!
Hugh Jackman: Til er ég! Ég ætla að borða geðveikt mikið af snakki í partýinu! Shot gun!

Úr varð ótrúlega tæp pæling, svo tæp að ég held að ég mæli frekar með Ísfólkinu, bók nr. 21. ... eða bara að fara á þessa mynd og vera allan tíman að öskra: “Þessi gaur er nú bara eins og Halldór Ásgrímsson”,
“Hey nú er sko farið yfir strikið þá má skýrlega greina vinstri-slagsíðu á þess atriði”
og “Nei þessi gaur er jafnógeðslegur og kosningaúrslitin 1971 hahhahaha!”.

Ég prófaði að drepa einn Simskall með því að múra hann inni á baðherberginu sínu og eftir langa mæðu dó hann og það eina sem gerðist var að hann fékk sinn legstein í garðinum og húsið fór á sölu. Hann var samt fegin að losna úr þessari gerviveröld sem veröld Simsaranna er.
Hann er núna að drekka pina colada á hvítri sandströnd á óþekktri eyju, horfir út á grænt hafið sem augun hans hafa aldrei áður litið.
Aðeins örspotta frá honum bíða 3 jómfrúr eftir að hann klári úr glasinu og komi með þeim og apanum “Simphe” að grilla humrana sem þau veiddu fyrr um daginn... já hann er í Paradís...

Nú ætla ég að segja ykkur hvaða lög ég spilaði á meðan ég skrifaði þessa stafi og það eru allt lög sem ég mæli jafnframt með:

Air – Venus
The Doors – Riders in the storm.
Pizzicato Five – Magic carpet ride
Beach boys – God only knows
Stephen Malkmus – Jo Jo’s jacket
Pulp – common people

Okay þá er ég búin að skrifa þessa færslu

Svala biður að heilsa, hún hefur verið upptekin undanfarna daga við að borða en hún segist sjálf bráðum muna snúa aftur: "stærri og feitari heldur þið hafið nokkurn tíman séð hana"...

Brie Brie

2004-05-07T23:52:00.000-12:00

Þá er búið að pakka Kynjasögunni saman og bara Þjóðhættirnir eftir, já þið megið halda að nám mitt sé frekar fáránlegt en þetta er ekki neitt miðað við áfanga eins og: Bush, Bin Laden og Díana prinsessa: þjóðfræði nútímans,
"Ég kem frá Gimli": Gunnar Kort segir frá foreldrum sínum,
"Alltaf í stuði": Ása P. segir frá böllunum (má lesa með áherslu á L-in tvö) á ástandsárunum,
Útihátíðir á myrkum miðöldum... og svo fullt fullt annað af góðum áföngum...
...og ég mun hlæja af ykkur seinna lögfræðiverkfræðilæknisfræðiégvilgræðapeningogkaupajeppa ógeðin ykkar, vitiði til...aular..

Kunningi minn að nafni Naozumi Takahashi (er að snæða þarna, ekki stelpan heldur japaninn við hlið hennar) er 22 ára fjölmiðlafræðinemi í Tokyo. Hann er gjarnan kallaður “Tomato Takahashi” því að hann verður fáránlega rauður í framan og í augunum þegar hann drekkur áfengi.
Hann lítur alltaf út eins og hann hafi verið dreginn út úr Kaffi Austurstræti klukkan 6 að sunnudagsmorgni, alltaf í ótrúlega rónalegum fötum, köflóttum jakka og köflóttum buxum en samt ekki í stíl, með appelsínugula og græna húfu á hausnum, góður gaur hann Naozumi.
Hann á án efa eina skrýtnustu sumarvinnu sem ég hef heyrt um.
Hann vann eitt sumarið hjá “símaþjónustufyrirtæki” sem auglýsti í bláum blöðum í Japan á þá leið að á skrá hjá fyrirtækinu væru margar tápmiklar ungar konur sem að vildu komast í kynni við eldri karlmenn. Það eina sem karlmennirnir þurftu að gera var að senda fyrirtækinu sms og þessi sms áttu síðan að komast til skila til hressu stúlknanna og þær að senda vitanlega eitthvað til baka.
Naozumi þurfti heilt sumar að leika tápmikla unga konu og fullnægja um 100 karlmönnum allt sumarið með svæsnum sms-um og lýsingum á undirfatnaði og kynlífsfantasíum og meira.
Hann þurfti að vera með síma fyrirtækisins á sér allan sólarhringinn og svo með skrá þar sem hann skráði sms-in svo að hann vissi hvaða stúlku hann væri að leika fyrir hvaða mann og hvert hann var komin í kynlífsfantasíunum. Svo var hann bara að borða með kærustunni og familíunni og alltaf að skrifa sms svo og á nóttunni.
Fyrirtækið sagði honum að hann ætti að halda mönnunum heitum eins lengi og hægt var og ef þeir vildu hitta stúlkuna þá ætti hann að segja já, velja dag sem var svona temmileg langt í, svo að karlmennirnir yrðu duglegri að láta sig dreyma um stóru stundina.
Síðan hálftíma fyrir fundinn mikla átti hann að segja að hann kæmist ekki því að “pabbi bannar mér að fara út” eða “afi dó í morgun”.
Naozumi var orðin svo klikkaður eftir sumarið að hann var farin að skoða kvenmannsnærföt til þess að reyna að finna nýjar lýsingar á nærbuxum.
Stundum þegar hann var að labba um borgina stóð hann sig að því að vera að ímynda sér að hann væri í raun einhver kvenanna.
Hann hætti í vinnunni eftir sumarið, gat alls ekki meir og kærastan hans var búin að gefast upp á þessu. Hann sagði mér að sumir gaurar sem voru að vinna með honum hefðu verið að vinna við þetta í mörg ár og þeir væru orðnar út úr klikkaðir í hausnum, hættir að tengja við raunveruleikan, vissu varla hvað þeir hétu í raun og voru farnir að haga sér sem “tápmiklar” ungar konur. Þetta var þó vel launað því að eftirsóknin var víst gríðarleg...

Fór á Bang Gang tónleika í gær sem voru góðir (takk Atli) en svo fór ég í bæinn og það var frekar leiðinlegt (takk Svala..nei grín), veit ekki af hverju en þetta voru vonbrigði... það liggur við að það hafi verið skemmtilegra í prófinu fyrr um daginn, samt gaman að hanga með gömlu góðu Unni E æskuvinkonu og landkönnuði.

Held að ég horfi bara á The Adventures of Baron Munchausen í kveld, hún kun vera ágæt svo er hún gerð af Terry Gilliam, sem er náttúrulega frekar hress gaur.

Sjáiði þessa japani sem voru á næsta borði við okkur á "all you can eat, all you can drink" veitingahúsi í Tokyo (þú færð 2 tíma til að borða og drekka (áfengi líka) það sem er á matseðlinum, svo er þér hent út) ,
sjáið þennan sem liggur bara á gólfinu?
þeir eru alveg nokkrir!
Þegar maður er fullur hérna á Íslandi á bar dettur maður niður af barstólnum á hart gólfið og stórskaðast en í Japan situr maður hvort sem er á gólfinu, á pullu á mjúku gólfi, þannig að maður liggur eiginlega bara á meðan maður drekkur og enginn þarf að meiða sig og detta einhvern 1 og hálfan meter niður á hart gólf, sumt fólk dettur sko niður barstól og líka frá kannski 4 hæð niður á þá fyrstu.
í Japan er maður bara eins og rómarkeisari og liggur á meðan maður étur og drekkur...illa gott mál...
Sjáiði bara japanina svo aftur hérna...
...alveg eins og rómarkeisarar!

Æ ég er farin að spila Sims eða að gera eitthvað álíka sorglegt..ég ætla að reyna að drepa Simsaranna alla og athuga hvað gerist þá fyrir húsið og leikinn, hvort það verði bara draugahús eða bara GAME OVER, góð pæling...ég ætla að gera það...

Britney Bjö

P.s.
Þetta er fyndið blogg og ég mun hér með linka á það... enda gaurinn bróðir Önnu Pálu, sem fékk mig til að hlæja svona sjöþúsund sinnum á mars/apríl, held meira að segja að barstólapælingin hafi verið upphaflega umræðu efnið hennar á þessum veitingastað... ég myndi linka á hana ef hún hefði vit á því að blogga..en svo er víst ekki.

2004-05-06T06:55:00.000-12:00

Í dag mæli ég með Búllunni.
Það er nýr staður sem er rétt hjá tveimur fiskum, niðri við höfnina í Reykjavík, og þar er enginn annar en TOMMI sem er með þennan stað og steikir í eigin persónu burgerana, eða Tomma-borgarana!..
góður gaur þessi Tommi, þetta er samt ekki sami gaurinn og var Tommi tómatur í Hagkaupum, nei þessi er aðeins eldra version af Reykjavík. Þessi gaur átti 9. unda áratuginn með Tomma-borgurunum sínum, ég man eftir þeim á Lækjartorgi...

Ohh muniði eftir 9. áratugnum? Mjólkurbikarinn, Tomma-borgarar, the Breakfast club, Footloose, Beverly Hills 90eitthvað sem ég man aldrei, Babar, Lukku Láki, Thompson Twins, Duran Duran og A-ha, Vigdís forseti, Bush eldri (líka tæpur), Micheal Jackson, Eddie Murphy enn þá cool og bækunar hennar Guðrúnar Helgadóttur!
Dabbi Odds var bara borgarstjóri og Ingibjörg Sólrún í kvennalistanum, og Jóhanna Sigurðardóttir! alltaf hress á því...
Hin áhyggjulausa bernska mín birtist mér í Tomma borgara í dag... mig langaði í Ice-cola með honum...

Ætli fólk á 4. áratug 17. aldar hafi einhvern tíman skrifað: Hey munið eftir 3. áratugnum? Ekki búið að brenna Gunnu, Galdrafárið enn þá töff, Gregor-söngur Boccacielle geðveikt vinsæll, sjö elstu börnin mín ekki fædd, Óli ekki búin a deyja úr vosbúð og illri meðferð...

Lifi próftíminn! próf eru frábær maður verður svo gáfaður! greyið fólk eins og Svala sem fer ekki í próf! ég sit hér á Árnagarði og hlæ að þessu aumingjans liði!
hlæ hlæ hlæ..* hóst hóst... ohhhhh hlakka til 14 maí...

Bíbí

2004-05-04T01:32:00.001-12:00

Hlutirnir virðast ekki vera að ganga eins og ég var búin að reikna með.
Þetta byrjaði allt saman á því að hárið á mér varð appelsínugult og fjólublátt sökum heimsóknar einhverja breskra hársnyrtisérfræðinga til landsins. Sumir héldu því fram að ég hefði fengið áfengiseitrun sem að birtist í appelsínugulum strípum, ég sagði bara : okay, já einmitt. Nennti ekki að segja frá þessum bresku gæjum sem að kæmu hingað til lands að gera hár appelsínugul og fjólublá. Klippingin sem ég fékk var samt alveg frekar ágætt. Síðan gerðist það að ég fór á hárgreiðslustofu að láta laga appelsínugula og fjólubláa litinn og verða bara aftur dökkhærð eins og ég hef verið annað hvert ár síðan ég var 15 ára (1998, 2000, 2002 og svo núna aftur 2004), það er gott mál...en... ég bað konuna um að klippa mig aðeins til og þegar ég kom heim var ég bara eins og Charlize Theron í Monster, með einhverja Suðurríkja 1988 Metal klippingu með feitasta sítt að aftan sem ég hef séð! Bróðir minn sagði strax að ég liti út eins og anarkisti og Svala sagði að ég væri eins og einhver Metal 1990 Guns N' Roses rokkari.
Svala klippti skottið af mér svo að núna er ég eiginlega bara með stutt hár sem ég er mjög óánægð með og ég get ekki beðið eftir 1. ágúst þegar hárið á mér á að vera búið að síkka um 3 centimetra, akkurat þá sídd sem vantar upp á að hárið á mér verði okay.
Svala hjálpaði mér að mixa hárið þannig að það var fínt, en núna þarf ég alltaf að hafa mjög mikið fyrir því, og að lokum leit ég út alvega eins og japani. Ég horfði í spegilinn og mér leið allt í einu eins og ég væri 11 ára en vissi ekki af hverju. Ég líktist einhverri persónu sem ég man óljóst eftir frá æsku minni. Þegar ég kom heim fattaði ég að ég væri bara alveg eins og liðsmaður í fótboltaliðinu Kíklópunum sem voru japanskir manga teiknimyndaþættir á stöð 2. Sem sagt, þegar ég er búin að gera hárið bærilegt þá lít ég út eins og manga japani.

Var búin að gleyma því hvað Njála er fyndin, mundi það aftur í síðustu viku... taðskegglingarnir ykkar..
Fólk er samt oft svo tæpt, var að lesa að í frönsku byltingunni þegar fólkið var nýbúið að ná Bastilunni undir sig hafi það drepið verðina sem voru þar með því að skera þá á háls. Síðan tóku nokkrir menn hausanna af, settu á spjót og marseruðu síðan um borgina með þessi spjót á lofti eins og fána.

Mjög ógeðlsegt, en samt ekki eins ógeðlegt og einn draumur sem mig dreymi fyrir jól.

Hann var þannig að ég var í Hagkaupum í Kringlunni og var að kaupa í matinn. Ég geng að svona stórri frystikistu þar sem fullt af kjöti er ofan í, lambalæri, frampartar og hvað þetta allt nú heitir. Síðan er ég eitthvað að gramsa í þessu og sé síðan eitthvað kjötstykki sem er ekki rautt heldur bara dökkt. Ég kafa ofaní kistuna og dreg hann upp og þá er þetta haus af svertingja sem búið er að kljúfa í tvennt eins og sviðakjammana. Ég fer að skoða betur ofaní kistuna og þá sé ég að það er fullt fullt af svona klofnum svertingjahausum þarna, af börnum og konum og mönnum og allir eru með hræðilega sársaukagrettu frosna á andlitinu, hálföskrandi, sumir eru jafnvel með opin augun og einhverja skartgripi á sér. Ég les á pakkningarnar og þá les ég að þetta kjöt sé selt frá Rúanda..
þetta er sá allra ógeðslegasti draumur sem mig hefur á ævinni dreymt,
mun ógeðslegri en þegar mig dreymdi að bróðir minn mætti velja jólamatinn og í staðinn fyrir að velja hamborgarahrygg eða rjúpu þá vildi hann borða köttinn okkar, og við urðum að gera það því við vorum búin að lofa honum að velja. Ég var svona 7 ára þegar mig dreymdi þann draum...
Kisa er enn þá hress í dag, orðin 17 ára, frekar temmilega kisa það..

Við getum lært þrennt af þessu:
a) það er ógeðslegt að marsera um höfuðborgir með mannshöfuð á spjótsoddum
b) Munum eftir þróunnarlöndunum, hlutir sambærilegir og draumur minn eru að gerast þar í raun
c) Kisur lifa lengi ef manni dreymir að maður borði þær

British

2004-05-03T09:14:00.000-12:00

Það er satt! Ég hef stigið upp úr bölvuðu feni hinnar ömurlegu vinnu og gengið til liðs við auglýsingadeild Morgunblaðsins þar sem ég er með mitt eigið skrifborð í mínum eigin bás og með my own þtapler, sem ég ætla að eiga ævilangt...feitt. En annars eru highlights helgarinnar þessi: Ég hætti í Fjarðarkaupum, fór á Sirkus m. Sólveigu og Geira japana þar sem ég tók hressu dansidúkkuna á þetta, fór í barnaafmæli og svo í óformlegt unglingaafmæli til Atla og ég og fyrrnefnt pakk ásamt Bryndísi gáfum honum The Beach Boys' Pet sounds sessions box set sem er geðveikt.

...En að öðrum og mikilvægari málum...
Mér datt það í hug um daginn að stofna menningarlegan frönskuhóp, þar sem fólk myndi tala um sína frönskuupplifun ég yrði auðvitað formaður þar sem ég hef mikið frönskuvit...en fundirnir gætu farið í að smakka alls konar gerðir af frönskum og ræða uppruna kartaflanna og frönskugerðarlist og jafnvel koma með sína uppáhalds frönskur og leyfa hinum að smakka. Nokkuð gott.
Þó ekki eins gott og hugmyndin mín um snakkbarinn. Það yrði geðveikt hipp og kúl bar þar sem boðið er upp á alls konar snakkgerðir og úrval af sósum. Þarna gæti maður s.s fengið sér svona skál sem er skipt í hólf og valið sér snakktegundir og sósur með, svo gæti maður líka pantað alls konar snakkrétti og snakkblöndur. Svo yrði auðvitað seldur bjór, mikið af bjór. Ég og Kári Hólmar munum einhverntímann láta draum okkar um snakkbarinn rætast og svala (!) þannig snakkástríðu okkar...mmmm.

Swallow

2004-04-29T00:16:00.000-12:00

Ég hlakka svo til að I could hurl. Á morgun rennur nefnilega upp sú hátíðlega stund að ég vinn minn síðasta dag í Fjarðarkaupum fyrir fullt og allt. Síðustu 2 mánuðir sem ég hef unnið þar hafa verið algört hell í krukku en núna er sumarið komið með blóm í haga og no more mr. Fjarðarkaup for me, no sir. Ég var að hugsa um að gera e-ð gott úr þessum merkilega degi, t.d að mæta í górillubúning á afgreiða í honum á kassanum allan daginn, mér þætti allavega gaman ef ein kurteis górilla myndi afgreiða mig úti í búð. Já eða að hoppa upp á kassann kl. 5 þegar mest er að gera, láta spila full moon í kerfinu og múna...það væri gaman. Eða bara mæta full, með landa, sígó og haglabyssu í blettóttum afabol, berja út úr mér tvær tennur og heimta að allir kölluðu mig Cleetus eins og virðist vera í tísku í háskólanum.

Um kvöldið ætla ég að vera partýanimal eða partýgórilla, bæði vegna þess að þetta er hátíðlegur dagur og af því ég missti víst af klikkaðasta djammi ársins síðasta föstudag þegar dimmisjón í MH var. Því ég hélt að ég væri að fara í inntökuprófið fyrir fornámið í Myndlistaskólanum daginn eftir....já hélt segi ég því ég tók ekki prófið. Ég var of upptekin við það að láta líða yfir mig eftir korter við trönurnar, þ.e. eina mínútuna stóð ég við trönurnar að teikna, þá næstu lá ég á þeim á gólfinu með alla í salnum yfir mér. En ég var s.s. í ruglinu eftir þetta þannig ég fer víst í sjúkrapróf sem er eftir mánuð...sad keis en samt frekar fyndið. Ég var að vona að ég hafi dottið geðveikt kúl en ekki svona "bold and beautiful style"...svo skilst mér á stelpu í MH sem var með mér í prófinu að ég hafi bara dottið frekar asnalega...ekki nógu gott, verð að æfa mig.

Swallow

2004-04-26T11:41:00.000-12:00

Það er svo marg vanmetið í þessum heimi. T.d. Brady Bunch, sem eru ógeðslega fyndar myndir, þá á ég við númer eitt og tvö, en svo er víst komin ný sem mér sýnist vera mjög tæp.
Fleira sem er vanmetið er t.d. það að vera single. Skil ekki af hverju allir eru ekki bara single í góðu stuði í staðinn fyrir það að vera að leita og leita á einhverjum sveittum skemmtistöðum og missandi einhverjar bækur í gólfið á Þjóðarbókhlöðunni í tíma og ótíma (prófaði nokkrum sinnum er ég var leitandi, og það meikaði ekki sens, samt eiginlega meiri sens en skemmtistaðapælingin).
Alice Cooper er líka vanmetin, ég er búin að reyna að fá fólk til að hlusta á hann með mér í svona 2 ár en enginn tekur því alvarlega.
Fleira sem er vanmetið er sóðatal, hvítt súkkulaði, hræringur (skyr og hafragrautur blandaður saman), spritismi og að búa til sinn eigin útvarpsþátt á segulband í gamla kasettutækinu sínu.

(Svala vill koma því á framfæri að hún sé líka vanmetin...sad keis).

Annars þá er ekki hægt að ná sambandi við mig þessa dagana, ég er stödd á 16. öld þessa vikuna (ekki möguleiki á því að ná í mig) og þá næstu verð ég stödd á tímabilinu 1870-1930 (þá getiði prófað að hringja ef þið þurfið að ná í mig) og vikuna þar á eftir verð ég stödd á tímabilinu 11. öld - 20. öld (ef þið þurfið að ná í mig, hringið þá í blálokin á vikunni).
Frekar átakanlegt að stunda sagnfræði.
Það lífgaði samt upp á daginn að kunningi minn var að byrja með stelpu sem heitir Flurina von Planta,
litla frænka mín gubbaði á kisuna okkar..
.. og ég fékk sms frá strák sem að vildi sína mér "partýhattinn" sinn. Ekkert af þessu er grín, mér er svo mikið alvara að ég gæti étið af Svölu hausinn.

Mig grunar að Siggi T hafi næstum því misst puttann í brauðskorvél í einhverju bakaríi. Það væri náttúrulega mjög leiðinlegt að fá brauð að borða með puttanum hans Sigga T, á milli. Annað leiðinlegt væri t.d. að missa augað eða löppina í brauðskerivél, það væri mjööög leiðinlegt.. Eða bara að deyja í vélinni... það væri ömurlegast af öllu, sérstaklega ef að maður þyrfti fyrst að horfa upp á einhvern nákomin farast á sama hátt... ég er feginn að Siggi T hætti í vinnunni áður en hann dó.
Svo kom í ljós að Siggi T lenti í hnoðvélinni sem samkvæmt heimildum bakarísstúlkunnar Svölu í Fjarðarkaupum er ekkert grín, þannig að þetta var alvarlegt mál..

Allavega, þá er ég bara að fara að fá mér riffil, landa, netabol og sígarettukarton fyrir næstu mannkynssögu II próf því að kennarinn lagði til að það yrði trailor trash þema í sagnfæðiskor á mánudaginn, í tilefni af væntanlegu 230 ára afmæli Bandaríkjanna. "Lifi byltingin!" svaraði ég og át af kennaranum hægri löppina, "lifi vinstri slagsíðan!" hrópaði þá allur bekkurinn.

Miðað við svita síðustu helga, held ég að það veiti ekki af því að gera alvöru úr því að fara bara almennilega í trailor trash pakkann, annaðhvort gerir maður hlutina með sæmd eða sleppir þeim bara. Það hefur ávallt verið mitt mottó...nei , það var mottóið hennar Rutar, æ skiptir ekki, hún getur hvort eð er ekki leiðrétt þetta eftir að ég át úr henni tunguna.. nei grín! Síðasta helgi byrjaði mjög fallega en endaði í Ölmu yfirsvitara.

Ég er greinilega með "að éta" á heilanum, lofa að hætta þessu rugli næst og haga mér skikkanlega..segja t.d. "að borða " eða "að snæða" í staðinn...

Pís out

Bingó Bjössi

2004-04-23T03:47:00.000-12:00

Fokk sjitt fokk sjitt. Ég læt þessi fögru orð drjúpa af vörum mínum vegna þess að ég er að fara í inntökupróf fyrir fornám í myndlistaskólanum í Rvk. og ég er bara fokkedí sjittí fokk. Ekkert nojoke. Þannig að helsta skemmtun mín síðustu daga hefur verið að teikna feitar naktar konur, legókubba og þvottaklemmur. Er þó búin að kíkja á "Bana Billa; bindi 2" með góðu fólki og það var einkar hressandi. Ég er líka mjög ánægð með hvað veðurguðinn var hress á því í gær, sumardaginn fyrsta. Ég fékk líka sumargjöf frá muttilein; körfubolta, til þess að ég og Bryndís getum farið í asna þegar við erum í asnalegu skapi (sem gerist frekar oft) af því ég spila ekki körfubolta...nema kannski sundkörfubolta.

En ætli það sé ekki réttast núna að útnefna sigurvegara afmælisstökukeppninnar sem er: Atli Bollason, góðvinur gefmérfive og minn ex kex.
Hann sendi inn 3 vísur, hvorki meira né minna en hér munu birtast tvær af þeim en sú þriðja var svo dónaleg að blygðunin náði yfirhöndinni varðandi birtingu hennar, enda Atli mikill dónakall.

Æðislegt afmæli, tuttuguogtveir.
Allt of langt liðið síðan leikið með leir.
Playmo og Lego, æ, aldrei meir.
Konan hún Bryndís fljótlega deyr.

***

Þeir segja að sökki feitan
að vakna og vera' orðinn átján.
En tuttuguogtveggja
er ár til að hneggja
og gleðjast því víst er það lán.

***

Við hjá gefmérfive þökkum Atla og hinum sem voru nógu góðir á því að senda inn stöku fyrir að sýna góðan móral. Til hinna letingjanna segi ég screw you guys.

Swallow

2004-04-20T06:33:00.000-12:00

Ég hef verið að sofa hjá óvininum (aka Slepping with the enemy).
Þá spyr ég: hvar liggja mörkin?
Hvenær á maður að láta pólitískar skoðanir hafa áhrif á gjörðir manns og hvenær ekki?
Pólitíski óvinurinn eru Nike buxur og brún 4 ára gömul Gap peysa sem ég fann á öðrum helmingi rúmsins míns í dag. (Sá helmingur sem er ætlaður fyrir sambandsaðila sem er ekki til, því liggur allskonar drasl þar í staðinn).

Sumir harðir femínistar á 8.áratugnum urðu lesbíur að pólitískum ástæðum. Þegar ég fór á netið áðan að leita af myndum af pólítiskum lesbíum (skrifaði: lesbians + photos + videos) sá ég fullt af myndum af lesbíum eitthvað að gamna sér og ég fór að velta fyrir mér af hvort þessar stúlkur væru þessar pólitísku lesbíur sem ég var að leita af. Búnar að gefast upp á karlmönnum og farnar að gamna sér saman sem lesbíur. Ef svo er, þá er geðveikt mikið af lesbíum vegna pólitískra skoðanna, því að þessar myndir eru til í hundraðaþúsund tali á netinu. En svo var mér bent á að þessar stelpur væru oftast ekkert lesbíur í alvörunni, ekki einu sinni vegna pólitískra skoðanna, heldur væru þær bara saman á þessum myndum til þess að skemmta öðru fólki sem finnst þetta vera sexý.
Það hlaut að vera!!!
Ég trúði því varla að það væru svona margar stelpur á mínum aldri búnar að lenda í karlrembum og nenntu þessu ekki bara lengur, fannst ég vera bara eitthvað út úr. En svo eru þær bara af þessu af því að það er svo gaman, sexý og sveitt.!! Þær eru s.s. lesbíur í nokkur augnablik vegna kynferðislegra skoðanna annarra. Okay, þær koma þessu s.s. ekkert við, nema náttúrulega fólk fari að segja að samfélag sem kallar á svona myndir sé pólítiskt séð gott/vont.
Gleymum þeim..aftur að...Sleeping with the enemy...
Skiptir það máli? skiptir það í alvörunni máli hvort kærasti manns, maki, sá sem maður er skotinn í, sá sem maður sefur hjá... sé með sömu pólitísku skoðannir og maður sjálfur?

Samanhta Jones myndi segja: Nei fuck it!

Carrie Bradshaw...hvað myndi hún segja? öruglega eitthvað gott...

Ein vinkona mín myndi segja: Hann getur ekki verið hægri maður, það stangast á við alla heimsmynd mína, hvað á ég að gera ef hann er t.d. á móti jákvæðri mismunun og finnst staðalímyndir bara fínar?

Önnur vinkona mín myndi segja: Ekki séns að ég færi að sofa hjá sveittum kommúnista, sem fyndist bara fínt að fólk eigi bara að geta keypt eina tegund af brauði eins og var í Sovétríkjunum, og er á móti öllu frelsi!
(Hægri menn minnast gjarnan á Sovétríkin í öllu samhengi við vinstri menn.
Vinstri menn minnast gjarnan á karlrembur í öllu samhengi við hægrimenn....)

Flesti vinir mínir myndu segja: Skiptir ekki neinu einasta máli!

Ég allavega henti Gap peysunni og Nike buxunum inn í skáp, ekki af því að ég vildi ekki hafa þessar flíkur í rúminu, heldur einfaldlega vegna þess að mamma bað mig um að taka til...

Við Svala ætlum að fá KB-banka til að heita Kill Bill-banki í staðinn fyrir eitthvað annað uncool nafn sem hann er með í gangi.

Af því að Svala er að vinna svo mikið í Fjarðarkaupum og getur aldrei skrifað neitt ákvað ég að birta brot úr dagbókinni hennar:

Hæ hæ kæra dagbók!
í dag var ég að vinna í Fjarðarkaup og ég náði að plögga færibandið á kassanum þannig að það fór geðveikt hratt. Ég tók þríhyrndan konfektkassa og festi ofaná endapunktinn á færibandinu, þannig að þegar viðskiptavinurinn setti vörunar (helst margar) á bandið gaf ég bara í og vörunar brunuðu mjög hratt áfram á bandinu þangað til að þær komu að konfektkassanum þríhyrnda sem virkaði þá eins og stökkpallur og vörunar skutust allar af færibandinu og út um eina rúðuna og út á bílastæði... það var ógeðslega fyndið...
Einn viðskiptavinurinn fékk rjómaost í beint í augað og annar fékk 32 dollur af hundamat í hausinn, þetta var eins og hríðskotafallbyssa!
Allavega þá er ég enn þá með stór brjóst og single.
Þannig að það er eiginlega ekkert að frétta..
held bara áfram að reyna að vera hörð og cool..
Ætla að missa 10 kíló í dag, ég er orðin 42 og held að 10 í viðbót megi fara.. verð að fara í átak eða body pump eða eitthvað...ohh ég er að deyja..
takk fyrir að hlusta á mig kæra dagbók,
góða nótt!
Svala...

Ohh hún er svo steikt, þetta með stökkbrettið var ekki einu sinni fyndið...
Bryndís